SDA
Mi Ka Ngah Zawh Nading |
Ki-jo-moon
SDA
biakna laibu zuakte tawh ka kimuhma-in zong SDA upna ka thei nuam hi. Pawlpi
gol khatah pastor sem ka hih manin pawlpi tuamtuamte’ upna- Presbyterian,
Methodist, Baptist cihte a kipan ka kan zawh ciangin ka kan kawikawi hi. SDA
laibu a tam zaw pen Ellen G. White ii gelh hi, cih ka mu hi. Bang hangin hih
zahin numei khat ii laigelh thupi-sak uh hiam, ci-in ka ngaihsun hi.
Ahi zongin ka pawlpi –ah a kisam khat om
hi, cih ka phawk hi. Ka pawlpi tawh ka lungkim zo lo hi. Makai khat kiangah ‘
bang hangin ei pawlpi in Daniel leh Mangmuhna thu sin lo i hiam, ci-in ka dot
ciangin, “ Bang hangin tua laibute kisin lo hiam cihleh, ei pawlpi in Daniel
leh Mangmuhna thu thei lo hi hang,’ ci-in hong dawng kik hi.
Tua bangin thuman kantelin ka om
ciangin, Korea gamah Jehovah Witness leh SDA banah New Heaven leh New Earth pawlpi
pen upna lampial (cult) in hong kiciamteh hi.
Ka
hih theihzahin Jehovah Witness thu-um mite tawh thu kikupna ka nei zel uh hi.
Tua bang kawmkalah SDA biakna laibu zuak khat ka innah laibu zuakin hong pai
hi. Tua a kipan SDA tawh kizopna ka nei thei hi. Ms. Kim in laibu hong pia-in,
nidangin tua bang dan lai-te ka paai khia pahpah hi. Ahi zongin tutungin ka
ngah lai pen hoih ka sim hi.
SDA biakinnah kikhawmin ka pai zelzel
hi. Kikhopna-ah kihawm bulletin, inn ka ciahpih a, ka zi in SDA biakinnah ka
kikhop a theih ciangin ka nupa-un ka kitawng zel uh hi. SDA biakinnah ka kikhop
pen ka zi in deih lo hi. Koi bangin ka zi heh lo-in kikhawm thei ding ka hiam,
ci-in ka ngaihsun sun hi. SDA biakinnah kikhop a nopzia, pawlpi mite tawh ho
nuam mahmah ahihlam ka zi ka theisak nuam hi. Ka zi tawh ka kikhopna biakinnah
sia-te kituam bawl mahmah hi; annek ciangin a tuamin amau kine-sakin, kituam
thuk hi. SDA pawlpi ah tua bang hi lo-in, SDA sia-te pawlpi mite tawh kibangin
gamtang uh hi.
Tua bang tengtawh cidamna tawh kisai
thusinna khatah makaite-in zawn uh hi. Ka zi zong hong ut bilbel hi. Tua khit
ciangin Daniel leh Mangmuhna thusinna-ah ka nupa-un ka pai uh a, ka theih ngei
loh thu tampi ka sin uh hi.
Thusinna ka zawh khit uhteh tui kiphum
ding ka lunggulh hi. Pastor bek hi lo, makai khat ka hihna tawh SDA ah tui ka
kiphum ding ka zi in hong phal nai lo hi. Ka zi hong gen bangin kei zong ka
ngaihsun hi. Makai ka sep nawn loh ciangin SDA ah kituiphum ding ka khensat hi.
Sabbath
hong tungin tua Sabbath ni ka kikhawm kei hi. Nitak lam ciangin SDA
pawlpi mite hong hawh uh a, kituiphum ding hong hanthawn uh hi. Ka zi hong
thugen ngaihsun khawmin, Pasian tungah thu na ngen phot ning. Pasian in tui
kiphum ding hong phal leh, kei zong kiphum pah ding hing, ci-in ka vaikhak hi.
Ka zi in calendar en a, February 4 ni-in
kituiphum in, hong cih ciangin lamdang ka sa hi. 2017, February 4 ni-in SDA
pawlpi ah tui ka kiphum hi. SDA laibu hong pai numeite ei pawlpi ah hong suak
ding ka hanciam leh, amau pawlpi SDA sungah kei ka lut zaw hi.
1906 kumin Korea-ah Euimyung College ci-in
American sangmang nasemte in sang kipan uh hi. Tu-in Sahmyook University kici
hi. Sangkhak hun lopi-in hih university sanginnpi, Korea leh Japan kido laitak
leh Korea gam sung buai laitakin, nih
vei kikhak hi. Tu-in hih
university sanginnpi-ah sangnaupang 5787 val om a, 86% pen SDA hi lo uh hi.
Tu
quarter leitungbup Sabbath 13-na sumpi
in Sejong Adventist pawlpi ah kipuak ding hi.
Ei MUC conference in Cikha-ah biakinn
lam nadingin kipuak ding hi.
