Oct.
13
Nuntakna
Tui
Tranqui
Vergara, 44
Tu ni Mission news in, Kawl gam sung,
mi gilo a tamna khua khatah SDA sanginn
khat a hong piantheihna thu hi. 2016 kum, January kha sungin sangnaupang 32 in
Thai le Kawl gamgi khua khatah kha khat sung khawng Pasian nasem dingin va pai
uh hi. Hih sangnaupangte in Hongkong Adventist Sang le Korean Advanced
Preparatory Academy pan sangnaupangte hi. Hih sangnaupangte in Thai le Kawl gamgi
galtai mite omna khua khat a sanginn ah music hilh ding le sep theih bang bang
sem dingin hong pai uh hi.
Tua munah a tun zawh uh kaal khat khit ciangin Hongkong Adventist Sang panin sangnaupang
khat le Thai gam pan missionary nih in Kawl gamgi mun tuamtuamte manzaih dingin
motorcycle tawh nai khat sung hawlin hong pai uh hi. Tua khua in khua-neu khat
hi-in inn 14 khawng bek om hi. Tua
sangnaupangte in hih khua sungah a kitangsap uh dawntui hamsat va mu uh hi. A
tuitawi-na uh tuibawm pen tai khat bang gamla hi. Tua khua mite in gamla-pi pai-in
nisim tuitawi uh hi.
Tua-te lakah Janiz Shuk Ching Li in
tua khua mite hehpih mahmah hi. Amaute nuntakdan in a lungsim sukha hi. Janiz
in a lawmte kiangah a muh thute pulaak hi. A lawmte tawh kikum in tua mite huh
nadingin sum kaikhawm uh a, tui lak nading pie lei nadingin $ 1500 (Bath 50000)
bang ngah uh hi. Tua sumte in missionary sangnaupangte in moh zuakna le a
tuamtuam pan kigawm khawm hi.
Kha khat khit ciangin nasep zo uh a, Hongkong
le Korea ah va ciah kik uh hi. Tua khua mite in dawntui bek tham lo-in “Nunna
Tui” ngah uh hi. Tua khua mite in
Khristian hi lo uh hi. Khristian biakna tawh kisai khempeuh deih lo uh hi. Ahi
zongin a hamsatna uh a kihuh manin tua khua aa dingin sanginn khat zong lamding
ngen uh hi.
Khua sung mite ngetna tawh kizui-in 2016, June
kha in SDA sanginn khat kihong hi. Sangnaupang 40 val bangin pilna sin uh hi.
Tua khua sung pan naupangte banah khua kim, khua pam panin zong sangkah ding
hong pai uh hi. Tranqui in kum 40 bang cingkhin a, Thai le Kawl gamgi-ah nasem
hi.
Tu quarter Sabbath 13 sum in Korat
khua a Adventist International Mission School ah kipuak ding hi.
MUC in Tonzang pawlpi-ah kipuak ding
hi.
