Oct.
20
Vanlaizang-ah
Khut Khat
Sorn
Som An, 40
Sorn Som An in a nu bek tawh khangkhia
hi. A lawm ngaih nu zui-in Sunday nisial
biakinnah kikhawm thei zel hi. Amau’
teenna khua in Phonm Penh khuapi pan tai 45 gamla, Doun Kaev khua hi. ‘ Hotkhiatna, Pasian thu kin keng, ka lawm nu
bek a kin hing” ci hi. Pawlpi mi 30 bang a omna tua pawlpi’ sapna tawh Sunday
ni khat thugen dingin SDA thuhilhsia khat in thugen hi. Tua Adventist
thuhilhsia pa’ thugen zaknopsa uh ahih manun thugen kik dingin sam uh hi. Tua
Adventist thuhilhsia in thum vei thugenin a va pai ciangin, tua pawlpi buppi in
SDA suak dingin khensat uh hi. Phnome Penh khuapi-a Adventist makaite kiangah a
va kipulaak dingin Som An sawl uh hi.
Tua mi 30 in kituiphum uh hi. Som An
zong kituiphum hi. Ahi zongin Som An in Pasian upna nei lo hi. Som An in,“
Khristian hi lo innkuan sung pan a khangkhia ka hih manin, ka kikhel ding hamsa
hi,” ci-in pulaak hi. A kituiphum khit
ciangin Som An in University kah dingin Phonm Penh va zuan hi. Sum tawmno khat
bek nei-in, pawlpi makaite tung pan huhna ngen a, inn khaan no khat sap a, tua
panin sangkah hi.
A kumnihna hong cin ciangin Som An a cina hi.
A pumpi khempeuh sa gawp ahih manin tang thei lo hi. A si dingin kingaihsun hi.
Tua leh a lungsimah a vanglian Jesuh hong phawk hi. Tua leh, bang hangin Jesuh
tungah thungen lo ding ka hiam, ci-in thunget hong kipan hi.
Thungen dingin khukdin sawm leh a
lupna tungah tuk hi. Khukdin dingin hanciam kik taleh khukdin zo lo hi. Hanciam
tee-taa ahih manin a thum vei ciangin khukdin zo hi. Mitsi-in thungen a, “Topa
aw, hong huh in,” ci-in thungen hi. Tua bangin a thunget khit lianteh khuavak
dan khat hangin a taal tang hong lum vat hi. Tua in Pasian’ vangliatna hi ding
hi, ci-in Som An in ngaihsun hi. Amah zong a thunget zom suakin “ Pasian aw, a vanglian Pasian ahihna ka thei
hi. Natna khempeuh damsak thei Pasian na hihna ka thei hi. Ka natna hong damsak
in. Na khempeuh nangma thupha hi. Na tungah lungdam kongko hi,” ci-in thungen
hi.
Som An a thunget khit ciang lum kik
hi. A lupkhawmin mitsi a, a khe tungah
khut khat uh hi. Tua a muh in khuavak
dan tawh kibang khat hi-in, damdamin tua khuavak hong bei hi. Tua khut in a
pumpi tung a nusiat khit ciangin a natna khempeuh beimang hi. Tua khut in a gil
tungah hong om a, a natna a damlam kithei hi.
A lupna pan pusuak khia-in inn pua
lamah pusuak hi. Nuam lua mahmah ahih manin a inn kimtengah “ Topa aw, nangma
vangliatna hangin damna ka ngah ka nuam hi, ci-in diang koi koi hi. Tua hun
lai-in Som An in kum 20 hi pan hi. Tu-in Som An in kum 40 val khin hi. Cambodia
gam pan khuapi lian pen nihna Battambang khua university lian mahmah khatah
laihilh hi. Pawlpi sungah lawptakin
nasem hi. Pasian’ vangliatna pulaakin nungta hi.
Jesuh in sihna pan thokik hi, cih um
lo-in ka khut tawh ka lawm mateng um keng a ci
“ Thomas bangin lungkhuah pa ka hi hi,” ci hi.
“ Pasian in ka nunzia hong khel ding
vangliatna nei hi,” cih ka um hi, ci-in pulaak hi. “ Pasian in nalamdang hong
bawl kei leh Pasian ka um kei ding hi,” ci-in pulaak ngei hi. Ahi zongin tu-in bang
bang gimna thuak taleh Pasian muanna nei veve hi.
1930 kumin Cambodia gamah Adventist pawlpi
nasem Fred L. Pickett in Indo-China Mission pan va pai hi. Tua hunin kumpi in
biakinn lam ding phal lo ahih manin Tinh Bien khua (Tu-in Vietnam gam) ah
biakinn lam a, member 30 pha uh hi. Cambodia gamah SDA member 6719 om a, gam mi
2350 ciangin SDA thu-um mi khat om hi.
Tu quarter leitungbup Sabbath 13 sumpi in
Cambodia gam Doun Kaev pawlpi ah kipuak ding hi. MUC in Tonzang pawlpi –ah puak
ding hi.
