LESSON 3 April 14 – 20
JESUH LE MANGMUHNA BU
TU KAAL SUNG SIM DING: 1Kor.
10: 1-11; Mang. 12: 1-17; 19: 11- 15; 11: 19; 1: 10-18; Eph. 1:20.
KAMNGAH: “Keimah
zong gualzo-in ka Pa’ tokhomah ka tutkhawm uh mah bangin a gualzote khempeuh
zong kei tawh ka tokhom tungah hong tutkhawm theih nadingun thu ka pia ding
hi.” Mang. 3: 21.
Thuciam Thak in Thuciam Lui tawh kizom mahmah hi. Gospel
Thubu-te le Laikhakte in zong Thuciam Lui tawh kizom uh hi. Jesuh mahmah in
zong a thuhilhnate-ah “Lai Siangtho” a tangtunna ci-in tam veipi pulaak hi lo
hiam? (Matt. 26: 54, 56; Mk. 14: 49; John 13:18; 17:12). Tua bang mahin
Mangmuhna Thubu zong Thuciam Lui lo-in, a diakdiakin Daniel lo-in khiatna nei
lo hi. Tua hangin Daniel le Mangmuhna kisin khawm hi. Mangmuhna sunga Thuciam
Lui siksan khempeuh in Jesuh pulaak hi. Mangmuhna Thubu in Jesuh’ thu hi. Amah
in kua hi-a, a mite aa dingin a nasep
khempeuh a kipan nununga a sep ding thute zong pulaak hi. Hun nununga thupiangte in Jesuh siksan hi.
Tua bang mahin Mangmuhna Thubu in Jesuh siksan hi.
SUNDAY April 15
Mangmuhna Thubu Luanzia
Daniel le Mangmuhna kibatna tampite lak pan a tangtung khin
genkholhnate le a hong tung lai ding thute ci-in khennihin kimu thei hi. Hih
thu nihte in Daniel le Mangmuhna kizopna pulaak hi. Gam khat a thupiang hi
taleh leitung huam a piang hi taleh Thuciam Lui sunga thupiangte siksanin
mailamah a hong pai lai ding thute kimu thei hi. Daniel le Mangmuhna banah Lai
Siangtho dangte in zong hih thu pulaak hi.
1Kor. 10: 1-11 sim
in. Genkholhna bang pulaak hiam?
______________________________________________________
___________________________________________________________________
Mun khat gam khat a
thupiang in Mangmuhna sunga kigen leitung huam a thupiang ding pulaak hi (Dan.
3: 6, 15, 27; 6:6 -9, 21, 22). A piang khin thute ngaihsun lehang hun nunung a
Pasian’ mite phutkhak ding thute kimu thei hi. Gimna thuakin, Pasian’ mite
tungah bang bang piang taleh a tawpkhakna-ah nopna ngah ding uh hi. Mangmuhna
Thubu in Topa tungah a citak mite’n zawhna ngah ding hi, ci-in hong hilh hi.
Bang hangin Mang.
1-11 sunga thu a tam zaw a piang khinsa thu hi-in, Mang. 13-22 sung a thute in
hun nunung a piang ding thute hi, ci thei i hiam?
_________________________________________________________
________________________________________________________________
Mangmuhna sungah Satan
in vantung panin a kihawlkhiatna thu (Mang. 12: 7 -9), Satan in naungek Jesuh a
do-na thu (Mang. 12:4), Satan in a khang
a khang om pawlpi a bawlsiatna (Mang. 12: 14 – 16) cihte a kipan hun nununga a
cianlai pawlpi a langdo-in a bawlsia ding cihte kigelh hi .
Mihing in a beisa
thu-te panin pilna nei hi napi nei thei tuan lo hi. A khialh ngei mah khial kha
kik veve hi. Khialhkhak ngei thute
hangin koi bangin khial kik kik lo-in mainawt ding na hiam?
MONDAY April 16
Jesuh hong lak limciinnate
Koi bangin a nuai-a
thute in a beisa hun a Jesuh nasep, tu laitakin a septe le mailamah a sep
dingte pulaak hiam?
Mang. 1:5 ______________________________________________
Mang. 1: 18 _____________________________________________
Mang. 5:8 ______________________________________________
Mang. 19: 11- 15 _________________________________________
Mang. 21: 6______________________________________________
Jesuh le a nasep tampite
lak pan pawl khat a gen i hi hi. Jesuh in Tuuno hi. Tua in a hong pai masakin
eite mawhna hangin Amah le amah a hong kipiakna kawk hi. “Note na siangtho
theih nadingun mawhna silngo luite na paikhia un. Tua hileh silngo sawh loh
annel lom thak na hi ding uh a, zong ahi takpi mah na hi uh hi. Bang hang hiam
cihleh i Paisan Pawi hun honng tungta a, eite’ Paisan Tuuno ahi Khrih kigo
khinzo ta hi” (1Kor. 5:7). Amah in si ngei hi. Ahi zongin “tu-in a nungta
tawntung ka hi hi” ci hi (Mang. 1:18).
Tua hi-in Khrih in sihna thuakin, a nithum ni-in sihna panin hingkik hi
(Lk. 24: 46). Mangmuhna 19: 11- 15 sungah Jesuh in leitung thukhen dingin
vangliatna tawh hong pai kik ding hi,
ci-in pulaak hi. “A Pa’ minthanna vang le a vantung mite tawh Mihing Tapa hong
paikik ding a, mi khempeuh amau’gamtatna ciat tawh a kizui-in a thuk ding hi”
(Mang. 16: 27).
Koi bangin nisim i
nuntakna-ah Jesuh hong sihna, sihna pan a thawhkikna le a hong pai kik ding cih
thute in nunna bulpi hi sakin, tua thute siksanin gamtat zia le tong hoih nei
ding khensat thei ding i hiam?
TUESDAY April 17
Mangmuhna Bu Sunga Biakbuk Thuguipi
Mangmuhna Bu sungah thu
guipi nihte banah Hebrew biakbuk thu sung thuguipi khatin kihel hi. Mangmuhna
Bu sung khempeuhah biakbuk thu kipulaak hi. Moses in biakbuk akilamlai-in
biakbuk tualah meihalna tau kikoih hi. Tua tau tungah biakpiak nading ganhingte
kigo hi. A kigo ganhingte in Khrih hong sih ding limcing hi. Siangtho muna lut
siampi in, Jesuh in sihna pan a thawh khit vanah kahto-in siangtho munah a
lutna thu limcing hi. Tua banah Mangmuhna
Bu sungah meivak kimkotin kileh kawikawi Jesuh limcing hi (Mang.1: 13).
Mang. 4: 1, 2 sim in.
Kongkhak kihong in bang limcing hiam?
Tua kongkhak in koi ah om hiam? Sawl. 2: 33; 5: 31; Eph. 1:20; Heb. 10:
12, 13; Late 110:1; Mang. 12:5.
________________________________________________________
________________________________________________________________
Khrih in van a kahkhit
teh vantung biakbuk siangtho mun kongkhak hongin lutsuak hi. Mangmuhna Bu in
Khrih a pulaak masak pen in leitung biakbuk siangtho muna om meivakte mai-ah
ding hi, ci-in kiciamteh hi (Mang. 1: 10 – 18).
Mang. 11: 19 sim in.
Vantung biakbuk kihong cih thu in bang thupitna nei hiam? John in tua biakbuk
sungah Topa Thuciam Singkuang mu hi. Hih Thuciam Singkuang in leitung biakbuk
dei nihna sungah kikoih hi (Siam. 16: 12 – 14)
__________________________________________________________
___________________________________________________________________
Vantung biakbukah
Thuciam Singkuang in vantung biakbuk dei nihna, siangtho bel mun tawh kiptak
kizopna nei hi. Mangmuhna in Jesuh in vantunga biakbuk dei nihte sunga a nasep
a pulaak mawk mawk hi lo-in leitung biakbuk in vantung biakbuk tawh kizopna nei
hi, cih pulaak hi. A hong tung ding gimnate le hun nunungah hamsatna hong tung
ding hi mah taleh Topa a dawn ding mite sungah Topa Pasian in lungmuanna guan
hi, cih thu zong hong hilh hi. Pasian in a mite tawh kizopna kip nei hi, cih
thu leitung biakbuk le vantung biakbuk kizopna panin kimu thei hi.” Ellen G.
White, My Life Today, 307.
Wednesday April 18
Mangmuhna Sunga Jesuh: Khen Masa
Mangmuhna Bu a pat pan a
tawp dongin Jesuh Khrih pulaak hi. Tua hang mahin a thupatna mahmah in zong
“Jesuh Khrih kipulaakna” ci-in kigelh masa hi (Apocalypsis Iesou
Christou). A khiatna in Jesuh Khrih
kiang pan hong paikhia thu” a hih kei leh Jesuh Khrih tawh kisai thute cihna hi
(Mang. 1:2). Mangmuhna Bu in telhak hi,
ci-in mi tampi-in sim dingin ngaihsun lo hi. Thu-um mite sim dingin hong kipia
lo hi leh bang hangin Pasian in Lai Siangtho Bu sungah koih ding hiam?
Mang. 1: 1-8 sim in.
Jesuh thu bang pulaak hiam?
__________________________________________________________
_________________________________________________________________
Jesuh in leitung kumpite tungah ukna nei hi, ci-in hong hilh masa
hi (Mang. 1: 5). Mangmuhna Bu tawpna-ah Jesuh in kumpite’ Kumpi hi, ci-in
kipulaak kik hi (Mang. 19:16). Leitung in hingimna, lungzinna tawh kidim taleh
itna tawh kidim Topa le Honpa in na khempeuh uk hi, ci-in lungmuanna i nei hi.
Hih in lungdamna thu lianpi hi. Khrih in Honpa hi (Mang. 1:5). “ Topa Jesuh in
hong itin, Ama sisan tawh i mawhnate hong maisak hi I Mawhnate hong maisak bek
hi lo-in hong siangthosak hi (1Kor. 6: 11).
Hotkhiatna sungah a lungmuang ding i hi hi. Bang hang hiam cihleh mawhna
pan hong siangsak Jesuh Khrih hi. Mihing in amah le amahin mawhna panin a siang
thei kei hi.
Mang. 1: 7 sim in.
Jesuh Khrih thu bang hong hilh hiam?
__________________________________________________________
____________________________________________________________________
Khrih in meitung tuangin
hong pai kik ding hi, cih kamciam in Khristian upna-gil hi. Jesuh hong pai takpi ding hi. A hong pai
ciangin mi khempeuh in mu ding hi. Tua hun ciangin natna, sihna, buai-na
khempeuh bei ding a, tawntung nopna kamciam tangtungta ding hi.
Mang. 1:8 in Jesuh
thu bang hong hilh hiam? Gimna sung pan lametna bang pulaak hiam?
Thursday April 19
Mangmuhna Sunga Jesuh: Khen Nihna
Mang. 1: 10- 18 sim
in. Jesuh in Ama thu bang pulaak hiam?
______________________________________________________________
_________________________________________________________________
Jesuh in biakbuk siangtho
munah ding hi. Jesuh’ vangliatna hangin Johan in Jesuh’ khephungah lau-in kun
hi. Jesuh in John tungah lungnopna pia thei “lau kei in,” cih kammal pulaak hi.
Amah in a om tawntung Pasian ahihna Omega le Alpha, Patna le Nunung Pen ahihna
zong pulaak hi. Tua nungah Ama sihna le sihna pan a thawhkikna hangin lametna
thu zong hilh hi. Jesuh in sihna le hell zawhna vangliatna nei hi. Hih thu mah
Martha’ sanggampa a sihna Jesuh in, “ Keimah in a sisa mite thosakin a hingsak
thei pa ka hi hi. Kei hong um mi peuhmah a sih hangin nungta ding hi. A nungta
a kei hong um mite si ngei nawn lo ding hi. Hih thu na um hiam” ci-in pulaak hi
(John 11: 25, 26).
Jesuh in Martha tungah
sihna pan thawhkikna thu pulaak khin a, tu-in John tungah pulaak kik hi. Sihna
pan thawhkikna in Christian upna bulpi pen hi. Tua lametna om kei leh bang
lametna takcing om ding hiam?
Mang. 22: 7, 12, 13
sim in. Jesuh thu bang pulaak uh hiam?
______________________________________________________________
________________________________________________________________
Piancil Bu pan Mangmuhna
Bu in Khrih in Alpha le Omega hi, ci-in pulaak hi. Adam Nihna in Pasian’ thu
mang ahih manin Adam le Pasian in kizopna nei thei hi. Adam Nihna in
Satan’ze-etna khempeuh zo-in Adam’ mawhna, siatna panin honkhia hi.” Ellen G.
White Comment, The SDA Bible Commentary, vol. 6., 1092. Hi mah hi, Jesuh in na
khempeuh kipatna le na khempeuh Ama khut sung hi. A cilin eite a kipan na
khempeuh piangsak a, hun tawp ni ciangin a thakin hong bawlpha kik ding hi. Na
khempeuh a kipat a kipan a bei hun ding a hong hilh tampi a om mah bangin hun
bei ding a thupiangte zong hong hilh hi. Mangmuhna Bu in Jesuh Khrih a hong
kilakna Thubu hi (Apocalypsis Iesou Christou). Hun bei ding a piang thu
khempeuh in Jesuh Khrih bulphuh ahihlam phawk ding kisam hi.
Bangci bangin nisimin
Jesuh Khrih mitsuanin nungta na hiam?
FRIDAY April 20
Ngaihsutbeh Ding: Mangmuhna Bu in Pasian
thuthukte pulaak hi. “A kilaak Thute” (Mangmuhna) cih kammal in Mangmuhna Bu
sunga thute khakcip (sealed) cih thu tawh kituak lo hi. Mangmuhna in a pulaak
khiat thu om hi. Topa mah mah in Ama sila pa tungah thuthukte pulaak hi. Tua
thuthukte mi khempeuh in a theih uh kisam hi. Tua thute in John hun sunga mite
le hun nunung a nungta mite tungah kipulaak thu hi. Genkholhnate a tangtung
khin om a, kimkhat in tu laitakin hong
tungtung a, mailamah a tangtung lai ding zong om hi. Tua hun ciangin ‘khuamial
ukpa’ le Vantung Kumpi Kido-na bei ding a, tatsa mi khempeuh in leitung thakah
nopsakna tawh nungta tawntung ding uh hi.” Ellen G. White, The Acts of the
Apostles, 584.
Mangmuhna Bu kipatna le
a tawpna thute in Jesuh Khrih thu hi-in, Mangmuhna Bu in Thuciam Lui siksanin a
kipulaak hi-in i Topa Jesuh thu mah pulaak hi (Mang. 3: 14; 5:5, 6; 7: 14; 19:
11- 16). Mangmuhna Bu in, Jesuh a vangliatna, Amah a zui a um mite tungah Topa
ahihna thu hong hilh hi.
Kikup Ding Dotnate
1. Thuciam Lui siksanin
Thuciam Thak’ pulaak thute in banghong hilh hiam? Thu upna khempeuh Lai
Siangtho bek mah siksanin, Pasian Kammal thupi takin ngaihsut ding hi lo hiam?
Koi bangin mimal a hi, pawlpi in hi taleh, Lai Siangtho Pasian Kammal awlmawh
lohna, kin lohna dal ding hiam?
2. Mangmuhna Bu a paipi-in
sim inla Jesuh thu a pulaakna munte ciamteh in. Topa nunzia, a nasep, a
vangliatna, a zia le tong bang pulaak hiam? Tua thute hong lungmuangsak hiam?
3. Sihna tawh kidim
leitungah sihna pan thawhkikna lametna in lungmuanna hong pia hiam?
