Mi
Tampte’ Nu |
Mayumi
Nagano, 58
Mayumi in Japan gam numeite tungah
huzaap lian mahmah nei numei khat hi. A neu lai-in tua bang dingin kuamah in
ngaihsun lo hi. Tan khat a kah lai-in si dekta ngei hi. A pa pen zu dawn den mi
khat hi. A nu pen lungsim damlohna khat nei zawnzawn hi. A nulepa in hoihtakin
pantah lo hi.Kum 3 a phakin tuisa in nih vei bang buakkha ngei hi. Kum 5 a
phakin khat vei tua bang mahin tuisa tawh kibuak kha kik hi. Tua tuisa-te
hangin meima pawn a pum tungah kimu den hi.
“ Pasian in sihna ding panin nih vei
bang hong honkhia hi, ci-in Mayumi in pulaak hi. Kum 9 a phak ciangin a nu omna
kithei lo-in mangcip hi. Ahi zongin tan
6 a kahciangin lametna khat hong nei hi.
A inn gei-ah American panin manglai hilh khat hong om hi. Tua nu in manglai hilhin Lai Siangtho hilh
hi. Matt. 7: 12 sungah nang tung hong kibawl bangin midangte tungah zong bawl
in” cih thupiak a zak ciangin lamdangsa mahmah hi. Hih thu a zak a kipan
lametna tawh nungta thei hi, cih um hi. A beisa thute siksanin, a meima pawnte
lungngai nawn lo-in midangte it ding cih hong ngaihsun hi.
Tua a kipan naupang pawl khat kaikhawmin
naupang pantah kipan hi. Kum 21 a phak
ciangin Mayumi in pasal nei-in, a kiten zawh uh kum 10 khit ciangin a pasal
tawh kikhen uh hi. Lungkhamna hangin zu dawn, zatep lo-in om thei lo hi.Amah
leh amah zong kithah sawm ngei hi. \
Kum 32 a phak ciangin pasal khat nei kik
hi. Naupang kepna khatah nasem hi. A nasepna-ah thukhun tawh kizui-in gamtat
kul ahih manin a nasep hamsa sapian hi. Ni khat naupang kum 1 a pha khat, cisa
natna hangin inn kiciahsak hi. Tua kipan Mayumi in a nunna tampi hong kilamdang
hi. Naupang nu in nasem hi-in, nasep loh phamawh, ahi zongin a zingsang ciangin
naupang cidamin sang kah kik hi. Zan khat thu-in tua bangin naupang a cidam kik
pen Mayumi in lamdangsa mahmah hi. Nautaw dap sungah cisa kiatna zatui koih-in
tua tawh naupang cina hong kiam thei hi.
Mayumi in naupang pantahna-ah kuamah
deidan lo-in naupang khempeuh pantah hi.
Naupang pantahna mun dingin Mayumi in ama inn mah zang hi. A sun a zan,
tuk le khal cih om lo, ut hunhunin naupangte kha-thei uh hi. Mi 500 val bangin tua naupang pantahna mun-ah
ap nuam uh hi. Ahi zongin Mayumi inn ah
naupang 50 khawng bek ta thei ding hi. Naupangte lakah cina a om khak leh inn
ciahsak pah uh hi. Tua hi kei leh a natna uh kilawh thei ding hi.
Mayumi in zong ama ta nih nei a, naupang
dangte tawh pantah khawm hi. Naupang saihak a om mah bangin ama ta nihte zong
thu mang lo uh hi. A tanu u zaw pen Tan
4 kah ding hi-in kumpi sangah sangkah nuam nawn lo hi. Bang hang hiam cihleh
sia-te in mihai nu, lai thei lo nu ci-in sat zel uh hi.
Tua hangin Mayumi in sang dang khatah
sangkahsak dingin a zon leh SDA sang khat tawh kituak kha hi. Kumpi sang bang
lo-in SDA sangah sia-te nuam thei thei mahin sangnaupangte hehpihna lungsim nei
uh hi.
SDA sang a kahna panin a tanu in thuman
hong thei-in tui kiphum ding lunggulh hi. Tawl khat khit ciangin a innkuanun
tui kiphum uh hi. Mayumi nunzia hong kikhel pah hi. Hih naupang kipantahna
panin a gol zaw deuh 30 val in SDA sangah sangkah uh hi. Hih naupang pantahna
pan mun dangah sangkah dingte kiangah SDA sang mah kah un, ci-in ka hanthawn
hi.
Mayumi in a patkhiat naupang pantahna panin
kum 4 sungin 45 val in SDA biakna sungah hong lut uh hi. Tu-in hih naupang
pantahna-ah naupang 50 om hi. A vek un Christian hi lo uh hi.
Tu quarter leitungbup Sabbath 13 sumpi in
Japan gamah kipuak ding hi. MUC conference in Cikha biakinn lam nadingin kipuak
ding hi.
