Nov.
3
Pasian
aa Dingin Vanlenghawl
Dwayne
Harris, 39
Dwayne Harris in US galkap nusia-in
Phillipine ah Pasian nasem vanlenghawl dingin ngaihsun kha ngei lo hi. Tua leh a innkangin a neih khempeuh beimang
hi.
Dwayne in Adventist innkuan sung pan
khangkhia hi. A neutung a kipan vanleng deih mahmahin a gol ciangin vanlenghawl
ding ut hi. Tan 10 a zawh khit ciangin
Walla Walla University ah vanlenghawl kisin pah hi. A sangkah kum khat khit
ciangin Dwayne in Montana-ah hong ciah kikin vanlengpuah theih nading licence
le vanleng hawhtheihna licence va ngen hi. Vanleng hoih nawn lo khat lei-in tua
vanleng puahkikin Army National Guard ah kihel hi. Tua panin vanleng
hawltheihna ngah hi.
Ahi zongin a upna pen laklawh khatin om
hi. Ni khat Pasian nasem vanlenghawl khat US ah hong zin mi khat om hi, ci-in a
sanggamte khat in gen hi. Dwayne zong a
vanleng tawh Kentucky ah hong pai hi. Phillipine gamah nasepzia ding hong kikum
uh hi. A kimuhma- a zan ni-in, Dwayne’inn meikang hi, cih a sanggamnu in zasak
hi. A si, a liam kuamah om lo hi. Ahi zongin Dwayne in a van neih khempeuh tua
innah a koih ahih manin na khempeuh beimang suak hi. Phillipine gam pan hong
zin vanlenghawl pa tawh tawl khat hong kiho-na ah a innkat thu zong pulaakin,
Army National Guard pan pusuah ding phalna a ngah leh Phillipine ah Pasian
nasem dingin khensat hi.
Masuan
Thak
Dwayne in Army National Guard ah kum 6
sung sem ding ci-in letmat thuh khin, tun kum 4 bang in sam lai ahih manin koi
bangin hih panin khawlna ngah thei ding cih thei zo lo hi. Phalna ngah nadingin
thungen hi. “ Ka inn kattum a kipan ka nuntakna-ah bang masak pen ding cih
ngaihsutna ka nei hi. Tawntung nate le
leitung nate tehkah lehang, leitung nate in bangmah a hihlohlam ka tel hi. Hih
leitungah a kisam penpen in tawntung nuntakna le midangte in hotkhiatna a ngah
ding uh kisam hi,” cih simloh, Dwayne in leitung nate thupi-sa nawn lo hi.
Dwayne in a neih ngei loh Lai Siangtho sim
le thunget hong kipan hi. Tua bangin a om a kipan Dwayne nunzia tampi kikhel
hi. Pasian upna, muanna hong nei semsem hi. Tawl khat khit ciangin a nasep
khawl ding hong khensat hi. Bang hang hiam cihleh a nasepna-ah Sabbath ni
tawlnga thei lo hi. Nasep a kipat zawh kum 4 bang cingkhin hi. Dwayne in ama
tunga makaite kiangah Saturday ni nasem
lo-in, Sunday ni nasem dingin ngen hi. Ahi zongin makaite in phal lo hi. A mai
kik ciangin Dwayne in Sabbath ni nasep
kuan lo-in Sunday ni-in nasem dingin hongkuan takteh, makaite in deih lo
hi. Ama tung a makaite in Saturday ni
nasep a kuan loh maap nuam lo uh hi. Ahi zongin Dwayne in khialhna bang mah nei
lo ahihlam mu uh hi. Dwayne in Topa’ deihna bang ci-in a vai khempeuh ap hi.
Thungenin Pasian in Phillipine ah nasem ding a awi leh, lampi honsak dingin lamen
hi.
A
Thunget Ngah
Makaipa in Dwayne sam a, nasepna panin khawlsak dingin pulaak hi.
Dwayne in lamdangsa vat hi. Ahi zongin Pasian tungah lungdamko hi. Philippine zuanin zinkhia pah vingveng
hi. Phillipine a tun zawh a sawt lo-in
mi khat huhna banah, ama sumkholteng tawh helicopter khat vakhak hi. “ Pasian in ka kitangsapna khempeuh hong pia
hi,” ci-in Dwayne in pulaak hi.
Tu-in Dwayne in kum 39 pha-ta hi. A
zi, Wendy zong nurse missionary khat
hi-in, Phillipine Adventist Medical Aviation ah makai hi. Phillippine gam sung
mun tuamtuamah zin kawikawi-in a nihun Pasian nasemin om uh hi.
“Phillipine ka tun zawh kum 10
cingkhin hi. Kha sial-in ka kitangsapna khempeuh uh Pasian in hong sik hi,”
ci-in Dwayne in pulaak hi. Galkap sung pan khawlin Pasian na a sepna-ah, Dwayne
in nuntak nuamsa hi. Rom. 8: 28 sung a mah bangin Pasian a muang, a it mite aa
dingin Pasian in na khempeuh in a hoihin piangsak hi” cih siksanin, Pasian’
kamciamte upna tawh muang uh hi.
Phillipine gamah 1905 kumin Australia
panin SDA laibu zuak R. A. Caldwell hong tungin, tua a kipan pawlpi nasep kipan hi. 1915 kum ciangin Phillippine
tualsuak mi Pasian nasem hong om uh hi.
1916 kum in tui kiphum mi 104 pha a, member 116 tawh pawlpi masa pen
kiphut hi. Kum 100 khit, tu-in Phillippine gamah SDA member 1052377 val om hi.
Pawlpi 4789 le company 1994 om hi. Union Conference 3 pha uh hi.
