Nov. 24
Nuntakna A Khel Niinlompi
Petrus Tobolu, 50
Petrus
Tobolu in lokho mi khat hi-in a tanu kum
19 a pha Monika in SDA pawlpi-ah kituiphum cih a zak ciangin heh mahmah hi.
Amah pen Soahhukum khua-ah kum 35 sung bang
pawlpi makai hi. Ama kiangah
bang mah zaksakna nei lo-in banghangin pastor pa in a tanu SDA pawlpi ah kituiphum cih pen tel
zolo hi. Adventist pen dawi tawh kipawlin ngaihsun hi. Heh lua mahmah ahih
manin , na upna nusia in a tanu sat hi. Ahi zongin a tanu Monika in kam khat
beek pau lo hi. A pa in tua bangin a
tanu heh lo-in pau lo-in om a muhteh lamdangsa hi.
Lai Siangtho thusinna a neih khit uhteh Monika le a lawmte mi 4
kituiphum hi. Amau teenna tuikulh
Halmahera ah missionary sem sangnaupang 2 in thugenna nei-in amau teng 4 in SDA
masa pen hong suak uh hi.
Ni khat Monica in laibu a dim bungpi khat
tawh inn hong ciah hi. A pa heh lua ahih manin a laibu teng laksakin inn nung
niinpaihna-ah paihsak hi. Tua bangin a butkhiat ciangin laibu teng kithehthaang
hi. Tua bangin laibute kithehthaang zei-zai a pa in a muh ciangin, laibu khat
hong tawm kik hi. Tua laibu in Mark Finley’ gelh “ A Kimangngilh Ni” laibu hi.
A pa in kuama muh lohin tua laibu le
magazine dang bu nih sim hi.
A zing ciangin a lo kuanna-ah tua laibute
keng hi. Lo ah nasem thei lo hi. Tua laibu te ngaihsun sun hi. Zingsang nai 10
ciang nasem a, tua khit ciangin, a laibu lakte simsim hi. A zing ciangin zong
tua bang mahin zingsanglam nasem in, nitak lam ciangin a laibute sim zel hi. A
bu sim sunga kigelh thute Lai Siangtho
tawh sittel a, kha 8 sung tua bangin simsim hi.
A laibu sim thute Lai Siangtho sungah zong
kigelh ahihlam hong mu hi. Sabbath thu a sim khak ciangin Lai Siangtho sungah
zong Sabbath thu kigen ahihlam a theih ciangin a biakinn ah Sabbath thu pulaak
zel hi.
Bang hangin Saturday ni zang lo-in ,
Sunday ni kizang zaw hiam? Bang hangin Lai Siangtho zui lo ding i hiam, ci-in a
pawlpi mite kiangah hong gen hi. A thugen khit ciangin pawlpi mite tawh hong
kiho uh hi. “ I biakinn ah kuamah in hih bangin thugen ngei lo hi” ci uh hi. “
I pawl sungah upna thak hong lutsak nuam na hiam? ci-in dong uh hi.
Adventist upna pulaak ahihlam kitel lo-in
Petrus in Lai Siangtho sung thuman pulaak hi zaw hi. Tua hi-in Petrus in Sunday
ni sangin Saturday ni-in Pasian bia ding khentat hi. A u nu in tua thu a zak
ciangin SDA pawlpi lut dingin gen hi. Tawl
khat khit ciangin Petrus in Adventist pastor tawh kimu-in a inn ah kikhopna nei
uh hi. A khuapih mite in deih lo ahih mamun a kikhopna inn uh suang tawh densak
uh hi. Petrus in a zinte khua nawlah paikhiat pih hi. Petrus hong ciah kik
ciangin a khuapih mite in vua dingin na pang uh hi. Ahi zongin Petrus in
lampelh zui-in inn ciah thei hi. Tua khua panin mun dangah kituah dingin hong
kithawi uh hi. A innkuanun Manado khua-a SDA pawlpi –ah kituiphum uh hi. A inn
uh hong ciah kik uh ciangin midangte na om uh hi. Khua nawl mun khatah buk no
khat lam uh a, tua ah om uh hi. Tua bukah kha 2 a om khit uhteh a tate gel zong
kituiphum uh hi.
A khuapihte un Saturday ni-in kikhop ding
phal lo uh hi. Tua ahih manin a innkuanun Manado khua-ah kituah uh hi. Kum 2
khit ciangin a khua uhah hong ciah kik uh a, a khuapihte’ muhzia zong na kikhel
ahih manun nuamtakin a inn uhah omkik thei uh hi.
A sanggamte genpihin, kum 3 khit ciangin
mi 27 kituiphum hi. Tu-in Petrus in kum
50 pha-ta a, upa sem hi. 2017 kum sungin Pasian thugenna nei kawikawi hi. Tua
sung pan mi 3 kituiphum hi. A masa hun lai-in bawlsiatna a thuak uh hangin,
tu-in innkuan 8 in SDA sung hong lut uh hi.
