May
26
Gas
thunna-ah Tuahkhak Thu
John
Pena, 57
Nitak khat West Virginia State, Mount
Hope khua ah John Pena in gas thunna khatah nasem hi-in, gas puakkham hi. Tua hangin credit card kizang thei nawn lo a,
gas thun peuhpeuh in sumtangin piak kul hi. Gas thunna ah kizang ATM (Autumatic
Telling Machine ) zong kisia hi.
Puanvom silh mi khat a motorpi gas
thun dngin hong lut a, John le a
naseppih numei en gige uh hi. Gas thun man $ 40 ding hi. A sumtangin hong pia
in, gen hi. Tua mi pa in sumtang pua lo hing, credit card bek pua ing, ci-in
dawng kik hi.
John in a manager pa tawh kiho-in
sumtang mah piak ding a kigen ciangin, mun dang khat pan sum la dingin kisawl
hi. Sumtang ngah theih nading tua kimtengah om lo ahih manin, John in tua mipa
kiangah, na credit card hong nusiat in, kei man na gas thun man na pia ning
ci-in kiho uh hi.
Tua bangin John in gas thun man a
piaksak ciangin a naseppih nu in na sum a sumh hi teh, tua mipa hong pai kik
nawn kenteh ci-in gen hi. John in hong pai kik mah inteh, ci-in dawng kik hi. A
zingsangteh tua mipa hong pai kik takpi-in zanni-a gas thun man $ 40 hong pia kik
hi. Lungdam ing, Pasian in thupha hong pia hen, ci-in kikhen uh hi.
Lamet
Lohpi Kimuhna
John in inn a tun ciangin a zi Sharon
kiangah a sumpiak sak vai pulaak hi. A
taktakin tua nitak pen a sungh pa Jim hong hawh ni ding hi-in Lai Siangtho
sinna nei ding uh geel uh hi. Jim pen SDA thu-um mi khat hi-in, Johnte nupa
zong SDA biakinn ah kikhawm dingin zong zawn zel uh hi. Ahi zongin tua nitak
Lai Siangtho sinna nei thei lo ahih manun Sabbath kikteh sinkhawm dingin geel
uh hi.
John pen Sunday thuzui innkuan sungah
a khangkhia khat hi-in a neu lai-in SDA sangah sangkah ngei khat hi. SDA
biakinn ah zong kikhawm zel zel hi.
Sabbath ni hong tungin Jim tawh biakinn ah hong kikhawm uh hi. Biakinn
sung a lutcilin a om dan khat nuamsa mel lo hi. Tawl khat khitteh Jim in
“church pastor tawh kimu lecin hoih ding hi, ci-in John kiangah gen hi.
Tua leh John in zong kimu nuam mah
ing. Ka dotnop zong om ci-in, pastor pa tawh hong kiho thei uh hi. Tawl khat a
kiho khit uhteh pastor in John kiangah, “ Nang pen gas thunna khat ah nasem hi
ve teh aw. Ka gas thun lai khat sum hong piaksak pen nang mah hi ve teh aw,
ci-in hong dong hi. John in zong phawk lai ahih manin, hi mah ing, ci-in dawng
kik hi.
John in pastor pa tawh a kimuh khitteh
Lai Siangtho sinna nei nuam hi. A nupa un Beckley khua-a SDA biakinn ah hong
kikhawm uh a, kituiphum uh hi.2015 kumin Spencer pawlpi in leitungbup Sabbath
13 sumpi ngah khin ngei hi. Hih pawlpi
ah pawlpi mi 35 bang om hi. Biakinn nei lo ahih manin hall lianpi khat kawm uh
a, biakinn-in zang uh hi.
John in tu-in kum 57 cingkhin a,
Spencer pawlpi ah deacon hi. Pawl sung bek hi lo, khua sung aa dingin zong
nasem hi.
