June
9
Ka
Pai Khia
Ida
Elizabeth Davis, 65
Ka pa pen SDA thu-um mi khat ahih
manin ka neulai-un kikhawm ding hong paipih hi. Wednesday nisialin Lai Siangtho
sinna om a, tua-ah zong hong paipih hi.
Saturday ni ciangin ka kikhopna mun uh pen inn panin tai 8 bang gamla
hi.
Ka pi tawh a khangkhia ka khangkhia
hi.Ka pite unau 7 pha uh a, ka pi pen a tumpen hi-in, ka pi dangte sangin
biakna kin mahmah hi. Niksiing ten ding deih lo hi. Friday nitum sialin Lai
Siangtho hong simsak den hi. Friday nitum panin Saturday nitum kikal kuamah
nasemsak lo hi. Sunday niteh kikhop ding hong phalsam hi. Sanginn le biakinn
cih simloh mundangah hun ka zang kei hi. Tua bangin a khangkhia ka hi hi.
Kum 14 ka phak ciangin New York
khuapi-ah ka u-te kiangah ka om hi. Khuapi- lian ahih manin biakna kin lo uh
hi. Biakinn ka pai nawn kei hi. College sangkah ka man khitteh Wall Street ah
insurance company khatah na ka sem hi. Tua khitteh Washington ah kumpi sum
saziansit zumpi ah ka sem hi. Tua a kipan Sunday ni-in biakinn ah ka kikhawm
kik thei hi.
Washington-ah ka om sung, zan khat
mang ka man hi. Ka mangsungah zanglo khatah nasem in ka om hi. Ka pi in a
huankho hi. Ka khanlawhteh inn ciah ding hi ning, ci-in ka ngaihsun hi.
Ka pi in hong piak leitangah innlam
ding ka geel uh hi. Ka pasal zong US kumpi nasem khat ahih manin West Virginia
ah inn nei ding cih pen ka pasal lungdam hi. Washington ah ka om sungin ka inn ding uh ka
lam uh hi.
Beckley ka tun kik uhteh bang hangin
ka pianna khua, ka lawm ka gualte nusia hi ding ka hiam cih ka ngaihsun hi.
Pasian tungah “ bang hangin hih lai-ah om ka hiam, ci-in ka dong hi. Tua
laitakin Lai Siangtho sinna om ding hi, ci-in sapna lai ka ngah hi. Ka lawmte
ka zawn a ahi zongin amau ut lo uh hi. Kei kia bek ka pai hi.
A nitak 4-na hong tun ciangin Daniel
le Mangmuhna sunga genkholhnate ka zak ciangin lamdang ka sa mahmah hi.
Limciinna ganhingte zong lamdangsa mahmah hi. Ka kikhop hangin kuamah in hong
hopih om lo ahih manin ciah dingin ka dingkhia hi. Tua leh kongkhak ah Naomi
Tricomi in “ koi ah pai ding na hiam,
ci-in hong dong hi. Ken zong hih thute ka zaksa sa hi, ci-in ka dawng kik hi.
Ka pi tawh ka om uh a, koi mah pai ding hong kiphal lo hi. Ka pi tawh Lai
Siangtho simkhawm den hi ung, ci-in ka dawng kik hi. Naomi pen Lai Siangtho
laihilh nasem khat hi-in hih kikhopna a tawp dong thu ngai in, ci-in hong kho
hi. Ka gei-ah hong tu in ci-in hong sam, amah tawh ka tu khawm uh hi.
Thu kigente khat khit khat ka ngai hi.
Ka neu lai-a hong kigen thute hi-in ka phawk kikkik hi. Pastor pa in kituiphum teng min pia un, ci-in
kei zong ka min ka pia hi. Kituiphum mi 16 ka pha uh hi. 2016, September kha
sungin ka kituiphum uh hi. West Virginia huam sungah 2016 kum sungin Pasian
thugenna mun 35 ah kinei hi.
A beisa kum 65 ka ngaihsut ciangin ka
pi tungtawnin thuman sungah a nungta thei ka hi hi, cih ka phawk hi.
Leitungbup tu quarter Sabbath 13 sumpi
in West Virginia huam sungah Pasian nasep nadingin kipuak ding hi. MUC in
Mayaan ah kipuak ding hi.
