APRIL 14
Gualnopna
Lam Innpi Sanginnin Kizang
Nojab
Lemari, 66
1980 kumin Ebeye tuikulhah SDA in US kumpi
zato khat tawh nasep a kipanin tua tuikulhah SDA thu-um mi nai lo hi. Tua hun
lai-in hih tuikulhah mi 12000 val bang om hi. Hih tuikulh in US gam uk sung a
om Micronesia in huamkha hi. Hih
tuikulhah zato ah nasem in ka om hi. Ka pasal Rellong in Ebeye tuikulhah palik
bu khat hi.
Adventist pawlpi in zato makai, siavuan,
siamah kaikhawmin kum 4 sung kumpi tung pan zato nasep ngah hi. Siamah makaipi
a lut thak Jerry Whitland in a inn ah va hawh dingin ka nupa un hong sam hi.
Nitak sim phial ka hawh uh a, Lai Siangtho ka sinkhawm uh hi. Tua bangin amah
zong ko inn ah hong hawh thei zelzel hi.
Tua hun lai-in ka sanggam Tommy Kilma in
Adventist pastor hi-in, amah le Guam panin makai pawl khat hong pai uh hi. Tua
bangin kimuhkhopna panin Adventist biakinn khat le sanginn khat hon ding ka
khensat uh hi. Ka pasal in khua sung upa khat tawh kiho uh a, inn khat sanginn
dingin zat ding ka thukim uh hi. Tua inn pen gualnopna aa kizang lam-inn a
kizang, kipuahna inn khat hi. Ahi zongin
ka pasal in tua inn zat ding thukim hi. Lai Siangtho sinna inn a ka zat uh hangin,
ka lungsim khat uh nuam lo hi.
1980 kum ciangin Tan lang pan Tan 4 ciang
sang kihong hil Ka tapa upa pen R.D. in
Tan Lang sangnaupang masa pen hi. Lai
Siangtho sinin kum 3 sung bang hong sawtto hi.Khat vei vei ciangin siamahpi nu
makai-in, zato sia makaite cih bangin khat khit khat kikhel in, Lai Siangtho
sinna ka makaih uh hi.
Sunday thu-um innkuan sung panin a
khangkhia ka hih manin hamsatna ka thuak zel hi. Pastor pa in Namu cihte
ah khual a zin ciangin ka pa in pawlpi
makaih hi. Ka pasal tawh Lai Siangtho thuman ka theih khit nung uhah, 1983
kumin SDA pawlpi-ah tui ka kiphum uh hi. Ebeye tuikulhah SDA tui kiphum masa
pen ka hi uh hi.
Ka pa in SDA ah ka om uh deih lo hi.
Kituiphum zawh kum khat ciangin ka pa-te kiang ka hawh uh hi. Ka pa in kikhawmna
pan hong ciahin a puante ka sawpsak hi. Ka pa in bang hangin puansawp na hiam,
ci-in hong dong hi. Mikangte tawh kitengin Sunday ni-in nasem, ci-in ka pa in
hong awi lo hi.
Lai Siangtho sungah Ni masa ni-in Khrih in
sihna pan tho hi. Tua in kaal khat sungah ni masa ni hi, ci-in ka pa ka gen hi
(Matt. 28:1) Luke 23: 54 sungah Khrih’ sih ni in Kigin ni, ni nga ni hi, cihte
ka pa ka gen hi. Tua khit a kipan ka pa in Sabbath tawh kisai bang mah hong
paupih nawn lo hi. Ka pa in Sabbath thuman thei hi, ci-in ka ngaihsun hi.
Ebeye tuikulh in 1986 kumin suahtakna ngah
hi. 1987 kum ciangin nidang a ka omna ngei inn khatah kituahin sanginn a kizang
hi. Tua hun in sanglai-te zong kikhanto thei a, ka tapa in Plus Two ciang hong
zo thei hi.
Ka maitaii den hi.Mite zong ka lungnopna
hong thei uh hi. Hamsatna ka thuak zel a, ahi zongin Pasian in suahtakna lampi
hong honsak hi.
1987 kumin Nojab’ pasal in tuap sung natna khat nei-in
Hawaii ah a manlang theithei-in vanleng tawh pai kul hi. Siavuante muhna-ah a
dam mawk diam cih hong himawhpih uh hi.
Pasian in thungetna hong dawng ahih manin ni 5 sung zato lup khitteh
cidam takin inn ciah kik thei hi ung. 2017 kumin, kum 67 a phakin Nojab’ pasal
in hong nusia hi.
Kum
66 ka cin ciangin ka nasepna zato panin ka khawl hi. Tu-in Ebeye tuikulh a om
Adventist zato ah ka hih bangbangin na ka sem hi.
Tu quarter Sabbath 13 leitung bup sumpi in
Ebeye tuikulh a Adventist zato ah kipuak ding hi. MUC in Mayaan, Kachin ah
kipuak ding hi. Mayaan ah biakinn thak apna kinei khin hi.
