MUC

Print Friendly and PDF

Sunday, March 18, 2018

LESSON 5 April 28 – May 4 Vantung Biakbukah Khrih



LESSON 5 April 28 – May 4
Vantung Biakbukah Khrih

Sabbath Nitak: Tu Kaal Sung Sim Ding: Rom. 8: 3; John 1: 29; Mang. 5: 12; Heb. 7: 1-28; 9: 11- 15, 20 – 23. Siam. 16:13

KAMNGAH: “Hih thu hangin Pasian in a lianpenin amah koih a, min lian dang khempeuh sangin a min lianzaw-in a koih hi. Tua ahih manin vantung, leitung, leinuai-a om mi khempeuh in Jesuh pahtawi-in khukdin ding uh hi” (Phillipian 2: 9, 10).

     Vantung biakbukah Jesuh nasep tawh kisai-in Hebrew sungah “Tua lai munah eite’ tangin Jesuh na ma tun khinta a, siampi Melkhizedek gui zui-in a om tawntung ding siampi lianpen a suak hi” (Heb. 6: 20). Khrih in leitungah hotkhiat nasep a zawh khitteh, vantung biakbukah eite’ Siampi-in a om a nasep khempeuh Lai Siangtho in hong hilh hi (Heb. 10:12).
     Tu kaal sungin vantung biakbukah Khrih’nasep thute i kikum ding hi. Ei aa ding mawhthuumna nei-in, Khrih’ Siampi nasep in hun nunung a ding kiginkholhna-ah a kisam thu hi. “Pasian mite in biakbuk le dawpkholh, sittel thukhenna theihloh pelmawh thu hi. Thu-um mi khempeuh in Siampi Lianpen Pa’ nasep a theihkul hi. Tua bang  hi kei leh upna thanem ding a, Pasian’ hong piak nasep tangtung zo lo ding uh hi.” Ellen G. White, The Great Controvery, 488.
     Khrih in vantung biakbukah bang nasem hiam?  Bang hangin tua thu in hun nunung a nungta mite aa dingin thupi hiam?


SUNDAY        April 29
A LIAN PEN SIHNA
   
    Khrih hong sihna in hun nunung aa dingin hong kigingkholsak hi. A hong tung ding thute lametna in mannei hi. Kalvary’ thu le tawntung nunna tawh i nungta takpi ding hi. Hih thu in Khrih in eite aa ding a hong sihna in hong phawksak hi.
    Rom. 8:3; 1Tim. 1:17; 6:16; 1Kor. 15: 53. Bang hangin Pasian in a Tapa leitungah hong paisak hiam?
____________________________________________________________    ___________________________________________________________

    Pasian in a Tapa mawhna hangin biakpiakna ding, mawhna thuak dingin hong paisak hi.  Hih in bang pulaak hiam? A si thei lo Khrih hi. Tua ahih manin Topa in mihing a suah kul hi. Si thei nunna tawh hong nungta-in eite tawntung sihna tangin amah hong si hi. Jesuh in Pasian hi napi mihingin hong nungta hi. Singlamteh tungah sihna a thuak dongin hong kiniamkhiat hi (Phil. 2:6-8). Singlamteh tungah Khrih’ Pasian ahihna si lo hi. Hih thu Pasian bek in thei hi. Koici bang hi, cih pen mihing telzawh ding hi lo hi. Mary sungah kha 9 sung a kipan hankhuk sung hi taleh Jesuh in mihing a hihna huh dingin vangliatna bangmah in huh lo hi; Pasian ahihna zang lo hi.
    Lk. 9:22 in eite aa dingin Khrih’ sihna thu bang pulaak hiam?  _________________________________________________________________ ___________________________________________________________________

    Khrih in a si dingin mihingin hong piang hi. Khrih in hih leitungah mihingin a hong pai-ma-in leitungah simmawhna, satna, vuakna sihna thuak ding cih pen a muhkholhsa hi mah taleh leitungah mihingin hong nungta hi. Tua itna in tehpih om lo hi. Cihmahin zong tua itna i telsiang zo kei ding hi.
    Tua itna hangin upna tawh Topa bia-in, Ama thu mang ding simloh bang dang sem thei ding na hiam?

    A hong kihotkhiatna dingin Singlamteh in mihing’ hoihna man a neihlohzia bang hong hilh hiam?

MONDAY             April 30
Pasian’ Tuuno

     John 1:29; Mang. 5: 12; 13:8 simin.  Hotkhiatna thu i tel nadingin limciinna bang kizang hiam?
     ________________________________________________________________
  _________________________________________________________________

     Jesuh in Pasian’ Tuuno hi, ci-in John in a pulaak takteh a lungsimah biakbuk ngaihsun ding hi. Mawhmai nadingin biakbuk sungah kigo tuuno’ limciin, Khrih in tangtung hi, cih pulaak hi. Matthew pan John sungah zong leitung mawhna pua Jesuh hi, ci-in hong hilh hi. Ahi zongin hotkhiat nasep tua tawh khawl lo hi. Jesuh si-in sihna pan a thawhkik khit ciangin, Hebrew sungah kigelh mah bangin, vantung biakbuk sungah mawhmai-sak nasem Khrih in Siampi-in om hi. Sihna pan a thawh khit Jesuh in Siampi Lian ahihna Hebrew Bu in pulaak hi (Heb. 1:3). Vantung biakbukah a nasepte Hebrew 7: 1-28 in hong hilh hi.
     Heb. 7: 1-28 sim in. Hebrew laigelh pa  in Jesuh thu bang pulaak hiam?
     __________________________________________________________
     __________________________________________________________

     Hebrews 7 in a gen thute in tampi huamkha-in thuthuk vive hi mah taleh Jesuh Khrih in leitung biakbuk sunga nasem Aaron le a suanlekhakte sangin hoih zaw hi, ci-in pulaak hi. Jesuh i mitsuan laiteng vantung biakbuk sunga eite Siampi mitsuan i hi hi.


Tuesday       May 1
EITE SIAMPI LIANBEL

     Heb. 7: 24 – 27; 8: 6 sim in.  Bang lametna kipulaak hiam?
______________________________________________________________     _______________________________________________________________

     Siampi tuamtuamte sep theihloh khempeuh Khrih in sem hi. Bang hang hiam cihleh Khrih in kicinna tawh kidim hi. Khrih in Pasian hi.  Mawhmai-sak theihna nei hi. A siampi hihna kip tawntung hi. A mite aa ding mawh thuumna nei-sakin, itna tawh kidim, cinate damsakin, cimawhte lungmuangsak hi. Khrih in mihing hi mah taleh mawhna nei lo hi. Mi mawh hi ta kei leh mawhna sungah hong si hi. Mihingin hong piang Pasian bek mah in mawhnei-te aa dingin vantung biakbukah Siampi sem thei hi. Khat vei a hong sihna in mi khempeuh mawhmai nadingin kicing hi. A taktakin singlamteh tunga mi khat sihna hangin koi bangin mi khempeuh mawhmai nadingin kicing hiam?
     Heb.9: 11 – 15 sim in. Khrih hong si-in tu-in vantung biakbukah a nasep tungtawnin bang hong ngahsak hiam?
______________________________________________________________     ______________________________________________________________
    
     Heb. 9: 12 in “ Khrih in tawntung hotkhiatna ngah” ci-in kipulaak hi. Greek tawh kigelhnate ah ‘khahkhia,’ ‘suahtakna, kici hi. Luke 1:68 a kigelh kammal tawh kibang hi. Zacharias in  “ Pasian in a mite kiang hong pai-in amaute honkhia hi.” Hih in Khrih’ sisan pulaak hi. Hotkhiatna dingin a kicing tua sisan bek hi. Khrih in biakpiakna-in kigo Tuuno hi. Amah le amah kihon hi lo-in eite hong hon ahih manin, tua in lungdamna lianpi hi. Tua hotkhiatna in Khrih a um mi khempeuh aa dingin kicing hi; a dang bangmah kisam lo hi.
    
     Khrih in Vantung biakbuk ah Siampi sem dingin a kipat a kipan “ eite aa dingin  Khrih in tawntung hotkhiatna ngah” cih thu ngaihsun in. Vantung biakbuk a Khrih’ nasep in lametna bang hong pia hiam?


Wednesday           May 2
I PALAI

     Mawhna in Pasian tawh hong kikhensak hangin mawhna hangin Khrih’ hong sihna hangin Pasian tawh i kipawl thei kik hi.  Eph. 2: 18; 1Pet. 3: 18.
     “I lungsim hong kipsak dingin tu-a bang lametna nei i hi hi. Tua i lametna kician mahmah a, vantung biakinn siangtho tawngnung sung ciang dong tung khinta hi. Tua lai munah eite’ tangin Jesuh na ma tun khinta a, siampi Melkhizedek gui zui-in a om tawntung ding siampi lianpen a suak hi” Heb. 6: 19, 20. Khrih in eite aa ding bang sem hiam?     _______________________________________________________________    ________________________________________________________________

     Heb. 9: 24 sim in. Khrih’ nasep sungah bang teng kihel hiam?  _________________________________________________________________
     _______________________________________________________________

     Jesuh in eite aa dingin vantung biakbuk Pasian’ omna munah PALAI hi. Pa Pasian mai-ah Jesuh in Ama sihna tawh ‘tawntung hotkhiatna eite aitangin hong ngaksak hi. Jesuh i up a kipan i mawhnate hong maisakin Pasian’ mai-ah mawhnei lo, mi siangtho i hi hi. Zawhna kamciam hong kipia mah taleh i khial kha zel hi. I mawh khak ciangin vantung Siampi Lian pen Jesuh in ei aa ding mawh thuumna hong neihsak hi. Jesuh in mihing’ gamtat hoih (mihing in hoihna khat beek nei lo) siksan hi lo-in, Ama siangtho-na siksanin eite tangin Pa Pasian’ mai-ah mawhmai ding va thuum hi. “Tua hi-in, mite a’dingin a thumsak thei dingin amah nungta tawntung ahih manin ama tungtawnin Pasian kiang a zuante khempeuh, tu a kipan a tawntungin a honkhia thei ahi hi” (Heb. 7: 25).
    
     A suakkik Khristian khat in a tawntungin Khrih’ hehpihna le itna kisam a hihlam a phawk lo a om diam? Khrih sungah nunna thak tawh a nungta mi khat in nisimin mawhmai-na, siantho-na a kisapna phawk hi lo hiam? Tua ahih manin eite Siampi Lianpen Jesuh in bang zahin manpha hiam?


Thursday        May 3
Mawhsuutpi Ni (Day of Atonement)

     Moses hun a biakbuk in vantung biakbuk limcing hi. Khrih in eite Siampi Lian dingin vantung biakbuk siangtho bel sungah va lut hi. Leitung biakbuk in siangtho mun le siangtho bel mun nei-in, tua sung a biakpiakna khempeuh in vantung biakbuk sunga kisem khempeuh hong hilh hi “Leitung a siampite’ septe in vantungah a om thu-in a sem uh ahi hi. Bang hang hiam cihleh Moses in Puanbuk lam ding a kipat ciangin Pasian in, “Mual tungah i om lai-in a lim ding khempeuh kong lah bang teekteekin a kihih nadingin na thei in,” ci hi” (Heb. 8:5). Moses Puanbuk in Siangtho mun le Siangtho bel mun a neih mah bangin vantung biakbuk in zong Siangtho mun le Siangtho bel  nei hi. Kum khatin khat vei Mawhsuutpi Ni-in siampi pa in Moses puanbuk siangtho bel munah mi honpi aitangin kisiansuahna nei dingin a va lut mah bangin (Siam. 16: 12 – 14).

     Heb. 9: 20 – 23 sim in. Bang nate kisiansuah hiam? Bang hangin Mawhsuutpi Ni in Khrih’ nasep pulaak hiam?
     _______________________________________________________________
     Vantung biakbuk “siansuah” cih kammal tawh kisai-in Lai Siangtho siam tampi in muhzia tuamtek nei ciat uh hi. Ahi zongin hih kammal in “Mawhsutpi Ni” gen hi, ci-in thei lehang bang mah buai nading om lo hi. Moses biakbuk Siangtho bel munah kum khatin khat vei, Mawhsutpi Ni-in biakbuk kisiansuah in vantung biakbuk siansuah limcingkhol hi, ci-in Heb. 9: 23 ah kimu thei hi. Leitung biakbuk a nasem siampi in vantung biakbuk a Khrih’ nasep pulaak khol hi. Khrih in sihna pan tho-in van a kah khit phetin vantung biakbuk siangtho bel munah lut hi, cih theih nading Lai Siangtho sungah kimu lo hi. Daniel sung a genkholhna a om bangin AD 1844 kumin vantung biakbuk siangtho bel mun kisiansuah – Khrih in siangtho bel munah lut hi, ci-in i thei hi. Tua hi-in tu laitakin bang hunah om i hiam, cih kitel mahmah hi. Khrih in eite aa ding a sep khit nate, tu laitakin vantung siangtho bel munah a sep nate hangin lungmuanna i nei thei hi.

     Vantungmi masa in “Pasian kihta unla, a vangliatna phat un. Bang hang hiam cihleh a thukhen hun hong tung zo hi,” ci-in tangko hi (Mang. 14: 7).  Thukhenna in hun bei ding nai-na hong hilh hi. Koi bangin hih thu in i nunzia hong huzaap kul hiam?

Friday             May 4
Ngaihsutbeh Ding: Leitung biakbuk sung a biakpiaknate in Khrih in leitungah a sep dingte banah vantung Siampi nasem ding hong hilh khol hi. Hih thu Hebrew Bu in hong hilh hi. Israel mite’ zat biakbuk in lungdamna thu pulaak hi. Biakbuk in hotkhiatna, mawh thumsakna, thukhenna, mawhna bei siang nading thu cihte Jew mite tungah pulaak hi.  Daniel Bu in vantung biakbuk a Khrih’ nasepte le hun nunung a piang ding thu-te kicingin hong hilh hi. “Siansuahna, thukhenna, mawhna thukhenna cihte siksanin Mawhsutpi Ni in leitung hun bei ding tawh kizom ahihna thu hong hilh hi. Mawhsutpi Ni-a biakbuk siansuahna in vantung biakbuk siansuahna, Messiah in kumpi le siampi ahihna pulaak hi. Daniel in a mangmuhna-ah hun tawh kisai kihel a, Messiah in bang hunin siansuah nasep zo ding a, thukhen kipat hun vantung Pasian in thuman mite thaman a piak hun ding cihte pulaak hi.” Handbook of Seventh-day Adventist Theology (Hagerstown, Md: Review & Herald Publishing, 2000), 394.

Kikup Ding Dotnate

1.  Ellen G. White’ pulaak thute ngaihsun in. “Nidang hun mite in upna        siksanin ganhing tawh biakpiakna nei uh hi. Biakbuk siansuah dingin siangtho mun pan siangtho bel munah ganhing’ sisan kitheh hi. Hihte khempeuh in vantung biakbuk a Khrih’ nasep limcing hi. Mawhna kiciaptehna siansuah dingin Khrih in siangtho bel munah vat lutin mawhna thukhenna nei hi. Mawhna kisik maw, Khrih upna nei maw, cihte Khrih in sittel masa phot hi.” The Great Controversy, 421. Hih thu in mawhmai nading kisam thu nih bang pulaak hiam? Bang hangin hun nunung a mite in tua thute a theih ding thupi hiam?

2.  Siam. 16: 15, 16 sim in. Sisan in bang thupitna nei hiam? Sisan inbang limcing hiam? Bang hangin Mawhsutpi Ni le tu hunin sisan in bang pulaak hiam?

To get the latest update of me and my works

>> <<