June 23
Dawi in Hong Hopih
Pierre Ortiz, 24
Pierre in Holbrook Seventh-day Adventist Indian School ah sangkah hi. Amah pen sangnaupang makai khat hi. Hih sangah boarder zong om a, sangnaupang 28 bang boarder ah om uh hi. Nitak khat lum ding a kithawi laitakin a lawmte khat David in lupma lamsiau dingin hong phone hi. Amah zong manlang takin kithawi pahin pusuak khia hi. David pen Arizona gamhuam pan sang hong kah hi-in, nidang in migilo khat hi-in a nulepa in sang a kahsak uh hi
Nitak kha-taang ahih manin a nihun tawlkhat kiho lo-in lam hong siau uh hi. Tutna mun khat hong tung uh a, tawl khat sung hong kiho ho uh hi. David in Pierre kiangah dawi in hong hopih thei zel hi, ci-in gen hi. Tua bangin David in a gen ciangin Pierre in telzo lo hi. Dawite in ka sep nop loh a sem dingin hong sawl pahpah uh hi, ci-in David in pulaak hi. David in bang hang hi ding hiam ka thei zo kei hi. Nidang sangin suk zaw semsem hi, ci-in a pulaakteh Pierre in thungen ni, ci-in a nihun thungen khawm uh hi.
Pierre in Jesuh thei kha lo a, dawi bek thei ahih manin Jesuh tawh kipawl ding dawi-te in deih lo uh hi. Tua hangin dawite gilo tektek hi ding hi, ci-in kikum khawm uh hi. David in tua dawite tawh innkuan khat bangin a om na thu pulaak hi. A makaipi pa mu kha ngei lo hi. Biakinn kongkhak nuai-a lai-ip khat mu den a, tua lai-ip sungah a sep ding khempeuh kigelh hi. David in tua bangin gamta zel hi. Ahi zongin Pierre in hih pen pawlpi hi; Pasian thu um mite in innkuan khat hi. Pierre in Lai Siangtho a sim ciangin David lungsim ah Pasian in hong deih lo hi, ci-in David in ngaihsun kha zel hi. Nidang in David in zong mi that, Pasian in zong mithatna Lai Siangtho sungah tampi kigelh hi. Tua kithahnate hemkhia lehang, Lai Siangtho pen paan mahmah ding hi, ci-in David in pulaak hi.
Ahi zong Pierre in Pasian in mithatte zong it hi, ci-in gen hi. Dawite in hong hopih nawn lo-in, ka pumpi hong gimsak uh hi, ci-in Pierre in pulaak hi. Tua bang ciangin a David kam sung pan cilpuan kaai khia-in kaam thei lo hi.
Dawite’n hong zawh loh nadingin Lai Siangtho a sin i hi hi, ci-in Pierre in pulaak hi. Lai Siangtho kisinna munah Pasian vangliatna om a, dawite in bangmah sem thei lo uh hi. Thungetna in dawi nasepna khempeuh zo hi, ci-in Pierre in pulaak hi.
David in Jesuh sang maw, sang lo cih bel Pierre in thei lo hi. A zak nunung penah David in Phoenix ah pai-in migilote tawh kipawl kik cih khat za hi. Pierre in David kiangah Jesuh thu gen khin ahihteh a lungnuam lel hi.
Pierre in kum 24 khawng bek hi pan a, ahi zongin sangnaupang 65 val bang Pasian thu genpih hi.
Leitungbup tu quarter Sabbath 13 sumpi in Holbock SDA sanginn, hih sanginn in kum 72 bang upa khin a, innte zong kisia ahih manin puah nadingin kipuak ding hi. MUC in Mayaan pawlpi kipuak ding hi.
Mai Sababth in 13 Sabbath ahih manin sumpi khiat ngei a zah thum khia ciat ding hi hangh.
