Dec. 29 | A Hehmi In Gimthuak
Ann Phongchan, 38
Tu quarter sungin Mission news Kawlgam, Cambodia, Indonesia, East Timor, Thailand gam pan hi. Tu Sabbath in Thailand gam sung thupiangte i za ding hi.
A neulai a kipan Ann in thumang lo, gilo, a lungtom mahmah khat hi. A sia-te’ thu mang lo ahih manin Tan 10 dong sangkah lo hi. A nu in cycle a hawl ding deih lo-in a cycle sikkhua kikhih hi. Thailand gam Mission College, tu-in Asia Pacific International University-ah sangkah dingin va pai-a, hoihtak sang a kah dingin a nu in vaikhak hi. “ Ka nu in kei hong muang lo hi,” ci-in Ann pulaak hi. “ Ka lungtom a, ka heh pahpah hi. Ka sep bang bang ki-khalna om lo-in ka gamta hi. Tua hi-in gamtatsia tawh thong sung a tunkhak ding a ngaihsun hun zong om zel hi.
Ann in a sangkahna-ah thungetdan kisin hi. A lamdangtakin Pasian in Ann ompih hi. A sangkah a zawh ciangin Ann in kituiphum dingin khensat hi. A lawmte Khristian hi lo ahih manin Ann in tuikiphum ding cih a zak uh ciangin “hai lua hiteh,” “ thuman pan lampial pawlpi zui kei in,” ci-in nuihsan uh hi. “Ann in a hai hi keng” ci-in dawngkik zel hi. Ka upna nusia lo ding hing, Khristian suak ding khensat khin ing,” ci-in pulaak hi.
A innkuan sungah buai-na lianpi piang hi. Ann in Khrisian suak ding a zah ciangin, aneu tung a kipan a a biakna nusia ding cih a zak ciangin a nu in neh mahmah hi. A nu in a theihzahin Ann’ khensatna khawl kik dingin thuum hi. Kikhawm thei lo dingin khaam hi. A innkuanun a biak uh pasian tungah laigelh dingin a nu in sawl hi. Ahi zongin Ann in a nungta Pasian khat bek om hi. A nu heh lua mahmah ahih manin, koi mah paikhia thei lo ding, ci-in, a nu in Bangkok a innkhaan sungah koihin innkhalhcip hi.
Ann in nidang laibangin lungtom vat lo-in, inn sungah omin Lai Siangtho simin, Ann in nidang bangin lungtom nawnlo-in a kikhellam a nu in a muh ciangin i biak pasian bia kik ding na hiam, ci-in dong hi.
A sawt ciangin a nu in Ann a ut biakna sungah kituiphum ding phal hi. Ann in tuikiphum ding a khensat manin a heh ngei bangin tu-in heh nawn lo hi. Ama khensatna bang mahin Ann in tuikiphum hi.
Tu-in Ann in Adventist International Mission Sangah siapi sem hi. Sangnaupang 150 bang pha om uh hi.
Tu quarter leitungbup Sabbath 13 sumpi in hih sangah kipuak ding hi.MUC in Tonzang pawlpi puak ding hi.
Nung Sabbath kizaksak mah bangin, tu Sabbath in Sabbath 13 ahih manin sumpi khiatngei zah thum khiat ciat ni.
