INNKUAN
NUNTAKNA TUKTEHNA
INNKUAN UKNA
Nu
leh Pa Zuihding Thukhun.—Leitungah mi tampite in amaute adingin ahoih na
khatpeuh lamnaih uh hi. Hih nate ah lungkim pah uha, Jesu in apiaknop alian
zaw, asangzaw a ahoih nate deih zolo hi.
Tuabanga
thupi asakte ihkhaktan thei kei hi. Ahizongin thumaan ii ahoihna leh amanphatna
ihlak thei bek hi. Christ amuding leh angaihbanna aen dingin ihmakaih thei bek
hi. Tuaciangin amaute lamnaihna panin hong kiheikhia panding uh hi. Tate
pattahna ah hih thukhun ihzuihding ahi hi. Tate na huaidan tawh Jesu Christ ii
hehpihna tungtawnin tawntung nuntakna adingin azia atong uh nasuih sak thei uh
hi.
1.
Pasian’ huhna leh mihingte hanciamnain zia leh tong picing nehphial thei a, nu
leh pa in tua hanciamna ah sin leh sepin aneih ding uh ahi hi. Hih nasepna ie
athupina leh tavuante ihsaan na tawh tate hih leitungah ihpiang khia sak hi.
2.
Innkuan Uk nading akisam Thukhunte.— Innkuan sialin ukna thukhun neih kul hi;
nu leh pa in zong nikteen puansilh leh kampau ah tate adingin etteh takcing
ding uh hi. Naupang leh khangnote amau leh amau akizahtak dingin hilh in.
Pasian thukham azuiding leh thu amangdingin hilh in. Tuaciangin tua thukhunte
in amaute nuntakna uk dinga, midangte tawh akithuahna ah keengpaisuak ding uh
hi.
3.
Laisiangtho Thukhunte Zuihding.—Innkuan uk nadingin akisam thukhunte
aki-awlmawh nadingin vil kinken in. Topa in leitung innkuante in vantung
innkuan ie lim ahidingin geel hi. Leitung innkuante in innkuan tawnzia lampi
maanah amakaih ciangin Khasiangtho hahsiangna zong pawlpi sungah ahong lutding
ahi hi.
4.
Pasian’ deihnaah kiap, cihpen naupangte bangmahin nu leh pa mahmah in zong thei
leh apianthak ding kisam hi. Innkuan sungah aomdinga Pasianin geelsa kiukna
alendingin adin ma-un nu leh pa’ ngaihsutnate-in Jesu Christ ie deihna ah
koltangsak masa ding hi.
5.
Innkuan kizopna pen Pasian mahmahin aphuh ahi hi. Tate kiuk nadingin Pasian’
kammal bekmah muanhuai pen hi. Pasian’ theihzah leitung mipilte in mukhia nailo
a, Topain ahongpiak tate uk nading ngimna
ahoihzaw zong kibawl nailo hi. Piangsakpa losiah tate kisapna atheisiam zawding
kua omdiam? Asisan tawh aleipa longal kuain tate nopsak nang thukngaihsut zo
zaw diam? Pasian’ kammal kidawm takin kisimin, thumaan takin kizui hileh,
asiattat tate gamtatna hangin khuisatna omlo ding hi.
6.
Tate’ Hamphatna Zahtaksakin.—Tate ngah hamphatnate nazahtak sakding phawkin.
7.
Tatein anget hamphatnate nu leh pa in theihpihin zahtak sak ding hi. Mite maiah
zahtak akaiding, kimanna aneidingin, tatein pilna sinding leh pattahding
hamphatna nei uh hi. Tuahangin milakah aki-it pawlpihmi hiding uha, tawntunggam
adingin akilawm kha nuntakna nei ding uh hi. Tu tawmin nu leh pa lungnop nading
leh mailam nopsak nading pen aneu lai leh akhangno hun laitaka alamtoh zia leh
tong tawh kisai ahihna tate hilhding ahi hi. Aneu lai pekin ki-apna, deih
nialna, leh midangte lungnop nading khualna cihte tawh zongsang ding uh hi.
Lungtomnate ukin, zualzanna kamte zang loin, akikhel ngeilo migitna, thusiamna,
leh amah leh amah kikhalnate ah thuhilh ding ahi hi.
8.
Mittaw Ngaihna anei Nu leh Pa Hilhna.—Itna peeng pulaakna ahi mittaw ngaihnain
nangtawh lamsau paimah mah ta hi. Nangawngkimah nakhut navialhding baih hi,
ahihhangin apicing thumanna ie manphatna om takpi ahihkeileh hanciam luatding
hilo hi. Mittaw bang lawmngaihna in Pasian deihnate awlmawhlohna hia,
ngongtatna lian suak hi. Thumanloh ding tha napia hi: “Ka tapa in kei hong it
hi” naci hi. Hihbang itna in khemna leh apeeng itna ahi hi. Itna hivetlo hi.
Innkuan sungah akikhoi khangding itna maanin man nei hi, banghang hiam, cihleh
thumanna nei hi. Natate kha nuntakna na itsak leh uk in. Itna lahna leh biang
tawpnate in namitte hong tawsak hi. Tuapen natate in thei gige hi. Kawi in,
tawpin,
amaucihcih
zui-a napuatham pulaaknate khiamin. Tuate in innkuan ki-itna piangsaklo hi.
Khemna namkhat hia, thumanna leh nahanthotna nangmah zahtakna in neilo uh hi.
9. Mittaw
Itna leh Akisamlo Ngentelna Lakken.— Mittaw ngaihna ihpulaak lohbangin
akisamlopiin pum khauh loding hi. Tate Pasian kiangah zawhthawhthuin kipaipih
theilo hi. Amaute kimakaih theia,
ahihhangin
kisahawl theilo hi. ‘Ka tuute in Ka aw za hi, Keimahin amaute Ka theia, Ka nung
hongzui uh hi’ Jesu in ci hi. Ka tuutein Ka aw za a, thuman lampi ah
zawhthawhthu tawh kapaipih hi, cilo hi. Tate ukna-ah itna lahkul hi. Sittel luatna leh ngoltolna tawh nu leh pa
in tate nasak ngeilo ding hi. Khauhna in khate Satan’ ngen sungah hawl hi.
10.
Innkuan kiuknaah thuneihna leh itna pen migitna tawh len thei bek hi. Pasian’
minthan nading deihna leh tate tunga bawlding ihleeiba bekin nemluatna leh
mawhding phalna panin hong phel ding hi.
11.Ngonghkhauhna
tawh Thumanna Ngahlo.— Thumanna ihngah nadingin ngonghtat leh khauh pianmah
kisam, ci in kuamahin ngaihsun kei hen. Tuabanglo-in thumanna angah innkuan
kamu hi. Innkuan khatah, sawlnate awtoltakin leh thuneihna tawh kampaunate kaza
a, danpiakna leh khauhtaka taaina azang zong kamu hi. Innkuan masa tate in khat
leh khat akihonate ah awkhauhlo-in, thu kizui diamdiam uh hi. Innkuan nihnaah,
nu leh pate tatdan lianin tate zong gamtanga, kikhelcih, mawhzonna, leh
kinialnate pen zingsang panin nitak dong kiza hi.
12.
Mawhsakna kammalte in lau nading leh itna lotkhiat nadingin kizang ahihmanin
zatloh ding ahi hi. Apil, aziadam, Pasian akihta pa in salbanga launa
piangsaklo- in, innkuan sung itna omsak hi. Nuntaknatui adawn ihhihleh tuikha
hilo, tuikhum luangkhia sak ding hi.
13.
Kampau khauhin tate sungah lungtang nasakin, adam kik ding baihlo hi. Ih thumanlohnate tate in theibaih
uha, tuahangin lungkia in, aginngaih leh hehna tawh thupiaknate olmawhzo nawnlo
leh lauthawnsakna zong patau theinawnlo uh hi.
14.
Thu neuno khat khauhtaka mawhsakna in lauhuai hi. Khauhtaka mawhsakna,
akhauhlua thukhunin thu awlmawhlohna piangsak hi. Hibanga akipantah tatein
Christ ie thukham nangawn kinzo nawnlo uh hi.
15.
Thutanna, Thutawh Ukna Kisam.—Tate in aithuai leh atheithei pianzia nei uh hi.
Nuamsak ding leh dahsak ding baih uh hi. Itna kammal leh gamtatna tawh kikhalna
in tate leh nute kikhihna piangsak hi. Ngattaka thupiakna leh akhongakhia in
ngetna in khialhna lianpi ahi hi. Innkuan sial pen thutanna leh thutawh ukding
kisam hi. Nagennop thu awdam takin genin, ngaihsutna tawh kitangin, lampiallo
in nagenbangin kizekkhia in. Tate tawh kithuahnaah ngaihna pulaakna in mannei
hi. Anaupangvai kimawlnate, lungnopna, leh dahnate hehpihna omlo-in thalnial
kei in. Thusimlohna namitkhu ah kidawk sak kei in. Kamkhauh zong pusuak sak kei
in. Pasianin hihbangte a laibupi sungah ciamteh hi.
16.
Khalna leh Dopna Kicinglo.—Sanggamte aw, tate leh khangnote tungah natavuante
uh nakinngaihsut kei uh hi. Amaute tungah thukhun leh kiuknate aom hangin Satan
lam ahi zia leh tong laklo in, Christ tawh akibang nazia leh natong uh lahding
kin ngaihsut un. Naupangte in itna leh kepna atawntungin kisam uh hi. Amaute
nalungtang uh tawh khih unla, amaute maiah Pasian kihtakna leh itna koih khawm
un. Nu leh pate aw, amaute lungsim naukcip manun midangte aukdingin kilawmna
nanei kei uh hi. Tate khalna leh dopna bek kicinglo hi. Thutangin, hehpihna
tawh it in, Pasian maiah kiniamkhiat takin lam napai kul hi.
17.
Ngawngkhauh Tanu Ukdan Nu Thuhilhna.-- Natanu in nang aituam hilo hi. Nang’
deihbangin nabawl nading thu nanei kei hi. Amahin Pasian’ neihsa ahi hi.
Kitatsatlo-in nasek ding hi. Pasian neihsa ahihlam hilh in. Tuabang pattahna
tawh midangte adingin thupha ahi dingin khangkhia ding hi. Nanih un nakiuk
nading, ama’ deihbang agamtat nopna, leh nuam asakbanga akizeknate nakhal
dinga, siangtak,teltakin thu napia ding hi.
18.
Manmanin Zekin.—Abeisa hunin kizekluatna tawh innkuan tampi kisia ahihlam ka mu
hi. Tutkhopna, thu kikupna, leh kithutuakna tawh vai siangthei ding
hi.19Kiginna aomlo innkuan kiukna in natna tampi piangsak hi. Ukna aomlo zahin
kisia sak hi. Akidongden thu in, Biakna anei nu leh pate banghangin tatein
lungkhauhin, langpangin, langdo in, thumanglo uh hiam? Ahang pen innkuan
kipattahna ah kimu hi. Nu leh pa in innkuan ukna ah ki aihuallo uh hi.
20.
Akitomthei Ukna.—Hunkhat ciangin ngat mahmahin, hunkhat ciangin phal
mahmahna-in naupang suksiatna ahi hi.
21.
Nu leh Pa leh Tatein Thukham Kibangkim.— Pasianin thukham apiapa leh Kumpi hia,
Ama’ ukna nuaiah nu leh pate in ama’ tangding ihhi hi. Tua thukhun ah nu leh pa
pen zawhthawhna tawh a uklo ding,leh tate pen thumanlohna panin kham hi. Topa
in itna leh hehpihna tawh kidim hia, thumaan thutak tawh zong kidim hi. Ama’ thukhamin
siangtho, thumaan, leh hoih a, nu leh pa leh tate in mangding uh hi. Nu leh pa
leh tate auk ding thukhunin ciangtan aneilo itna panin ahong luangkhia hia,
amaute’ innkuan sungah hih thukhamte zangin a ukte leh thu amang tate tungah
Topa thupha tampi tungding hi. Hehpihna leh thutanna kikopin ahuzaapna
kitheitheiding hi. “Hehpihna leh thutanna in kisituah uh hi; dikna leh kilemna
in kimaisik tuak uh hi.” Hih thukhun nuaiah akiuk innkuanin Topa lampi tawnding
uha, thukhenna leh thutanna tawh nasem ding uh hi.
*Hih
article pen “KUMKIKNA LAMEN INNKUAN” sungpan akong teikhiat ahi hi.