May
12
Khatlekhat
Kizopna Nei
Darlene
Thiessen, 45
Mammawi Atosken Native Sangah laihilh
ka kipat kumin Tan 8 a kah sangnaupang
Adrius hong si hi. Adrius in naupang ahih hangin zu dawn den a, a zu dawnna pan inn a ciahna lampi-ah mawtaw
in phu kha-in tua panin si hi. Ama sihna hangin tua ni sang kikhak hi. Kum nihna kumin zong sangnaupang khat in hong
nusia hi. Francis Buffalo pen a pumpi
zong gol a, a a thu-nuam, a dik hithiat khat hi. Lamgei mun khatah a lawmte
khat tawh kiho-in a om laitakin mawtaw in nawkkha-in tua panin si hi.
Hih sangnaupang nihte sihna in ka
lungsim hong sukha mahmah uh hi. Sivui hun bawlna-ah ka khitui luang ding
kithawi thawi a, ka luangsak kei hi. Sangnaupang nihte hong nusiat na hangin ka
dah mahmah a, ka khitui luang leh khawl thei pak lo ding cih ka thei hi. Ka
pumpi khempeuh na gawp a, ka om zia ding ka thei kei hi.
Sivui khitteh ngaihsutna tampi hong
lut hi. Hong nusia sangnaupangte tungah bang huzaap ka nei hiam cih ka ngaihsun
hi. Ka laihilhna tungtawnin Pasian hong itna a mu uh diam? Pasian a phawk
dingun hoih tak kihilh hiam, cihte ka ngaihsun hi.
Khangno lai-in leitung nusia ahih
manun naupang khangnote in Jesuh a thei dingin nisim in ka hanciam hi.
Sangnaupangte in Jesuh tawh nisim kizopna a nei dingin ka lunggulh hi. Ka deih
bangin sangnaupangte a om loh uh hangin, a kihilh thute tungtawnin lametna nei
ding uh hi, cih ka um hi.
ADRA in Mozambique gamah tagah innlam
dingin khat vei ka va zui hi. Tan 3, ka sangnaupangte kiangah ka pai nading
mun, ka pai na a thu cihte ka thei-sak hi. Ka om loh sungin sia khat in hong
pai ding hi, cih ka gen hi.
Tua bangin ka pulaakteh numei-no
Tiandra in mundangah kituah dingin hong ngaihsun hi. Kitom gawpin siapi-nu
zumkhaan ah kipaipih hi. Siapi pa in ama gamtatnate sittelin banghangin tua
bangin gamta na hi hiam, ci-in a dot takteh, ka sia khat uh mundangah hong
paisan ding, thei lo na hi hiam. Hong paisan leh lunghimawh mahmah ding uh thei
lo na hi hiam, ci-in dawng kik hi. Siapi-nu
in a zumkhaan pan pusuak khia-in Tiandra nuihsan hi. Tiandra in
naupangno khat ahih hangin a ngaihsutna picing mahmah hi. Khualzin dingin a pai
ding pen Tiandra in mundangah a paisan ding hongsa kha hi.
Canada, ka inn uhah tawl khat ka taam
hi. Siapi-nu in hong hopih a, Tiandra in hong hopih nuam hi, ci-in hong phone
hi. Tiandra tawh ka kiho uh a, cikteh hong pai kik ding na hiam, ci-in hong
dong hi. Tiandra in ka tun kik ding kaal na ngak lah mahmah hi.
Sia-te le sangnaupangte in kizopna
hoih a neihna uh tungtawnin naupangte’n kikhelna tampi nei uh hi. Nisim a
tuahkhak uh hamsatnate kantanzo-sak hi.
Ni kumin Tan 3 sangnaupangte tungah
singlamteh tungah Jesuh kikhailupna thu ka genleh a vekun hong gamdai uh hi.
Itna tawh kidim mi khat tua bangin thahna a thuak ciangin naupangte in hehpihna
lungsim nei uh hi. Midang khat aa dingin ka tapa a sih ding sangin keima nuna
ka pia nuam zaw hi, ci-in ka pulaak hi.
Pasian in hong it mahmah ahih manin
a tapa hong pia hi. Tua bangin ka gen ciangin naupangte in a takpi maw,
ci-in hong dong uh hi.
Tan 1 sangnaupang numei-no khat a inn
sungah buai-na thute hong genin, tua thute hangin a lawmte in, ciamnuih bawl uh
hi. A sanggam numei-no si hi, cih a lawmte’n hong gen ciangin, tua numei-no
kiangah thunget na ut hiam,ci-in ka dot ciangin, deih mah ing, ci-in ka nihun
thu ka ngen uh hi.
Tua bangin thungetna hangin a lungnuam
mahmah hi. A pumpi tung panin vangikpi suahkhiat tawh kibang hi.
Sangsia khat in sangnaupangte tungah
huzaap lianpi nei hi. Naupangte tungah Jesuh hong itna i pulaak thei hi.
Tawntung nunna aa dingin naupangte panpih ding mangngilh kei in.
Tu quarter leitungbup Sabbath 13 sumpi
in Mamawi Atosketan Native Sangah kipuak ding hi. MUC in Mayaan ah kipuak ding
hi.
