June
30
Ama
Min Kilawhsial in Dawite heh
Dezba in Tan 8 sinin kum 14 a pha
numei no in sangkah lo zel ahih manin pastor zumkhaan ah sapna ngah zel hi. A
sangkahlohna a hang kikum khol lo zaw-in
Satan leh Zeisu Kidona Lianpi thu gen kha pahpah uh hi.
Tua bangin zumkhaan sungah sapna ngah
Tan 8 a sin Dezba leh pastor kikalah tua bang kiho-na pen Giselle
Ortiz in diksa lo hi. Pastor Phil in Jesuh min a pulaak ciangin Dezba kitom
gawp thei zelin, “khawl in” ci-in awnggawp hi. Tawl khat khitteh Dezba in
khuaphawk kik in, pastor pa aw, Jesuh min na lawh ciangin ka sungtawng
kitomgawp hi, ci-in pulaak hi.
Pastor Phil in Lai Siangtho simin dawite tungah Jesuh vangliatna, a
gualzawhnate pulaak hi. Jesuh min a zak sialin Dezbe in kitomgawp hi. Tua
bangin pastor in a gen ciangin Dezbe in ka bil ah hong hopih khat om a, Lai
Siangtho in zuau thu vive hi, thuman lo hi, zuau laibu hi, ci-in a gen aw ka za
hi, ci-in pulaak hi. Ahi zongin pastor Phil in Jesuh in Topa hi, ci-in damtakin
hilh hi. Jesuh hong hopihna aw na zak laiteng, Honpa-in na san ding leh, nangma
khensat ding hi, ci-in hilh hi. Tua
bangin a pulaak ciangin Dezba in a pumpi khempeuh nasa-in sual tung boksuk hi.
Dawi tungah gualzawhna Pasian kamciamte zong pulaak kawmkawm uh hi.
Dawi sangin Jesuh in vanglian zaw ahih
manin ama tungah na ki-ap ding kisam hi, ci-in pastor in hilh hi. Dezba in inn
pua-ah hong taikhia hi. Sanghuang pua-ah
a taikhiat ding patau mah mah uh ahih manin nungdelh uh hi. Lau cihtakin lau-a
Giselle in mun khatah tutpihin, tawl khat khit ciangin pastor pa zong hong tung
hi.
Pastor in Jesuh min na pulaak kul hi,
ci-in gen hi. Jesuh na up mateng dawi in
hong nusia lo ding hi, ci-in genbeh hi. Dezba in lopa lakah boksuk hi. A sawt ciangin Jesuh ka sang mah hi, ci-in
kiko khia-gawp hi. Pastor in Jesuh sang takpi mah na hiam, ci-in dong pha
kikkik hi. Lai Siangtho sunga kamciamte a omna khaan kimtengah belh kawikawi-sak uh hi.
Hih bangin sangnaupangte lakah dawi
vei om zelzel hi. Giselle zumkhaan sungah numei-no khat hong lutin a si khinsa
a pano ka mu hi, ci-in lau-in amah le amah peuh kihoho-in a muhteh Giselle zong
lau-in thungen hi. Jesuh min tawh dawite paikhia un, ci-in thupia hi.
Sangnaupangte in dawi nasepna mu zel
uh hi. Giselle in nasep a lutcil in khaan sung khatah a om laitakin thungen
ding cih a lungsim hong suak vat a, amah zong thungen pah hi. vantungmite in
sangnaupangte a kep nadingin thungetsak hi. A zingsang ciangin Giselle tawh a
om a lawmte khat in, zan nitak in a kimu thei lo khut khat in ka lawng hi. Kei
zong nakpi in ka sawn hi, tua a kipan tua khut in hong lawng nawn kei, ci-in
pulaak hi.
Pasian gam thu i pulaak kei leh dawi
in hong neh nuam hi. Sangnaupangte Jesuh
sungah pantah lo hi leng dawimangpa khut zat suak ding uh hi, ci-in sia-te in
thuman tawh pantah uh hi. Giselle in tua bangin thuman tawh naupangte pantah
nasep nuamsa hi. Hotkhiatna thu a zak
dingun hilh kul a, Topa nasem dingin mite sap kul a, a dah mite tawh dahin, a
nuam mite tawh nuam ding kisam hi. Tua tungtawnin Pasian in na hong sem hi.
Mite tungah hotkhiatna thu pulaak nasep in thupha taktak hi.
Leitungbup tu quarter Sabbath 13 sumpi
in Canada, Marshall Tuikulh le USA gam sunga om sangte puah nadingin kipuak
ding hi.
MUC in Mayaan pawlpi ah kipuak ding
hi.
Sumpi khiat ngei a zah thum khia ciat
ding hi hangh.
