MUC

Print Friendly and PDF

Monday, July 16, 2018

BIAKINN AH IHSAK IHTUMTE




BIAKINN AH IHSAK IHTUMTE                 
Agelh:    Sia Kham Sian Lian
      MMCC Treasurer

“La sa-in na gamlumnate uh khawl un; na lasakna uh agingte ka za nuam kei hi.” - Amos 5:23
Ih lapi-te zaaknop asa valval khangno lak ah ki om hiam? Leitung bup-a khangno bup in a-ngaih, a-sak, a-tum nop apaksak uh pen ahuam in rock music kici ziau thei hi. Biakinn ah zong kipaksak ta hi. Rock ih cih ciang-in a ‘hot’ te bek cihna hi lo hi, ol ta leh (slow) zong rock style ahih naak leh rock hi pah hi. 

Rock pen amah kia-in pum din lo-in mun khempeuh ah thawl hi. Classical music pipi, jazz music pipi,blue music pipi, soul music pipi khawng rock in va zo-in classic rock, jazz rock, blue rock, soul rock va suah thei hi. Ih lawhloh rock tampi om lai hi. Biakinn ah a kisa ZBC la te rock style tawh kiphuak lo hi. Tua hitaleh ki rock sak thei hi, mun khempeuh ah a tat man hi. Tua hi leh rock music pen Pasian kiang pan hong pai ahiam en ni. Pasian aa ding apang khempeuh in rock music pen Dawi-a hi aci vive hi. Amat uh pen leitung mite’n Pasian thu lunggulhlo uh hi, rock music pen kilunggulh tek hi ci uh hi. Rock music pen ci leh sa vaai hi (FLESH), Pasian pen KHA hi (SPIRIT). SPIRIT leh FLESH kilang uh hi ci uh hi. Rock music pen ci leh sa vaai ahih man-in leitung mite in na lunggulh uh hi. Christian pawlpi te khalam a kiam na dingin 1960 kiim pan-in leitung music pen ngiimna neisa-in Christian pawlpi sung-ah hong luut hi. Satan pawlpi pan hong kikheel-te in hih thumaan hi ci uh hi. E’n lah “rock” pian leh mah kikhopdan nuam sa pan lailai, ahi thei diam, en ni. Rock sung-ah atata-te’ kampau hu-ngai ni.

Little Richard in “Rock ‘n’ roll in Pasian pahtawi lo hi.” Lita Ford in “Rock ‘n’ roll pen biakinn tawh hi thei kei” Mick Jagger (Rolling Stone-te) “Rock music pen gamlumna (noise) hi, tua hi lel. Na thusiam leh music hi mah e na ci oh” Paul McCartney (Beastles-te) “A thu pen (message) pen lamal ah om kei, music ah om hi” ci uh hi. Tua hi-a Pasian kammal leh rock music thuah-in Christian la hi ci-in “seal” na tuang sak diam, ki-ngah lua hi. Ahih hangin music (rock) ii pianngei kikheello hi. Athu pen music mah ah teeng hi. Rock music cih pen miginalo-te in aginalo-a om ding mah-a aphuat uh hi-a Pasian kammal leh leitung music thuahkhop cih khawng Pasian in hua hi, sang lo hi. Music hoihlo khat leh lamal hoih khat athuahna lel tawh music hoih hong piang lo hi. Lai Siangtho in aniin leh asiang kigawm leh anih-in niin ci hi (1 Cor. 14:8; 15:33; 2 Cor. 6:17; 1 Jn 2:15-17).

Etteh hoihte etteh ni. Africa minamte Chritian a hong suah uh ciangin DRUM-te dawi in a zat lam thei uh-a drum-te zat ding khaam uh hi. Drum-te pen “Dawi’ drum” ci uh hi. Russia pan-a kikona in thu-um taktak mi khat kisiikna pian’ huai hi. “Ko Russia Christian-te pen kum tampi tak bawlsiatna nathuak-in na ding zo ung. Suahtaakna ka ngah khit ciang-un thudang lianpi khat in hong su hi. Tua pen America pan-a Christian-te’ kiang pan hong pai hi, amau in ko’ gam ah evangelist-te rock band-te tawh kop-in hong
khahkhia uh-a rock music hong tun uh hi. Hih pen ko aa dingin vangikpi khat hi. A khut uh ah Lai Siangtho tawi-in rock music zangh uh hi. Mai zum ung. Ka khangno-te un zong daipih zo lo uh hi. Ka cih na ding thei kei ung. Ko’ gam sung ahong luut Christian rock music khempeuh hua ung. Rock music in biakinn sung-ah mi tampi kaai mah hi, ahih hang-in mi-te Pasian’ zia-in nungta sak lo hi. Christ’ aa ding mahmah cihna in thong sung ah kum tampi na om ung, tu’n rock music in ka kha uh asuun azaan cilo-in hong do hi. Antan’ thungetna tawh na nangzo bek ung. Hih music pen Hell pan hong pai music na ci ung. America-a om khempeuh sum bei liang-in tua daante hong khah kei un. Ka khangno-te uh susia kei un” ci uh hi. Biakinn-a kisa la (hymn) aphuak siam Fanny Crosby in Christian asuahma-in leitungvaai la tampi na phuakkhin-a Chritian asuah khit teh la dawng 9000 vaal na phuak-a “La ka phuah teh ka la-a zat ding music (aw) hong kiphuumte ka nolh ding akisap hun om zeel hi. Pawlpi in leitung aw-te (melodies) tawh la sak hetloh ngiat ding hi” na ci hi. Atawp khak na-in geennop ah lamal hoihte zat man-in music asiapi khat music hoih suaksak zo ngei vetlo ding hi the cih thu hi. Lam hong khial sak ding lamal-te music asiapi tawh va thuah khop pen nasia zaw kaan lai hi. Rock music in hong piak message pen SEX, DRUG, REBELLION, FALSE RELIGION, leh SATAN hi. Geensa mah bang-in rock music pen biakinn sung-ah Christian kammal-te ih thuah zong-in rock mah hi suak ahih man-in SEX, DRUG, REBELLION, FALSE RELIGION, SATAN cih message-te mah hong thun hi. Athudai pen-in ah en pak le hang biakinn pai ciang-a ih silh ih teen te rock music ii huzaap hipah lo diam, kawlte khat in biakinn apai hong sa khol dia, ih biak Pasian hong pi muh sak diam, kigeengeen napi ki man' loh hi-a rock' gah ki ni muh hi pah hi. Mi (pawlp) pen amau gah pan-in bang music a-uuk te hiam cih ki thei hi. "Tu lai-a pawlpi makai-te, pastor-te, khangno makai-te in lawhcinna-in (music) alaak uh pen ataktak ah pawlpi sung-a milip khempeuh suksiak nading-a Dawi' van zat khat na hi lel tak hi." Rock music ii laigil pen thu manglo ding cih hi limlim ahih man-in (the core of rock music is "rebellion") zu, za tuamtuam-te zatloh ding deihna-in rock style tawh la kiphuak kisa zong-in ngawl sak zo lo ding, "nute pate zahtaak" sak zolo ding, pasian thu hilh zolo ding, phat ding kilawmsak zolo ding. “Si sung-ah Vaangliatna om,” cih daan ZBC la te rock music tawh kisa leh khalam bang mah sem lo ding. Rock music tawh “Satan gual lel in taai” lo ding. Husang thei khempeuh in rock music tawh aphat uh pen Pasian hilo hi. Rock music tawh phat ding na kilawm hi Topa cih bel Topa kizahpih na hi. 

Manglai-in “One simple guideline for Christian music is NO DRUMS!” ci hi. Christian music ah DRUM ZANGHLO DING cihna hi. Drum leh rock music akikop man hi, hong lam nuam sak music zong biakinn ah zatloh ding hi. Drum nasep pi pen “Beating” hi, melody, harmony dingin kizangh theilo hi. Beating pen tu’n keyboard ah om hi, synthesizer ki ci hi.

Keyboard pan drum kitum thei hi. Sakhituineek ki bang hi. Drum pen lawki te'n ahun bawlna uh ah saaidaan + dawi (pasian) kopsa pen adeih zawkzawk uh saaidaan tuamtuam tawh sam uh hi, tua drum mah (synthesizer) biakinn ah ki tum leh dawi mah hong teeng ding hi. Plato in Athen khuami-te (SDA pawlpi dingin thuah ni) ahong tatsiatna uh pen pupa music-te anusiat man uh hi ci hi. Ngaihsun ni, pilvaang ni. Satan’ thaang ah ki-awksak tawm kei ni.

References:
1. https://thetruthandlight.wordpress.com/2008/09/29/witchcraft-in-the-church/
2. http://www.av1611.org/question/cqtool.html
3. https:/www.jesus-is-savior.com


To get the latest update of me and my works

>> <<