Dec.
22
A
Mangthang Sanggamnu aa Ding Thungen
Ann
Phongchan, 38
Ann in Christian suak ding ngaihsun
ngei lo hi. A nu bek tawh a khangkhia hi-in Thai le Laos gamgi mun khat panin khangkhia hi.
Biakpiakna-ah zong kihel mahmah khat hi-in khat vei vei ciangin
biakbuk-ah zan giaksuak zel hi.
Tua bang kawmkal panin ama omna khua
pan mawtaw tawh nai 15 kipai-na sanginnpi Asia Pacific International University
ah sangkah ding khensat hi. Hih University ah sangkah khat tawh kimu kha-in,
nasep kawmin sang kikah thei hi, cih a zakteh Ann in sangkah ding lunggulh hi.
Sangkah ding a ut hangin sum nei lo ahih manin, nasem kawmin sangkah hi.
Ann in a sangkahna nuamsa hi. Lai zong
hahkhat mahmah hi. Pasian um lo hi mah taleh manglai, mangpau thei nuam ahih
manin Sabbath School ah kikhawm zel hi.
A kikhopna panin thungetna’ vangliatna za hi. Thuhilhsia pa in “ Pasian i muan nakleh,
Pasian in nalamdang lianpipi bawl thei hi. Amah muangin a thupiak zuih ding
kisam hi,” ci-in thuhilh hi. “ Na lungsim khempeuh tawh thungen in. Pasian in
na thungetna hong za ding hi” cih thute zaza hi.
A
Masa Pen Thungetna
Khal sangkhak sungin Ann in a khua kim
khat ah vanzuakna mun khatah lamkhialin a pai nading thei nawn lo hi. A nu tawh
nitak 4:30 a kimu ding hi-in, a nu mu lo ahih manin zong kawikawi a, nai 5 bang
val khin, a nu tawh kimu thei lo hi. Tua
bangin a lungman laitakin Sabbath School thusinna-a a sia-te’ thuhilh phawk kik
a, “ Topa aw, nangma nasem dingin nong deih a, a sangzom kik ding nong deihleh
ka nu tawh hong kimu sak in” ci-in Ann in thungen hi. Tua bangin a thungen a
man lianleh a mai-ah a nu, ding mu hi.
Ann in mawtaw pai hun laplian hi.
Mawtaw set van khat kisia, a bawlna-un a hun manin dingkhia thei lo bilbel hi. Ann in lamdangsa mahmah hi. Pasian’ omna hi,
cih mu hi. Ahi zongin Ann in Khristian suah ding khentat thei nai lo hi.
A
Nihvei Thungetna
Ann ii nu in a tanu tawh kinai zaw
ding deihna tawh, Ann’ tanu khat tawh Bangkok-ah hong pai uh hi. Ni khat Ann’
tanu a pai-na kithei lo, patau lua uh ahih manin Ann’ nu kap hi. A sangkahna
panin kingenkhia-in, a sia pa in Pasian muang in. Topa in hong makaih ding hi,
ci-in thungetsak hi.
Ann in mawtaw khawlna mun a tun dong a
pai kawmkawmin thungen hi. Bang hangin a sanggamnu in inn pan taikhia hiam cih
leh a nu tawh kitawng uh hi, cih inn a tunteh Ann in thei hi. Ni 3 sung bang zong kawikawi uh a, mu zo
lo-in, muh ding lamet bei kisa uh hi.
Innlam zuanin hong ciahna lampi mun khatah puan kizuakna sai-golpi
mai-ah a pai laitak a nunglam panin nupi khat in “ na mi zon uh zong nawn kei
un, ci-in gen a, Ann in mi zong hi keng, inn a ciah hing, ci-in dawng kik hi.
Tua nupi in tu zawh ni 2, 3 khitteh na mi zon uh hong ciah ding hi, ci-in gen
hi.
Tua zawh ni 2 khit ciangin Ann in a
sanggamnu zongin khua sung a pai-na pan inn hong ciah leh innah a sanggamnu inn
na tung hi. Ni 2, 3 khitteh na sanggamnu
mu kik niteh ci-in a gen nupi a van zon kik hangin mu zo lo hi. Ann in
Pasian muangin thungen a, Pasian om takpi ahihlam phawkin tui kiphum ding
khensat hi. Tu-in Ann in Korat khua-a om Adventist International Mission
Sangah siapi sem hi. Hih sangah
sangnaupang 150 pha hi.
Tu quarter leitungbup Sabbath 13 sumpi
in hih sanginn puahna dingin kipuak ding hi. MUC in Tonzang pawlpi puak ding
hi.
Mai Sabbath in 13 Sabbath hi. Sumpi
khiatngei zah thum khia ciat ding kigingkhol ni.
