THU TUAMTUAM
1. MMCC’ 11th Commencement
Exercise
11
March 2018 ni-in Lukhu nelkaai piakna nasiatakin kinei thei hi. Graduate mi 13
pha hi. Lungdam hang.Source: Mangtawng
(FB)
2. Tedim Circle Ngente Khawk Pawi Nuamtakin kizo:
A
18 veina Tedim Circle Ngente Khawk Pawi pen Langzang khua ah 14-18/3/2018 hun
sungtengin kinei a zin pen 100 val bang kipha hi. Topa ompihna hangin vai
khempeuh hong tonpih Topa tungah lungdam
mahmah hi hang.
3. Mayan Biakinn kong
honpawi nuamtakin kinei thei:
Mar
/ 29-31 /2018 hun sungin Kachin gam Mayan biakinn kong honna ah Pr Kai Dal in
biakinn kong honna nei hi. MUC gam bup sung panin mi 100 val bangin va uap thei
in lamsap a bei teng i zumpi panin hong sikh ahih manin kilungdam mahmah hi.
4. Let thatna nei:
28.3.2018 ni-in Sialthawzang pawlpi sung panin
Tg Nang Sian Muang leh Lia Thian Lian Kim te Pr Lingh in letthatna va neih sak
thei hi. Topa in a kiteeng nupa te thupha hong piak sak hen.
5. Tonzang Circle Pawi
Nuamtakin kizo:
13-14/April/2018
hun sungin A (10) veina Tonzang Circle pawipi Tonzang pawlpi ah nuam takin
kibawl hi. Zin vekpi 300 val bang kipha thei hi.
6.Adventist Youth Camp :
Motto:
Topa ‘aw’ neem in hong sam hi.
Keytext:
Hebrews 4:7
Ani
: 18-25/4/2018
Hih
hun sung teng Topa hong ompihna hang tawh mi 5 in Zeisu gumpa leh honpa in hong
sangin Tui kiphum na kinei thei ahih manin lungdam mahmah hang.
Source: Nuamkim Nu (FB)
7. Local Church
Leadership Training nuamtakin kizo:
8-17/5/2018
hun sungtengin, I siapi te in Local
Church Leadership hong neihpih ngekngekin 1. Church manual 2. Employee’
handbook 3. 28 Fundamental Beliefs te hong sinpih zihziah in tha kingah mahmah
hi.
8. Dahpihna-
Sakollam
pawlpi sung panin Pi Ciin Ngaih Cing in a it mahmah a pasal leh a tate, pawlpi
mite hong nusia ahih manin a pasal tawh kibangin idahpih hi.
9. Anlangh Effort
Lawhcing
21-27/5/2018
hun sungtengin Topa ompihna leh makaihna hangin Anlangh pawlpi mite leh khangno
te a ding deihsakna lianpi tawh i zumpi panin budget ong piakna uh leh Pa
KhupNgaih in antang ip 1 man tawh ong panpih ahih manin leh thungetna tawh
akuamapeuh in nong panpih tekna hangun Topa in kha manpha 2 hong ngah sak thei
a hih manin Topa tungah lungdamna lianpi ih ko hi. Kha manpha 2 te pen pawlpua
pan mi 1 leh SDA sung pan mi 1 kiphum ahi hi.
Thupuak: Sia Naamung
10. Lungdam kohna:
Tahan
Adventist (MUC) pawlpi in Microphone 2 khat ciang 50000 man leh Book Stand khat
28000 man mah nituamna panin zin paak
letsong kingah hi. Hong piakhia a tate innkuan tungah a zah tampi Topa’n thupha
hongpiak sak ta hen.
Source: Sia KapDo (FB)
11. Siangtho kiteenna
Sia Khaino leh Siamah Kimlek 30/5/2018 Weds
ni-in Cikha pawlpi kem Sia Khaino leh Tuikhal siamah a sem sm Kim Lek te in
Langzang pawlpi ah Pr Kai Dal in siangtho kiteenna makaih thei ahih manin i ang tang mahmah hi.
Topa in suan leh khak tawi dingin hong siam ta hen.
12. Tedim Circle Ngente
Khawk Meeting kizo
June
1/2018 Fri ni-in Tedim Circle Ngente Khawk Meeting pen Thalmual khua ah woker
sia/sm te leh upa makaite kimuhkhopna nei -in pawlpi sung khantohna ding geelna
kinei hi.
13. Mi 3 Kituiphum
Tamu
Circle Nanphalon ah Pr. Zam Kho Gin leh Sia Ka Kai, Elder Tual Suan Mang ten
thugenna ( May 23-30,2018) nei uh a mi-3 ki tui phum hi.
14.Lungdamna Lianpi Hong
kibehlap:
Zomi SDA mi masa kham leh zangah Pasian
adingin citaktakin Pasian na asem Pr.Dalpu’ tapa Sia Thang Kim Khai @Sia
Khaipu, USA, Dr Mungpi MMCC Principal’ sanggampa in a it mahmah Pasian ading
leh Tahan B Myanmar Union Conference of SDA te adingin “ KEYBOARD YAMAHA/PSR –
S 975 ahoih mahmah Kalaymyo khua sungah a tam man khia penpen a model thak
ahoih khia mahmah 1750000 man hong lei
sak ahih manin Tahan pawlpi ai-awhin lungdamna lungtang mualsuang tung panin kong pulak khia hi. Topa’n
Sia Khaipu te baangkua sungah cih theihna leh nopsakna a zah tampi in
Topa’n thupha hong piak sak tahen. Amen.
Thupuak: Sia KapDo (Tahan
B Church Pastor)
THEIH SAKNA
Pawlpi mi akuama ciat,
Conference Thu kizakna laihawm pen 2018
kum panin a tat man kum khat ai 2000 ahi hi. Tukuma tatman te hi ta leh a beisa
huna tat man te apia nailo pawlpi leh mimal te in hehpihna lianpi tawh na
pawlpi siapa or sianu leh na upa te tungah ong piak sak hamtangin tua siate
makaite in i zumpi MUC zumah tatna sumte pia hamtang ni cih kong thei sak
phapha hi. Tu quarter sungin ipiak zawh ciat theih nadingin i kizasak hi.
By :
Editor
Sia Naa Mung
