May
5
Ama
Kiangzuan
Daniel
Guiboshe, 56
Daniel
Guiboshe in Mamawi Atosketan Native Sangah sangnaupangte pantah pastor hi. Hih
sang Firt Nation sang kihon khit kha 1 khitteh nasem hi-in, a sepcil in nuamsa
taktak lo hi. Sangnaupangte le sia
dangte a hih leh khatlekhat kithei khin uh ahih manin nuamsa thei mahmah uh hi.
Kum 11 a pha numei no Jojo Wolfe in
Daniel Guiboshe va meltheih bawl hi. Hun awng om sialin a kiangah va pai-in
hopih hi. Daniel in zong tua bangin Wolfe in a hopih nuamsa-in, bang hangin
amah tawh kikholh nuamsa cih thei zo lo
hi.
Daniel Guiboshe le hih numei no in
kikholh nuamsa uh a, thu tuamtuam genthei zel uh hi. Daniel in Jojo laihilh in
Jesuh thu le singkung, lopa thute zong hilh zel hi. First Nation sanginn
in sangnaupangte in Jesuh thu a zak
masak pen na mun uh hong suak hi.
Ni khat Jojo in limkhat suai-in, a
limsuaihna nuai-ah “ A dik penpen pastor” ci-in gelh in Daniel va pia hi. Jojo
in nop a sakna, thudik a sakna thute Daniel theih dingin pulaak hi. Ni khat
Daniel in sangsiapi pa tawh hong kiho uh hi. Jojo pen nungkal sungin hong nusia
hi. Suahni birthday bawlin a lawmte tawh nuamsa mahmah hi napi, lutang nasa-in
lum pah a, zingsang hong nawn lo-in a nute’n a va et uh leh Jojo na si hi, cih
thu hong za hi.
Daniel in tua thu a zak ciangin
lamdangsa mahmah hi. Um thei pak lo hi. Bang hangin Jojo si hi ding hiam?
Naupanglai pipi bang hang hi ding hiam, ci-in lamdangsa hi.Ahi zongin Jesuh
hong pai kik ciangin Jojo in sihna pan hong tho kik ding hi, cih tawh kihehnem
hi. Sangsia-te a kipan sangnaupang khempeuh in zong lamdangsa-in dah ciat uh
hi.
Jojo ii innkuanpihte in Jojo sangkahna
First Nation sangnaupangte le sia-te anvakna nei uh hi. Huh bawlna zong nei
khawm uh hi. Tua bangin khatlekhat kimuhkhopna tungtawnin Jojo nusiatna hangin
dahna, lunglennate cihte om nawn lo hi.
Jesuh hong pai ciangin nuamna tawh kidim ding hi, ci-in Khrih hong pai
ding ngaklah uh hi. Dahpihna-in sang ni khat khak uh hi.
A sang’ min uh a khiatna in nasemkhawm
cih ahih mah bangin sangnaupangte le sia-te in khut kilenin nasem khawm uh hi.
Jojo in ama limsuaih siapipa zum
sungah kisuang hi. Siapi pa Daniel in
sangnaupangte tung pan a ngah masak pen pen lim hong suak hi. Daniel in nidang
bang nawn lo-in nuamsa semsem hi. Siapi pa Daniel in sangnaupangte Jesuh
thuhilh nuamsa mahmah hi. Jesuh in Kei hong liansak mi ka liansak ding hi, a
cih bangin hih sangnaupangte in Lai Siangtho tangthu zaknopsa-in za za nuam uh
hi.
Leitungbup tu quarter Sabbath 13 sumpi
in Mamawi Atosketan Native Sanginnpi-ah kipuak ding hi. MUC in Mayaan ah kipuak
ding hi.
