Dec.
1
A
Nu in Thatsawm
Desi
Natalia Ango, 21
Desi Natalia in kum 18 a pha nungak
khat hi-in a lawmte tawh kum khat sung Sulawesi tuikulh ah Pasian nasem dingin
ki-ap uh hi. Desi in a nasep na ding mun
khuapi sung hi leh ut hi. A lawmte tawh
zum ah hong pai uh a, khua sung panin mawtaw tawh nai 3 sung bang a pai khit
uhteh motor cycle tawh nai 5 sung bang mualtung kahto uh hi. Lampi naal ahih
manin cycle tung pan Desi khia hi. Nai 5 sung cycle tawh a pai khit uhteh,
cycle lampi om nawn lo ahih manin, khe tawh pai kul hi. Nai 8 sung bang a pai
khit uhteh a nasepna ding mun uh mualtung khua khat va tung uh hi. Khe tawh pai
nading mun a tun uhteh kumpite’ phalna kisam hi. Mualtung khua a tun uh ciangin khua sung mite
nuam thei peuhmah ahih manun amau ngei-na bangin thupi takin na dawn uh hi. Ak
– a khe kaangin a khe a zom, go-in em uh a,
Zo huan uh hi. Tua khua mite aksa meh zelzel uh hi.
Khat le khat pau kithei lo uh ahih
manun kiho thei lo uh hi. Koi bangin Jesuh hong itna thu hilh ding cih pen
ngaihsutpi hong suak hi. Desi in a lawm tawh ni 2 sung antan thunget nei uh hi.
Meihol
leh Nuunun
Hih khua ka tun zawh uh ni nih khit
ciangin numei khat in huhna ngenin hong pai hi.
Missionary nungak nihte in zong tua nu va zui uh a, inn ah a nu – Indo
Reko in cina-in lum hi. Tua nupi in siluang natna nei hi. Lai Siangtho sunga
Jesuh in tua bang numei damsak hi (Mk. 5: 25 – 34). Tua missionary nungakte in zatui nei lo uh
ahih manun a cih nading uh thei pak lo uh hi. Ahi zongin bang nei uh hiam
cihleh meihol nei uh hi. Tua meihol
suzanin gawi vui uh a, tui tawh pawi-in
thungen uh a, thunget khit ciangin neksak uh hi.
Desi in a lawmdangte phone tawh hopih
dingin mualdawn-ah pai to-in, a sangkahna uhah nurse tawh kiho uh hi. Tua cina bawldan ding kiho uh a,
nuununtang suvui-in, nahtaang tawh pia dingin kivaivak uh hi. Desi in tua cina nu pia hi. Jesuh in damna
hong pia ding hi, ci-in thungetsak hi.
Ni 30 sung tua bangin nahtaang le
nuunun gawpin pia uh hi. Sa sianglo peuhmah ne lo dingin zong gen uh hi. Kha
khat a cin khit ciangin tua siluang natna hong dam hi. Tua khua mite in
lamdangsa mahmah uh hi. Desi in meihol pia-in thungetsak hi.
Nekkhialh
Khak Ding Hilhkhol
Tua khua mite in Desi le lawmta tungah
khua sung thu tuamtuamte gen uh hi. Inn
khat om a, tua inn ah pai kei un. Na pai uh leh gu khawng hong pia kha thei
ding hi, ci uh hi. Ahi zongin Desi le
lawmta in tua thute kin lo uh hi. Ahi zongin nisim in tua inn ah hawh dingin
ngaihsun uh hi.
Tua inn ah hong pai uh a, kum 30 kim a
pha ding numei khat in kong na hon a, nek ding le dawn ding na pia pah hi. Desi in a lawm kiangah, “nang ne masa in”
ci-in sawl hi. A lawm in zong nial in, “ nang ne masa in” ci-in nial hi. Desi
in innteknu – Mama Wandi, kiangah “Ko Christian hi ung. Na khat peuhpeuh ka sep
ka bawlna un thungen masa phot hi ung,” ci-in pulaak hi.
Thunget khit uh ciangin innteknu’piak
dawn uh a, bang mah piang lo hi. Nisim in vahawh uh a, kaal nih khit ciangin “
Innteknu Mama Wandi in hih mite pen mi
mawkmawk hi lo hi. Ka na piak sungah gu ka koih hi ven, bang mah ci lo uh hi. A
ci uh na lo hi” ci-in pulaak hi. Tua thupiang in khua sung khempeuh hong zel a,
mi tampi in Pasian thu hong thei uh hi.
Desi in tu-in kum 21 cingkhin a,
University Klabat ah Manglai sinin,
Sulawesi tuikulhah missionary semin pai zel hi. A sangkah a man khit ciangin
hih khua-ah Pasian nasem dingin khensat hi.
Job 42: 2 “ Topa aw, vangliatna khempeuh na neihna, na
hihnop khempeuh na hih theihna thu ka thei hi” cih bulphuh hi.
