Adventist College ah Omcip |
Yasuki Aoki, 42
Aoki in Lai Siangtho mu ngei lo hi.
Khristian thu-um mi khat beek tawh kimu kha ngei lo hi. Ahi zongin tu-in SDA
sangah sangkah hi.Saniku Gakuin College pen Khristian college a hihlam zong
thei kha lo hi. Hih sangah kum 2 sung va kah hi. Aoki in a sangkahna panin
mangpau zong hong sin thei hi.
Kum 18 bang a phak khit hangin Aoki in
biakpiakna kikhop cih pen thei ngei lo hi. A sangkahna-ah nitak khat kikhopna
om ding hi, cih a zak ciangin bang hi peuh mah ding hiam, ci-in lamdangsa
mahmah hi. Aoki in a lawmte paipai-na zui-in kikhopna ding mun hong zuan uh hi.
Lai Siangtho, labu cihte a muh masak pen
na mun hong suak ahih manin lamdangsa mahmah hi. A lawmte in lasa-in Lai
Siangtho a sim uh ciangin Aoki in lungngai dee-duu pong hi. Amah sim loh
sangnaupang khempeuh in lasa thei, Lai Siangtho sim thei, tangthu genthei khin
uh hi.
Kikhopna a man khit uh ciangin Aoki in inn
ciah ding hong ngaihsun hi. Ahi zongin a nulepa in sang sum pia khin ahih manin
tawlkhat sangkah lai dingin hong ngaihsun kik hi. Aoki in sangkahna mun in
Khristian thu a theih masakna mun hong suak hi.
Aoki mah bangin Japan gam mi tampi in a
nungta Pasian thu leh Khristian biakna thu za ngei lo uh hi. Khristian thu-um
mi a mu ngei lo zong tam mahmah uh hi. Japan gamah mimal buppi 127000000 val
bang pha uh hi. Tua lak panin 1270000
val deuh in Khristian biakna zui uh hi. Hih lak panin SDA thu-um mi
15151 bek om hi. Japan gam in Buddhist biakna zui uh hi.
Aoki in SDA sangah sangkah a kipatin
Buddist biakna zui lo hi. Biakna tawh kisai thu kin lo hi. A sangkahpihte
thudik thei mahmah uh hi. A lawmte in Khristian biakna thu limtak hilh uh hi. A
lawmte tawh kikholhna panin Aoki in Khristian biakna thu tampi hong thei hi.
Biakinnah kikhop cihte a kipan Pasian thu
zak ding nuam hongsa thei hi. Adventist nungak khat tawh hong kingai thei uh a,
SDA sungah kituiphum ding zong hong khensat hi.
Kum
2 khit ciangin Aoki in manglai hilh theih nading letmat hong ngah hi. Adventist
College khatah manglai hilh ding hong hi ta hi. Ahi zongin SDA pawlpi-ah tui
kiphum lo-in laihilh ding kiphal lo ding hi. Tua hi-in Aokin Lai Siangtho sin
hong kipan hi.
Aokin tua bangin Lai Siangtho a sin
hangin pastor suak ding cih pen mungtup nei lo hi. SDA college ah laihilh theih
nading a Lai Siangtho sin hi zaw hi. Tua leh ni khat chaplain in hopih hi.
Mailam ah bang sem ding na hiam, bang geelna nei na hiam, ci-in a dot ciangin
Aoki in Khristian suak nuam ning, ahi zongin tu-in bel Khristian suak nai lo
ding hi, ci-in dawng kik hi. Mai lam hun
khat ciangin kitui phum ding khensat hi. Sia pa in tu-in kituiphum in, mailam
ah bang piang ding na thei kei hi, ci-in thapia hi. Aoki in hun tawm khat hong
pia lai in, hong ngaihsun ning, ci-in kikhen uh hi.
Pastor in mai kaal sungah nong pai kik
ciangin kituiphum dingin khensat in, ci-in sawl hi. Aoki lawmngaih nu in
Adventist sang khatah laihilh hi-in, a thupiang khempeuh a lawmnu kiangah gen
hi. Aoki in a kituiphum ni ciangin a lawmngaih nu zong hong pai dingin gen
hi. A lawmnu in kha khat khit ciangin
hong pai thei ning, ci ahih manin tua ni ciangin Aoki in kituiphum ding khensat
hi.
Tu-in Aoki in kum 42 cingkhin hi. Amah
pen tulaitak Japan Union Conference makaipi hi. Tokyo’s Setagaya Church ah
khangno pastor sem hi. Aoki in khangnote tungah Khrih thu genin, khangno tampi
in Khrih Honpa-in sang thei uh hi.
Tu quarter leitungbup Sabbath 13 sumpi in
Japan gamah kipuak ding hi. MUC conference in Cikha biakinn lam nadingin kipuak
ding hi.
