Sabbath 13
Sep.
29
Tu quarter sungin South Korea, Japan,
Mongolia, Sen gama thu-um mite nasepna
tawh kisai i pulaak khin hi.
Jin Rong Gao le a zi in Taiwan gam Shihkang khua-ah midang 16 tawh nasem khawm uh
hi. Hihte nupa in a nasep munah Sabbath ni-in nasep khawl thei lo ahih manun,a
nasep uh nusia-in mun khatah a nupa-un kha khat Kyats 60000/- ngahna khatah
nasem uh hi.
Nasep ding tam khol lo hi. Kha sum tam
lo hi taleh Sabbath ni-in kikhawm thei ahih manun lungkim veve uh hi.Tawl khat
khit ciangin a sanggamte un Sabbath ni tawlnga thei lo ahih manun lunghimawh uh
hi. A sanggamte zong Sabbath tawlnga ding deihsakna tawh amau nupa nasepna-ah
sem dingin a ngetsak ciangin nasep ding tam lo ahih manin midang kuamah lak beh
zo lo ding hi, ci-in a pu un dawngkik hi. Ahi zngin Jin Rong in a sanggamte mi
7 aa ding a ngetsak teitei ciangin amau kiangah nasep ngahsak hi.
Kha sum tawm deuh ahih manin kha sum
hoih zaw deuh zong kawikawi uh hi. Ahi
zongin Sabbath ni tawlnga thei lo ding ahih manun sum tam ngahna sangin Pasian
upna sungah lungkip ding khensat zaw uh hi.
Pasian in Jin Rong kitangsapna thei ahih
manin bicycles kibawlna khatah nasep ngah uh a, tengh 25 bang ngah thei uh
hi. Jin Rong zong a nasepna-ah a
makai-in kikoih hi. Ahi zongin Sabbath ni-in nasep kisawl khak ding patau
mahmah hi. Friday nitak khat, a nasepna pu in Saturday ni nasep kuan ding zasak
hi. Jin Rong in Saturday ni-in kei nasem dingin hong kuan thei lo ding, ka
kikhop ni hi, ci-in dawng kik hi. Tua bang ahihleh na nasep na khawl phot kul
ding hi, ci-in a pu in dawng kik hi.
Tua
zanteh Jin Rong ihmu thei lo hi. Amah bek hi lo, a zi le a sanggamteng in nasep
khawl kul hi. Pasian tungah thungen hi.
Sabbath ni ciangin kikhawm dingin biakinn va zuan uh hi. A nasepna pu uh heh
mahmah hi. Saturday ni nasem ding a tam zaw-te biakinnah pai ahih manun a dang
mi 7 a om laite zong nasep tawlnga sak vet hi. Saturday nitum a kipan zan, Sunday ni zong tua bang mahin
nasem dingin sawl hi.
Ni 3 khit ciangin a nasepna pu hong
pai-in sum tam ngahna nasep na sem nuam hiam? ci-in dawng hi. Jin Rong in lamdangsa
hi. Bicycle bawlna tawh kisai-in a nasepte uh kideih lua mahmah ahih manin
mundang khatah sai-thak khat bawl ding, tua munah makai dingin a nasepna pu in
a pulaakteh Jin Rong zong lungdam mahmah hi. Ahi zongin Sabbath ni-in nasep kul
hi, ci hi. Nasep ding bel hoih mahmah naven, ahi zongin Sabbath ni tawlnga thei
lo ding hi mawk ahihteh, Jin Rong in Late 37: 5 “Topa tungah na vaiteng ap in .
Tua hi leh na mavang ding hi,”cih a lungsim ah hong suak hi. Sabbath tawlngak
ding teel zaw ahih manin a nasepna pu in a piak nasep nial phot hi.
A nasepna pu in Jin Rong pakta ahih
manin tua bang mi hoih ngah ding hamsa ci-in ngaihsun ahih manin Jin Rong in a
nasep theih hun ding geelphatsak zaw hi. A naseppihte’n zong lamdangsa mahmah
uh hi. Jin Rong in thumanah citak ahih
manin ama tungtawnin mi 4 in tui kiphum uh hi.
Tu
quarter Leitungbup Sabbath 13 sumpi in Taiwan gam sung nasepna-ah kipuak ding
hi. MUC in Cikha biakinn lam nadingin kipuak ding hi. Sumpi
i khiat ngei a zah 3 khia ciat ni.
