Oct. 27
Pawlpi
Sungah Ka Tuakkhak
Yin
Pheara, 20
Pheara in kum 19 a phakin Pasian
tungah nget khat nei hi. Amah pen Cambodia khuapi liannihna Battambang khua-a
om SDA biakinnah kikkhawm zelzel hi. Mal. 3:10 sung a “ Ankholna ansal-ah an a
om theih nadingin sawm-ah khat hong paipih un. Koih nading mun om nawn lo zah
dongin thupha kong pia ding hi. Hong ze-et dih un.” cih pastor pa in a sim thu
a bilkha-ah mang lo hi.
Sabbath ni kikhopna-ah sumpi kaihkhop
hun hong tungin Pheara in zong 1000 sumpi dingin khia pah hi. A neih khempeuh
khia hi. A zing ciangin lamet lohpi-in a u pa Phirun kiang pan 10000 hong ngah
hi. Tua sumte in amau ngei-na bangin a si khin mite aa ding pawi bawlna-ah zat
dingin a kipia sum hi. Ni dangin tua
bangin sum ngah ngei lo hi. Tua hi-in Pheara in lamdangsa hi. Pasian’ piak
thupha ahihlam phawk kha lo hi.
Sabbath kik ciangin tua bangin sumpi
khia-in Pasian in thupha hong pia takpi ding hiam, ci-in Pasian ze-et hi. Sumpi kikaihkhop ciangin Phreara in zong a
sum ngah lak pan 1000 sumpi-in khia hi.
A sum neihlai 5000 bang om hi. Motor cycle aa ding petrol lei nadingin sum
kisam hi. Tua kaal sungin a lawm a gualte tung panin sum honkhat hong ngah
hi. Tawl khat khit ciangin Pheara in
buai-na lianpi hong tuak hi. Pawlpi in Lungdambawl bawlna-ah a lawmdang 15 tawh
hong pai uh hi. Pawi manteh mi thum a nungah tuangsakin a cycle tawh innah va
kha hi.
Tua bangin khat vei a lawmte a kha-in biakinn
hong tun kik madeuh, palikte tawh kituak hi. Cycle lukhu khu lo ahih manun mat
thuak uh hi. Ahi zongin palik in cycle lukhu vai dong lo-in, cycle licence lak
dingin sawl hi. Pheara in a u pa
hopihin, a u in licence mangsak a, kem nawn lo hi. Pheara zong lungkham
hi. Palikte in a cycle laksak thei uh
hi. Tua hi-in a cih nading thei lo hi. Tua leh “ pastor pa’ thuhilh khat phawk
a, hamsat hun ciangin thungen in” cih hong suak a, aman zong thungen hi. Tua
leh palik khat va pai-in bangci dan hiam ci-in va dong hi. Tua palik in 20000
hong pia leteh pai thei niteh va ci hi. Pheara in sum nei lo hi. Ahi zongin computer lui khat, a zuak, a khot
zawh loh, mun khatah 40000 tawh va poong hi. Palikte sum pia-in a cycle ngah
kik thei hi. Hamsatna panin Pasian in a
hotkhiatna thu phawkpha kik kik hi.
Cycle lukhu khu lo a lawmte in tua thu
a zak uh ciangin lamdangsa uh hi. Pasian in Pheara a huhlam mu thei uh hi. Pheara
in pawlpi mite khat kiang pan lukhu kawmin
a lawmdangte zong kha kik hi.
Tu-in Pheara in tui kiphum khin hi.
University ah sangkahin, pawlpi
ah computer hilh hi.
Tu quarler leitungbup Sabbath 13 sumpi in
Cambodia gamah kipuak ding hi.
MUC
in Tonzang pawlpi puak ding hi.
