Nov.
17
Taam-paa-zaa Tui tawh Damna
Ceren
Wuysan, 27
Pasian nasepna-a kizang vanleng ka
tuan uh a, ka naseppih pa khat tawh Papua, Indonesia mualbul khat ah hong khia
hi. Sangnaupang kum 4 vive ka hi uh hi.
Ka nasepna mun ding uh mualtungah kahtohma-in van kisam nengneng lei dingin zii
ka pai uh hi. Sum nei lo ka hih manun ka kisap mahmah dingte bek uh ka lei uh
hi. Taam-paa-zaa lo-in om thei lo ka hih
manun ip khat mah ka lei uh hi. Ka pai nading uh mualtungah om lo ding cih thei
ka hih manun tampi a lei ka hi uh hi.
Kaal nih khit ciangin mualtung khua khat Tinibil ka om uh hi. 1000
Missionary training zo khin ka hih hangun, hih khua-ah koi bangin Jesuh thu gen
ding cih ka thei kei uh hi. Khua sung
mite lakah Pasian thu a thei nuam kua om ding hiam, ka thei zo kei uh hi. Tua
bang hun ciangin thungen ding cih ka phawk uh hi.
Ni khat khua khat le khua khat kawmin
ka pai-na uhah mittaw khat in a sanggamte khat Marious inn ah paipih dingin
hong ngen hi. Marious inn ka tung uh a, amah pen a khua muh loh zawh kum nih
bang pha khin a, bang hang a mittaw cih thei lo hi. Tha khat thu-a khua mu thei
lo hih tuak hi. A khuapihte in dawi nasepna hang hi ding hi, ci-in ngaihsun uh
hi. Marious le a innkuanpihte in huhna kisam uh hi. Zatui kisam, thu zong ka
ngetsak uh hi.
Ka lawmte tawh bang cih ding ka thei kei uh
hi. Ko zong thungenin ka nasepna uh lampi hong kihonna ahih nading damna a ngah
nadingin Topa tung ka pulaak uh hi. Mualtung mite aa dingin ka puak uh
taam-paa-zaa in zatui aa dingin zong
kizang thei ahih manin, siavuan ka hih loh uh hangin, a khua muh nading ka
hanciam uh hi.
Zingsang khat Marious innah ka hawh
kik uh hi. Taam-paa-zaa ka keng uh a, ka phelkhap khit uhteh thungenin a mit ka
nuhsak uh hi. Nitak lam ciangin ka pai kik uh a, Marious mit ka huh sak kik uh
hi. Kaal khat sung zingsang le nitak
tua bangin ka hihsak uh hi. Bangmah
kilamdang lo, khawl phot ding ka ngaihsun uh hi. A kaal kik ciangin Marious in
a khua muh loh kum 2 khit ciangin, tu-in khuavak tawmtawm mu thei hi. Kha khat khit ciangin Marious in tawmtawm mu
thei ta hi. Kha khat khit ciangin taam-paa-za zong hong bei hi. Ahi zongin
Marious kiangah ka gen kei uh hi. Tu a kipan zatui nam khat tawh kibawl ding hi
hang, ci-in bang mah pia nawn lo-in, thungetna bek na nei uh hi.
Tawl khat khit ciangin Marious kiang ka hawh
kik uh ciangin, a lo ah na nasem
hi. Marious in khua mu kik thei ahih
manin lungdam mahmahin, a khuapihte kiangah zong Jesuh in hong damsak hi, ci-in
pulaak kawikawi hi. Tua a kipan khua sung mite kiangah hotkhiatna thu gen ding
lampi khat hong kihong hi. Khua sung mite in thungen ding hong sam uh a,
pastor, doctor ci-in hong sam uh hi. Tua bangin thungetsakin Lai Siangtho thu
sinpihin, mi 7 hong kituiphum hi.
