June
2
Dongkholhsak
Laihawmna
Juanita
Setliff, 67
Juanita in a tom pen hi-in unau 7 pha
uh hi. Appalachian mualtungah tengin lo kho innkuan sung pan a khangkhia numei
khat hi. A neulai-in a nu in Sunday
Schol kah dingin tai 4 bang a gamlatna biakinn ah sawl pahpah hi. Phalbi
ciangin vuk tampi ahih manin pai nading lampi om lo hi. Tua-pi mah a nu in sawl
veve hi. Juanita-te unau pai nuam lo hi. Mite in mawtaw tawh hong pai uh, ko
unau khe tawh pai, ci-in biakinn pai nuam lo uh hi.
Juanita in Lai Siangtho mu ngei lo hi.
A nulepa in laisim thei lo ahih manun inn ah Lai Siangtho kikoih lo hi. Biakna
zong kin lo-in, kituiphum khit nakleh gupna ngah dingin lamen uh hi. Juanita’
pa in galkap lui khat hi-in, a galkapna panin liamna hangin galkap pan khawlin
lokho hi. A meltheih honkhat nasemsak a,
tua nasemte kam hoih lo zang uh hi.
A golteh Juanita in pasal nih vei nei
ngei khin khat hi. Zudawnin, kikholhpih hau hi. Tanu nih nei hi. A tanu in
kikhawm dingin a zot ciangin Juanita heh hi. Kikhawm dingin a tanu in a zot
ciangin, a nu in zan tawntung party nei-in zingsangteh biakinn ah kilawm cih
pen kineih vai hi, ci-in kikhawm nuam lo hi.
Ni khat laito panin laingah ding hon
khat ngah uh hi. Biakna tawh kisai laibu vive hi-in, Mangmuhna Thusinna-ah
sapna lai zong kihel hi. Juanita in ut lo pipi-in Mangmuhna Thusinnna-ah va
kihel hi. Kha Siangtho’ sawlna hi ding hi, ci-in a nungciangin phawk kik hi.
A thusinna mun uh in hall lianpi
kikhawm khat hi-in, Adventist thu-um mite in Saturday ni-in kikhawm cih pen a
zakcilna hi-in, lamdangsa-in midangte dong kawikawi hi. Bang hangin Saturday ni
kikhawm cih thei nuamin, tua thusinna-ah nitaak khat khit nitaak khat kikhawmin
thugen pa in Sabbath tawh kisai gen nai lo ahih manin Juanita in thungai dingin
nitak sial va pai den hi.
Kituiphum nai lo, Lai Siangtho zong
simngei lo ahih manin Pasian thukhenna a zak ciangin a dipkua mahmah hi. Tua
thusinna kha khat sung bang hong sawt khitteh, Juanita in Lai Siangtho sim
kipanin, a kigen thute a man mah hiam, ci-in Lai Siangtho tawh hong sittel hi.
Thuhilhsia pa in Sabbath thu zong hilh hi. Leitung piancil a kipan Sabbath a om
khinsa (Pian. 2: 2, 3), Moses tungah Thukhamin kipia kik (Pai. 20: 8-11), Jesuh
mahmah in zong Sabbath ni-in nasepna panin tawlnga hi, cihte hong thei toto hi.
Juanita in Sabbath thuman hong um thei hi. 2015 kumin Juanita in midang 15 tawh
kituiphum uh hi. Tua a kipan mite in Juanita nunzia kikhel hi, cih mu thei uh
hi. Tu-in Juanita in kum 67 cingkhin hi. Zudawn nawn lo, kamsia pau nawn lo,
gamtat hoih tawh nungta hi. Nidanga a lawmte tawh a kikholh ciangin zu dawn
ding ngaihsun zel hi. Tua bang ciangin zudawng thei mite tawh kikhawl nawn lo
hi.
West Virginia huam sungah SDA member
2303 om a, pawlpi 33 om hi. Leitungbup
tu quarter 13 Sabbath sumpi in West Virginia huam sunga pawlpite nasep nadingin
kipuak ding hi. MUC in Mayaan pawlpi ah kipuak ding hi.
