MUC

Print Friendly and PDF

Sunday, March 18, 2018

LESSON 11 June 9 – 15 PASIAN’ SEAL MAW SAPI’ SEAL?





LESSON 11 June 9 – 15
PASIAN’ SEAL MAW SAPI’ SEAL?

Sabbath Nitak: Tu Kaal Sung Sim Ding: Pian. 17: 9-11; Pai. 31: 13, 17; Mang. 13:17; Eph. 1: 13, 14; Heb. 4: 9, 10.

KAMNGAH: “Amaute in Pasian nasempa Moses le Tuuno la sa uh a, “Vanglianpen Topa Pasian aw, na nasepte lianin, lamdang mahmah hi! Misiangthote Kumpipa aw, na gamtatnate thutangin a maan hi! (Mang. 15: 3).
     Moses le Tuuno la in “Vanglianpen Topa Pasian aw, na nasepte lianin, lamdang mahmah hi! Misiangthote Kumpipa aw, na gamtatnate thutangin a maan hi, cih kammal tawh kipan hi. Kua-te in hih la sa ding uh hiam cihleh “ Tua ciangin meikuang tawh a kihel limlang tuipi tawh a kibang khat ka mu hi. Amaute in sapi tungah a gualzote, ama lim tungah a gualzote, ama kiciaptehna le ama min nambatte tungah a gualzo mite hi uh a, Pasian harp lasaknate tawi-in tua limlang tuipi gei-ah a ding mite in” (Mang. 15:2) tua la sa ding uh hi. Koi bangin hih mite lakah kihel thei ding i hiam?
     Hun nunung a Pasian’ mi taktak kiciaptehna nam khat in vantungmi thumte’ thupuak a tangko mi hi. Tua thupuak in sapi ciaptehna langpangin thugen hi. Hih sapi ciaptehna le ama nambat tawh kisai-in muhzia tuamtuam om hi. Taltang-ah bar code, credit card ahih keileh pumpi tung mun khatah ciaptehna cih bangin pawl khat in ngaihsun uh hi.
     Babylon tawh kisai muhzia tuamtek om hi. Babylon a khiatna in ‘kizelhzau gawp” cihna hi.  Ahi zongin vantungmi thumte thupuak a tangko Pasian tungah a citak vantungmi thumte thupuak a tangko mi tawmno in hih thu tel ding kisam hi. Tu kaal sungin sapi ciaptehna in bang hiam cih i telna dingin i kikum ding hi.

SUNDAY             June 10
Pasian’ mite Kiciaptehna

     Thuciam Lui hun lai-in Pasian’ mite a kimu thei na namnih tawh kiciamteh hi. Vunat-na in namkhat hi. Kua tungah vunatna kipia hiam? Pian. 17: 9-11; Pai. 31:13, 17.
________________________________________________________________     ________________________________________________________________
     Pasian in Abraham le a suanlekhakte vunat dingin sawl hi. Tua in hotkhiatna thuciam ciaptehna khat hi. Naungek pasal ni 8 a cin ciangin vunat uh hi. (Siam. 12:3). Vun ki-at mawkmawk hi lo hi. Khiatna thukpi nei hi. Vunatna in lungtang vunatna ahih kei leh lungsim kikhelna limcing hi. (Thkna. 30:6). Tua hangin Paul in “bang hang hiam cihleh a puatham a Judah mi ahite Judah mi taktak ahi kei hi. A pualam pumpi a vunatna zong vunatna taktak ahi kei hi. A sunglam a Judah mi ahite Judah mi taktak ahi hi. Vunatna zong lai tawh a kigelh thukham hang hi lo-in Kha Siangtho hanga lungsim vunatna ahi hi. Mite in tua bang mite a pahtak loh uh hangin Pasian in a pakta hi” (Rom. 2: 28, 29).
     Thuciam Thak sungah 1Kor. 7: 19; Gal. 5:6; 6: 15 cihte in vunatna munah tuiphumna tawh kilaih hi. Tuiphumna in ‘piansakna thak’ mawhna-ah si-in nunna thakah nungta cihna hi (Rom. 6: 3, 4). Tua hangin Paul in vunatna in man nei nawn lo hi.  “Upna nei-in itna sepna,” Pasian’ thukham nuntakpihna cihte in mannei bek hi, ci hi.    
     A kimu thei Pasian’ mite kiciaptehna a dang khat in bang hi ding hiam? Bang hangin tua ciaptehna kikoih hi ding hiam? Pai. 31: 13, 15, 17; Eze. 20: 12, 20).
_____________________________________________________________     _____________________________________________________________

     Sabbath in leitung piancil a kipan ciamtehna dingin Pasian in a na koihsa hi-a, vunatna ahih leh Abraham hun a kipan kipia hi (Pian. 2: 2, 3).  “Sabbath in mi khempeuh aa ding hi” (Mark 2: 27).  Sabbath in Pasian’mi hiteh, ci-in a hong kiciaptehna hi. Pasian in hong bawl ahih manin Ama aa ihi a, mawhna sung pan hong tankhia, hong siangthosak ahih manin ama aa mah i hi hi. Tua hangin Paul in vunatna thupi nawn lo a, Sabbath a kipan Pasian’ thukham nuntakpihna bek in thupi hi, ci-in hong hilh hi (Heb. 4:9).
    
     Koi bangin na gamtat le lungsim in lungtang vunat khin mi hiteh ci-in kithei thei hiam?



SUNDAY             June 10
Pasian’ mite Kiciaptehna

     Thuciam Lui hun lai-in Pasian’ mite a kimu thei na namnih tawh kiciamteh hi. Vunat-na in namkhat hi. Kua tungah vunatna kipia hiam? Pian. 17: 9-11; Pai. 31:13, 17.
________________________________________________________________     ________________________________________________________________
     Pasian in Abraham le a suanlekhakte vunat dingin sawl hi. Tua in hotkhiatna thuciam ciaptehna khat hi. Naungek pasal ni 8 a cin ciangin vunat uh hi. (Siam. 12:3). Vun ki-at mawkmawk hi lo hi. Khiatna thukpi nei hi. Vunatna in lungtang vunatna ahih kei leh lungsim kikhelna limcing hi. (Thkna. 30:6). Tua hangin Paul in “Bang hang hiam cihleh a puatham a Judah mi ahite Judah mi taktak ahi kei hi. A pualam pumpi a vunatna zong vunatna taktak ahi kei hi. A sunglam a Judah mi ahite Judah mi taktak ahi hi. Vunatna zong lai tawh a kigelh thukham hang hi lo-in Kha Siangtho hanga lungsim vunatna ahi hi. Mite in tua bang mite a pahtak loh uh hangin Pasian in a pakta hi” (Rom. 2: 28, 29).
     Thuciam Thak sungah 1Kor. 7: 19; Gal. 5:6; 6: 15 cihte in vunatna munah tuiphumna tawh kilaih hi. Tuiphumna in ‘piansakna thak’ mawhna-ah si-in nunna thakah nungta cihna hi (Rom. 6: 3, 4). Tua hangin Paul in vunatna in man nei nawn lo hi.  “Upna nei-in itna sepna,” Pasian’ thukham nuntakpihna cihte in mannei bek hi, ci hi.    
     A kimu thei Pasian’ mite kiciaptehna a dang khat in bang hi ding hiam? Bang hangin tua ciaptehna kikoih hi ding hiam? Pai. 31: 13, 15, 17; Eze. 20: 12, 20)._________________________________________________________     _____________________________________________________________
     Sabbath in leitung piancil a kipan ciamtehna dingin Pasian in a na koihsa hi-a, vunatna ahih leh Abraham hun a kipan kipia hi (Pian. 2: 2, 3).  “ Sabbath in mi khempeuh aa ding hi” ( Mark 2: 27).  Sabbath in Pasian’mi hiteh, ci-in a hong kiciaptehna hi. Pasian in hong bawl ahih manin Ama aa ihi a, mawhna sung pan hong tankhia, hong siangthosak ahih manin ama aa mah i hi hi. Tua hangin Paul in vunatna thupi nawn lo a, Sabbath a kipan Pasian’ thukham nuntakpihna bek in thupi hi, ci-in hong hilh hi (Heb. 4:9).
    
     Koi bangin na gamtat le lungsim in lungtang vunat khin mi hiteh ci-in kithei thei hiam?


Tuesday      June 12                                                               
Pasian’ Seal (Ciaptehna)

     Ciaptehna (seal) in minthuhna tawh kibangin a thupi mahmah thu khat pulaaknate ah kizang hi. Nidangin tuhun a kizang seal om nai lo ahih manin, tungman/buan ahi kei leh khuai-nun zang uh hi. Seal in  ‘hi taktak mah hi,’ ‘thuneihna,’ ‘neihsa lahna’ cihte pulaak hi.
     Pasian’ seal i cih in bang hi ding hiam? Bang hun a kipia hiam? Eph. 1:13, 14; 4: 30; 2Tim. 2:19; Mang. 7: 1-7; 14:1.
__________________________________________________________
____________________________________________________________________
     Pasian’ seal in na khempeuh Pasian’neihsa cih a pulaak banah a mite huu hi, cih pulaak hi. Paul in seal in nunzia kikhelna le Kha Siangtho letsong ngahna tawh kizomin pulaak hi. Paul in tua letsong pen Khrih hong pai ciangin Ama a um mi khempeuh in a ngah ding uh hotkhiatna kicingtaakna le a luah ding uh nuntakna a kipsak malep hi, ci-in pulaak hi. Mangmuhna Bu in Khrih hong pai-ma deuhin ciamtehna khat pulaak hi. Hih ciamptehna in 144000 mite tungah kipia a, Kha Siangtho kibuah a kipan Guah Nunung hun sung a kipia hi. Tua  mite in a taltang tung uh-ah Pasian’ min (minthuhna) nei uh hi. Kha Siangtho tawh kidim uh ahih manun a nunzia un Pasian’ zia le tong pulaak hi.
     Sapi ciaptehna le Pasian’ ciaptehna seal a kilamdannate pulaak in. Mang. 7: 3; 14: 9
________________________________________________________
_________________________________________________________________
     Biakna man tawh Pasian a bia mite ciaptehna kipiak mah bangin sapi bia mite in zong taltang tungah kiciapteh hi. Bang limcing hiam cihleh khensatna, deihtelna tawh biakna pia hi cihna hi. Sapi ciaptehna ahih leh khut tung ahih kei leh taltang-ah kiciamteh hi. Bang limcing hiam cihleh amau le amau Pasian bia mahin kingaihsun uh hi. Ahi kei leh bawlsiatna, thahna thuak ding lau-na, lei thei lo ding, zuak thei lo ding patauhna tawh sapi nungzui uh hi, cihna hi (Mang. 13: 15, 17).
     “Leitung tawh kipawl mite in sapi ciaptehna ngah dingin a kiging khol mite hi.    Pasian mai-ah amau le amau kiniamkhiat uh a, thuman thutak zui-in a kisiansuah mite in vantung tawh kipawl mite hi-in a taltang-ah Pasian’ ciamtehna ngah dingin kigingkhol mite hi.” Ellen G. White, 5T., 216.
Wednesd   June 13
Sapi Ciaptehna
    
     I pelh ding sapi ciaptehna in bang hi ding hiam? Sapi li-na (Daniel 7) in Mang. 7 ah tuipi sapi tawh hong kipulaak kik hi. Hih sapi in biakpiak  ni le thukham khel hi ( Dan. 7: 25). Tua a khel thukham in Thukham li-na, Piangsak Pa a pulaak Sabbath khel laih hi. Pasian in vantung le leitung, tuipi le a sung a om khempeuh piangsak in a ni sagih ni-in tawlnga hi (Pai. 20: 11). Vantungmi khatna thupuak in hih thupiak tangko hi. Piangsak Topa bek i bia ding hi. Sapi le ama lim a bia mite’ thuak ding a pulaak khitteh (Mang. 14:9) Pasian tungah a citak mite’ ngah dingte zong kipulaak hi (Mang. 14: 12).
     Mang. 14:12 sim in. Pasian in a mite kemcing ahihzia a hong hilh khitteh bang hangin Sabbath hun nunungah thupi mahmah hiam?     ____________________________________________________
     Mang. 14:12 ah misiangthote le th thukham sawm a zui mite in thuakzawhna kisam hi (Mang. 14:12). Sabbath a kipan Thukham li-na, Sabbath in Pasian in Piangsak Pa hi. Tua hi-in Amah bek mah biak ding kilawm hi, cih hong hilh hi. A langkhatah sapi ciaptehna in Sunday siangtho-sakna hi-in Lai Siangtho in zong ni masa ni siangtho-sak ding hong hilh lo hi.
     Sunday ni-in Pasian biakna, Sunday siangtho-sakna in sapi ciaptehna ngahna hiam? Hi lo hi. Mang. 13: 25 siksan lehang  sapi biak ding a nial mite in thahna, bawlsiatna thuak ding uh hi. Sunday a nial mite sihna thuakin, Sunday a zui mite ahih leh sihna pan suakta ding uh hi. Tu-in tua dinmun tung nai lo hi. Tua bangin sittelna nunung pen hong tun mateng sapi ciaptehna a ngah kuamah om nai lo hi.

     Pasian’ Thukham, Jesuh’ upna cihte tu-in zong bang hangin
 Khritian mantak mi khat aa dingin thupi mahmah hiam?

Thursday                   June 14
Sabbath in Ciaptehna/Seal

     I gensa om bangin ni sagih Sabbath in Adam le Eve a kipan Israel hun dongin Pasian’ mite kiciaptehna hi. Thuciam Thak sung Sawltakte hun a kipan hun nunung a Pasian’ mite in Pasian’ thukham zui-a, Jesuh upna nei mite hi (Mang. 14:12).
     Bang hangin Khristian mite aa dingin Sabbath in thupi mahmah hiam? Pai. 20:8-11; Heb. 4:9, 10.
__________________________________________________________
_________________________________________________________________Sabbath in Thukham Sawm ah a bulpi pen hi. Piangsak Pa in Ama thuneihna a ciaptehna dingin zang hi. Sabbath in i Topa Pasian’ min pulaak hi: “ Topa note’Pasian” ci-in kipulaak hi. Sabbath in Pasian’ukna mun: vantung, leitung, tuipi le a sung a om na khempeuh uk hi, cih pulaak hi. Sabbath in Pasian’ thuneihna bulpi pulaak hi: Topa in ni 6 sungin vantung, leitung bawlin…………… a ni sagih ni-in tawlnga hi.
     Thuciam Thak in Pasian in Jesuh tungtawnin na khempeuh piangsak hi, ci-n pulaak hi (John 1: 1-3; Kol. 1:16; Heb. 1:1, 10). Ni 6 sungin na khempeuh a bawl Jesuh hi. A ni sagih ni-in tawlnga hi. Tua hi-in Jesuh in singlamteh tungah Friday nitaklamin kikhai-in “ A zo zo hi” ci-in a kiko-na aw in khiatna nei hi (John 19:30).  Na khempeuh ni guk sungin a bawl khitteh Sabbath ni-in nasepna pan a tawlngak mah bangin, Jesuh in leitungah hotkhiat nasep zo-a Sabbath ni-in han sungah tawlnga hi. Tua hi-in piansakna le singlamteh in Sabbath a siangtho-na nihvei pulaak hi. Tua ahih manin Hebrew in Pasian in a nasep zo a, a tawlngak mah bangin ama tawlngakna sungah a lut mite zong a nasep uh zo-in a tawlnga uh hi” (Heb. 4: 10). Sabbath in mihing amah le amah kihon thei lo hi, cih hong lak hi. A kipat a kipan hotkhiatna in Khrih’ hong sep khempeuh upna tungtawnin tua hotkhiatna kingah hi (Heb. 12:2)

     Sabbath in nasepna pan tawlngakna limcing ahih leh Sunday siangtho-sakna in bang limcing hi ding hiam? Koi bangin Sunday in Babylon’ nunzia tawh kizopna nei hiam?


Friday     June 15
Ngaihsutbeh Ding:

    Pasian’ mite a taltangah ciaptehna kikoih hi. Hih ciaptehna na ciaptehna dangte bangin kimu thei lo hi. Hih ciaptehna in upna, khensatna tawh kisai hi.  Hih ciaptehna in kihemkhia thei lo hi. Pasian’ mite in ciaptehna a ngah khit uhleh a hong tung ding haihkhiat hun aa dingin kiging khol uh hi. A taktakin hih haihkhiatna in kipan khin hi; Pasian in a thukhenna pan khin hi…… a hong piang ding thute zong tangtung tung hi.” Ellen G. White, The Faith I live By, 285.
    “Sabbath in cihtakna dingin sittelna lianpen hi ding hi. Bang hang hiam cihleh Sabbath bei khin hi, ci-in kingaihsun hi. Mihingte tungah sittelna nunung pen hong tun ciangin Pasian a bia taktak mi le a bia taktak lo hong kitel ding hi. Thukham li-na tawh kituak lo gam thukhun zui-a biakpiaknate in Pasian’ thukham tawh kituak lo hi. Sabbath thuman zui- Pasian’ thukham a zui mite in Piangsak Pa tungah mi citak ahihna hong kilang ding hi. Leitung kumpite’ thupiak a zui mi in sapi ciaptehna ngah hi-in, Pasian’ ciaptehna seal a nial, Ama thuneihna langpang mite hi ding uh hi.” Ellen G. White, The Great Controversy, 605.

Kikup Ding Dotnate
1. Koi bangin Pasian’ ciaptehna le sapi ciaptehna thute mite tawhkitawng kisel loin pulaak ding na hiam? Gentehna-in bang hangin tu-in sapi ciaptehna kipia nai lo hi, cih thu hoihtak pulaak ding kisam hiam?
2. Koi bangin Sabbath le Kha Siangtho’ ciaptehna in kizopna nei  hiam?
3. Khensatna le upna tawh thuman na neihlam kiciapteh hi, cih thu ngaihsun in.  Bang a cihnopna hi ding hiam?
4. Bang danin biakna thu-ah Babylon ii zia le tong kimu thei hiam?  Koi bangin Babylon in nasem a, bang thupi-in ngaihsun hiam? Koi bangin Pasian’ kumpi gam tawh kilamdang hiam? Koibangin tu-in pawl sungah Babylon’ zia le tong hong lut hiam? Koi bangin Babylon tawh kipawl thute khentel thei a, nial ding i hiam? Koi bangin Pasian’ kumpi gam tawh kipawl thute kilangsak zaw ding i hiam?

To get the latest update of me and my works

>> <<