Nov.
10
Thugen
Siavuanpa
Jay
M. Tombokan
Tuni-a i zak ding gamdang tangthu in
2012 kum gamdang tangthu update kikna
hi. Jay in Indonesia gam, lupna 150 a om
Manado Adventist Zato ah president hi-in, kum sialin nasepna pan tawm vei
sungta, a nasep nusia-in mundangah Pasian thugen hi. Zato-a a naseppihte zong
tua dingin hanthawn zel hi. Tua bangin mundangah Pasian thugenin a zinkhiatna
tungtawnun zato-nasemte kipumkhatsak banah Jesuh hong kum kik ding kiginkholhna
khat hi, ci-in ngaihsun uh hi.
“Pasian nasep pen ka nuntakna hi”
ci-in Jay in pulaa hi. 2017 kumin Local
Conference tawh kipawlin hih zato in Pasian thugenna khat nei uh a, tua lai-ah
mi 69 kituiphum uh hi. Tua-ma 2016 kum in zong mi 53 kituiphum hi. 2018 kum sungin zong mun 3 ah Pasian thugenna
nei uh hi. “A pua lampan hong pai cina mite i bawl ma-in zato nasemte kipumkhat
ding kisam hi,” ci-in Jay in pulaak hi.
Kum 5 sungin Bandong Adventist Zato
nasepna tungtawnin mi 4000 val in tui kiphum uh
hi. Indonesia gamah SDA zato 4 om a, Bandar Lampung, Adventist Hospital,
Medan Adventist Hospital le Manado
Adventist Hospital cihte hi. Manado zato
in 2007 kumin lupna 50 bek hi-in, 2013 Sabbath sumpi huhna tawh kibehlapto-in
2013 kum ciangin lupna 150 kikoih zo hi. Zato-ah nasem mi 384 om a, 345 in SDA thu-um mi hi-in, tua lo 39 in SDA
hi lo uh hi. Kum khatin hih zato in cina 700000 val bang natkhoi hi.
Siavuan Jay in Manado zato-ah 2015
kumin nasep kipan a, Adventist zato-ah nasem dingin kilamen ngei lo hi. Kumpi zato ah kum 7 val bang nasem hi-in,
Sabbath tawlnga thei lo ahih manin, a nasep khawlin, Bandung Adventist Zato ah
nasem hi. A nasep kawmin Pasian thugenin
zin kawikawi hi. Siavuan pa Jay in tua
bangin Pasian thugenin zin kawikawi banah a naseppihte zong thu-upna sungah a
kip nadingun hanthawn den hi. Zato
nasemte in zong mun tuamtuamah pai-in a khawngkhongin cinate bawl zel uh hi.
“ Mun dangah nasepna in upna tha hong
pia-in, midangte’n zong hong zuan thei uh hi” ci-in Jay in pulaak hi. Manado Zato-ah cina thungetsak, Lai Siangtho sinnna pia ding
nasem (chaplain) mi 4 kikoih hi. Nipi
Kaal Thungetnate banah ni 10 sung
thungetna cih bangin thungetna nei zel uh hi. Tua bangin zato sung nasepna
panin 2016 sungin mi 9 in tui kiphum hi. 2017 kum ciangin mi 2 kituiphum hi.
Matt. 28: 19, 20 sunga Jesuh hong
thupiak “ Note mun khempeuhah pai kawikawi-in, mi khempeuh nungzui suaksakin,
Pa, Tapa le Kha Siangtho min tawh tui na phum un” cih thupiak siksanin Dr. Jay
in nasem hi.
Indonesia gamah tuikulh vekpi 17508 om
hi. Gam buppi khen 3 bangin kisuahin hun kibang lo hi. Indonesia gam sungah
kampau 700 val bang om hi. Gam bup in
Bahasa zang hi. Kum khat in France gamah ukpuk’ khe ton 3000 val bang puak uh hi.
