June
16
Vantung
Panin Laikhak
Clifford
Long, 61
Ni khat a lamet lohpi Clifford Long in
laikhak khat ngah hi. Tua laikhak in Lai Siangtho sinna-ah kihel dingin sapna
laikhak hi. Clifford in zong Lai Siangtho in Khrih Nihvei hong pai kik nading
thu, misi om zia, Sabbath cihte thei nuam ahih manin a min khak kik hi.
Clifford le a zi Cathy pen kikhawm mun
lo uh hi. Koi pawlpi in man pen ding hiam cih kikum thei zel uh hi. Pawlpi ciat in a man pen pawlpi bangin kigen
ciat uh hi. Khat in ko pawlpi man pen hi, ci hi. A dang khat in ko pawlpi mah
man pen hi, ci uh hi. A nasep kawmkawmin
Clifford in Lai Siangtho thu sinna hong nei hi. Zan hun sung nasem thei zel a, a lawmpa tawh
Lai Siangtho kikum zel uh hi.
Lai Siangtho sinna a man masak sak
khak kik zel, a sin ding khat khit khat hong tung zel hi. Clifford in Sabbath
thuman thei nuam semsem hi. Lai Siangtho in ni sagih Sabbath ni ci napi mi
tampi in bang hangin Sunday ni-in tawlnga-in biakna pia uh hi ding hiam cih pen
telzo lo hi.
Clifford in Lai Siangtho thuman sin toto-in
Pasian in ni sagih ni Sabbath ni-in tawlnga ding cih thupiak hong telthei
hi. Ahi zongin bang hangin mi tampi in
Sunday ni tawlnga uh hi ding hiam cih pen telzo lo hi. Tua bangin Lai Siangtho
sinna khat khit khat manto thei a, Discover, Amazing Facts le the Voice of
Prophecy Lai Siangtho sinna zo siang thei hi.
Cliffor nasepna company in 2015 kumin
nasep khol ahih manin amah a kipan nasem khempeuh in nasep nei lo uh hi.
Hih munah a sep zawh kum 27 cing ahih manin pension kipia hi. A nasep khol ahih
manin Saturday ni nasep kuan nawn lo ahih manin hoih takin Sabbath tawlnga thei
hi.
Hun khat ciangin Delsie Knicely in
Clifford le a zi Cathy kiangah Lai Siangtho thuman na dot nop bang bang
kidongin Lai Siangtho sinna nei khawm uh hi. Delsie zong Clifford innah va hawh
thei hi.
2015 kum October kha-in Bluefield
khua, Valley View Adventist biakinn ah
Pasian thugenna khat om a, Clifford le a zi zong thungai-in hong kikhawm uh hi.
Roman Catholic pawlpi in Saturday Sabbath panin Sunday ah a laihna thute uh
hong thei uh hi. Khristian tampi in a theihloh manun Sunday ni pen Sabbath
mahsa uh hi. Pasian thupiak palsat ahih lam uh kiphawk lo uh hi. Hih Pasian
thugenna hun sungin Cathy in a nak damlohna khat hangin ki-at kul hi, ci-in
siavuante gen a, Cathy in thugen man khitteh ki-at dingin ngen hi. Bang hang
hiam cihleh ni khat beek thungaih peel nuam lo hi.
Thungai mi pen 25 kim bang pha den uh
hi. Tua bangin thugenna a man khit uhteh Clifford le Cathy kituiphum uh hi.
2015 kum sungin West Virginia huam sungah Pasian thugenna mun 35 val ah kinei
hi. Clifford in tu-in kum 61 pha hi. Lai Siangtho thuman a theihte tawh lungdam
hi.
Leitungbup tu quarter Sabbath 13 sumpi
in West Virginia huam sungah Lai Siangtho sinna tawh kisai huhna dingin kipuak
ding hi. MUC in Mayaan ah kipuak ding hi.
