THUKHAM
TENG PALSATNA
A
gelh: Pr Daniel Nangno
James
in Thukham khempeuh azuipa in Thukham khat a palsat leh avek in mawh baang hi
ci, James 2:10 Sinai
mual tawzang ah bawngno lim a biak pen uh hehlua in amau te mawhna hang in
Moses in Thukham gelhna suang pek 2 lei a denna pah hi. Thuhilhkikna 9:17
Eden ah a kikham singgah
neekna:
1.
Evi in Thukham nambat 1-na palsat, (Pai.20: 3)--- Pasian dang bia kei in - Gul
thu mang. Piancil 3:6
2.
Evi in Thukham nambat 2-na palsat, Pai.20:4-6--- Bawl tawmtawm seh tawm tawmtawm te bia lo ding. Gul thu
mang.
3.
Evi in Thukham nambat 3-na palsat, Pai. 20:7---Topa mindai sak lo ding: Gul in
Topa min thaangzat Evi in tua upna tawh Pasian min daisak Pian 3:5,6.
4.
Evi in Thukham nambat 4-na palsatna kimu lo hi, Pai. 20:8-11--Sabbath tan ding
phawk in. Pian 2:2,3 Pasian bawl hi.
5.
Evi in Thukham nambat 5-na palsat, Pai.20:12-- Nute Pate zahtakin: Gul' bawlin
amah abawl a pa Pasian zahtak lo in dem sawm zawsop. Pian. 2:17, 3:5;7.
6.
Evi in Thukham nambat 6-na palsat, Pai.20:13-- That kei in. A nungta nuam selua thumanglo in Pian. 2:17, amah leh amah leh a pasal
kithahna ciang seem , Pian.3:6,22-24... singgah , Pasian' phalloh ne uh. Mawhna
thaman in sihna hi. Rom 6:23.
7.
Evi in Thukham nambat 7 -na palsat, Pai.
20:4 --- Numei leh Pasal mawh pihna bawl lo ding. Gul thu mang in, Pasian dang
Todang neihna pen adultery-angkawm mawhna na ci Kha lam thakiam. Pian. 3:5,6.
8.
Evi in Thukham nambat 8 -na palsat, Pai. 20:15--- Gu kei in. Pasian' aituam
singgah gu – Tithe pia lo-te agu hi. Mal 3:8-10.
9.
Evi in Thukham nambat 9-na palsat, Pai.20:16--- Zuau teci pang kei in: Zuau gen
kei in. Gul in Evi tungah zuau genin, Evi in sangsiamin apasal tungah zuau teci
pangpah hi. Pian.3:6 Gul in Pasian' bawl na lamdangte Evi lakin Pasian thupitna musaklo in hazaatna
lungsim guan zaw hi. Amuh te iip lah sak. Pian.3:5,6.
10.
Evi in Thukham nambat 10-na palsat,
Pai.20:17--- Haza kei in: Deihgawh, Eeng, hazaa--- deihgawh cih pen
thuhoih lungsim hoih hi. Eeng zong thuhoih lungsim hoih hi. Hazaa cih pen
huaiham-na ut taak utna hi in amah bek in nei leh ut cihna hi, Pasian a hazaa dingin Gul in Evi bawl.
Pian. 3:5. Evi thangpai sak. Ama lungsim puak Evi hawm. Pawl mat. Leitungah gal
hi zahta a omna pen Thukham nambat 10 palsat man hi. Mihing a tampi in a hih
nasep hih hi. SDA te kidawmni. SUM zatna VAN zatna khat peuh i neihte Manual leh Policy tawh kituak a
Committee in a khensat ahih kei nak leh SUMKEEM te Pastorte Presidentte a
kuama-peuh in Policy phalloh pi-in ama thu tawh a geel a zat a sep leh hih
Thukham a palsat ahi hi. SDAte hih thu ah kidawm mahmah ni. Satan nasep a
daupai a lawhcing pen hih mun hi. Committee in Policy zui in khensat thei bek
hi. Kain in Abel tungah Gul' lungsim apuak ii guu hazatna hong lakkhia.
Sabbath
pen Gul in THUPI asak penpen leh Pasian in a THUPI a aneih ahih sawnsawn tawh
EDEN huan sung pan kihawl khiat khit teh Huan pualam ah manlang taka kipalsat
ding geelna Gul in nei pah hi. Cain sungah ama lungsim hoihlo guanin
thangpai sak phot a 2. A nu a pa
te in a palsat ngamloh Sabbath pen palsatin sep hun leh khawl hun amau ut
bangin zang lel. PP 81. Tuanpupate leh Kamsangte, 51.
Sabbath
--- " Thukham sawm (deacalogue thupiak sawm) laka a thupiak gol penpen
(The greatest commandment in the deacalogue), EW.65 Thukham 1 pan 3
teng atelsak thukham ahih hang hi. Hang tak-a kilangpan' pen Thupiak ( thukham ) 4 na hi. Hang tak a
kiseem ngam pen Thupiak (thukham)10 na hi. Kam-a pau a kizangkhai zat pen Thupiak
(thukham)9 na hi. Hin- gim a nak nam pen
hinapi sih gim a ciik nam pen Thupiak (thukham)8 na hi.
THUKHAM
10-na: Topa in i sum ngahna limtak na en. JUDAS. DA 718-" A khut sung a
hong tung sum tawmno khat in ama a dingin mawh zolna hi den hi. Khrist a ding a
sep nengno khat a neih ciangin biakna vai-a sep khat peuh a neih ciangin, tua
taang sum (fund) tawmcikno khat mah pan amah leh amah a kiguai den hi. Topa
adinga sepna khempeuh ah thaman kipiakpiak pen khialna lianpi ahi hi."
2T
345- " Topa adingin kamtaai i sep pak vannuai sum-a lei (buy) den pen khial theih tawp a
khial ahi hi. Tua bang a semte in sum kholna
a sum teng , zangmangin Pasian nasepna a suliam uh hi." THUKHAM 10-
na: Sum ngah Sawm ah Khat: Hih pen Pasian nasem siate a kiguaihna: Sum siangtho
hi. Sawm a khat Sum siangtho khasum a saang a sep nengno khat aneih teh thaman
sum alak veve lai nop leh a kha sum piak lai ding Pasian in geel lo hi. Sawm a
Khat pen biakinn lam nading sum hilo hi.A zat nading
Pasian
in a sehnasa omin i theih kei leh i laibute dong ni. Sum om tah ci a kizangh
hihet lo hi. A zat nang mun ah zat ding bek hi.
"NOPTAK
SA PAH KEI NI, GUU HONG NEI THEI KHA DING HI"
Myanmar
Union Mission ah kum tampi ka sep sungin LEGAL AND TRUST Department zong leen
kha ing. Japan Gal pan tu ciang ka khoptuahna ah Tuahsiatna pen NOPTAK a kisak
pahna tam mahmahin lauhuai mahmah sa ing. Hih thulu tawh thupiang honkhat gelh
in. Kawl gam bup thupiang hi kei na in
tam sim mah huam kha. A gol om a
neu om. Pasian in neu sa tuan kei.
Pasian tawh kisai SUM leh VAN te i zeekna ah Laisiangtho leh Policy lo in zat
ding
MEIDAWI
MAHMAH ZAW NI:
Thukham
10 a om lakah nambat 4 na leh 10 na mah kisimtham kilangtang palsat pipen danin
kimu. Leitung bup in nambat 4 na hua pen. SDA
te nangawn in nambat 10 na kipalsat pen. Thukham nambat 10 leh Thukham nambat 8
kikop zah a mihing; lungsim a zo Thukham dang a om hia? Gu (steal) cih kammal
in gutate' guuk bek a gen hilo hi. Guk khuankhuan sangin paulap nei a zat pen
Pasian in hua zaw hi. Pawl khat in van a
lei ciangin a van ii man zah sang a tam zaw voucher ah gelh sak uh hi. pawlkhat
in pawlpi van leh amau' van keem khawm uh in mau; van a puah uh ciangin a sum
bei teng pawlpi van puahna in gelh uh hi.
Pawlkhat-in zato lam Nurse-te Doctor te' signature ( abawltawm uh) tawh
Medical Bill bawl thei uh hi. A seal khawng uh (a bawltawm uh) kheen uh hi.
Pawl khat in Mawtaw a tam mante tuang danin Bill bawl uh a, atawm mante a tuang
uh hi. Pawlkhat in pawl sum amau
zatnopna ah na zang uh in va dong tel le hang leitawi pak in sum phazah hong
lak thei uh. Amau’ zat ding atam
nadingin sumpi piak hanthot siam uh.
Hih
bang teng i et ciangin amau mah "pasian” a kineih uh na hi. Thukham 1 na
Evi kikheel. Ei zong kikheel kul hi.
PASIAN' PAHTAAK LOHTE' OMZIA
1.
Egypt Ta upa gan upa khempeuh vat mai, that cip, Pai. 12:29.
2.
Noah Hun lai-in Innkuan khat leh Ganhing namkim nupa kop losiah Tui kia sak, ni
150 sung tuiciin in vuk uh, Pian. 7:17, 24.
3.
Israel te Egypt pan a a paikhiat uh ciangin a nungdelh PharoahAmenhotep II leh
a galkap teng Santuipi laizang ah Tui in phum lum. Pai. 14:28; 4T 24, 25.
4.
Korah, Dathan, Abiram a innkuan pih Mosi leh Aron langpang hang in Pasian daan
– Leihawm sungah tuak sak, tuahpha lo hi hong kawdawk nawn kei uh .Gam. 16:32
(Tonzanga Mi khat in Tungtuun sung leihoih akhuatkhuat leh tuahpha lua in hong
kawdawk nawnloh tawh kibang uh).
5.
Hih thupiang hanga alungkimlo makaite angawh midang 14700 Topa in pul natna
tawh kam hum cip. Gam. 16:49.
6.
Cih-a cihtheihloh Sodom leh Gomorrah Gam
kuam a teengte in kihhuai gamtatna hang leh thukham palsatna hang in Meitui
guah "zu sak" Pian. 19:24 (Pian. 18, 19) Lot' Zi thu mang lo, nung
hei-in Ci khuam suak Pian. 19:26.
7.
Lothak kizuan ta in Lothak-a kizang
theilo ding khempeuh kihaaltum ding, Malachi 4:1; Mikah 4:8; Jn 14: 1; 6 Mang.
22:1-7.
SOURCE: Conference kithu zakna, Vol 4 (April-June, 2018).
