May
19
Sikha
tawh Kiho
Alberta
Khuapi
Kim
Harrington, 45
High School sangsia Kim Harrington in
kum 17 a pha sangnaupang Shelly tawh kiholim thei zel uh hi. Shelly in a pi tawh a kiho-nate uh a siamah
kiang pulaak zel hi. Mailam hun ding khawng kikum thei zel uh hi.
Siamah nu Kim’ pu a sih zawh kum 7 bang cingkhin hi. Shelly in
a siamah Kim’ pu sih a zak ciangin a khuasikmul tho hi. Shelly in misi khinte dawi-te lakah om dingin
ngaihsun hi. Kim in Alberta khua-ah SDA
sangah science and Math hilh hi. Hih sangah sangnaupang 200 val bang om a, a
tamzaw-te in Jesuh thu za ngei lo uh hi. Dawibiakna thuzui innkuan pan hong pai
uh hi.
Shelly in a siamahnu tawh sikha-dawi’
thu cihte pulaak zel hi. Shelly in khat veivei ciangin a pumpi lang mihing, a
lang pen sakol tawh kibang, a khel nono mu thei zel hi. A inn nung a singkung
tung panin awging za thei zel hi. Tua pen a nulepa in tua awging pen a si khin
a pu a pate’n hopihna hi, ci-in gen uh hi. Tua bangin singkung tung pan hopihna
awging om thei pahpah zel a, Shelly in tua bang hopihna aw a zak ciangin na
dawng zel hi. Nih vei bang tua bangin kihopih khin hi. Tua bangin a kiho uhteh
thusia om lo hi. Thu hoih vive mah tawh kiho uh hi.
A siamah nu Kim in tua bang thute a
zak ciangin a lungnuam lo-in Shelly aa ding thungen hi. Shelly tungah thuman a pulaak
zia ding Pasian kiangah ngen hi. “Adventist sangah laisin na hihteh a si khin
mite’ kha nungta lai dingin um na hiam, ci-in Shelly a dot ciangin, Shelly in a
si khin mite in bang mah phawk nawn lo hi. Bang mah thei nawn lo hi, cih thu
pen thei ahih manin, a si khin mite in bang mah khuaphawkna nei nawn lo hi,
ci-in dawng kik hi.
Shelly in a sangkahna-ah kihilh thute
theician taktak lo hi, cih a siamahnu Kim in thei ahih manin Shelly in thuman a
tel zawk nadingin thungetsak hi. Shelly in zong a hamsatnate a siamahnu kiangah
pulaakin, tua bangin a nihun thungenkhawm zel uh hi. Khat veivei ciangin Shelly
in a pi’ hopihna aw tawh kibang khat in hopih zel hi. Ahi zongin a mi mu lo hi.
Tua bangin a pi aw tawh kibang khat in a hopih ciangin Shelly in a pi ngai ahih manin tua bang hopihna aw tawlkhat sung bang ngai
zel hi. Ahi zongin a siamahnu gen bangin dawi nasepna ahihlam phawk kik zel hi.
Tua bangin a pi aw tawh kibangin hopihna a zak kim ciangin Shelly in dawi na
hih leh tu a kipan nong hopihna hong ngai nawn kei ning, ci-in pulaak khia hi.
Sanginn pan kihilh Pasian phatna late
sa hi. Pasian a muanzawk nadingin a siamahnu Kim in Shelly aa ding thungetsak
den hi. Shelly in Pasian muangzaw semsem hi. Pasian in na khempeuh uk ahihlam ni khat khit ni khat
hong telzaw semsem hi. Shelly in a mailam hun ding thei nuam ahih manin a pu
kiangah dong thei zel hi. Mailamah bang piang ding cih i thei khol kei hi. Tua
hi-in tuhun i nuntak sungin a hoih nate, thu hoih tawh nuntak ding kisam hi,
ci-in a siamahnu in hilh hi.
Kim in Jeremiah 29:11 sunga Topa
kamciam “ mailam ah lametna kong pia kik ding a, na siatna ding uh hi loin na
phattuamna ding uh geelna ka neihte kei bek in ka thei hi, cih tawh thapia zel
hi. Kim in a sangnaupangte in Pasian tate hi-in, dawi gilote ta hi lo hi, cih
hilh den hi. A sangkhaan sungah Shelly tutna ah “ hih tokhom in Pasian tanu aa
ding hi,” ci-in lai kisuansak hi. Naupangte in Pasian aa dingin manpha ahihna
uh a tel ding uh kisam hi. Pasian in naupangnote it hi, ci-in Kim in hilh tawntung
hi.
Leitungbup tu quarter Sabbath 13 sumpi
in Alberta-a om Adventist sangah kipuak ding hi. MUC in Mayaan pawlpi kipuak
ding hi.
