MUC

Print Friendly and PDF

Saturday, December 30, 2017

March 31, 2018



March 31

Tu quarter sungin Inter-American Division sunga om Puerto Rico, Mexico, Jamaica, Belize, Trinidad le Tobago gama nasepnate i za hi. Tu ni-in Belize gam panin nupa khatte’ nasepzia i dong ding hi.

Junior le Stephanie aw na kum uh nong gen dia?

Junior: kum 28 Stephanie: 27

Koi bangin kiteng na vua?

Junior: Sa sai le zu zuakna company khatah nasemin ka om uh a, tua panin kithei kha hi ung. Kei pen anbuk lamah nasem makai ( chef) khat ka hi hi.

Stephanie: Kei pen manager huh. Kei nasep pen zu tuamtuam zuakna-ah vai sai

Koi bangin SDA pawlpi tawh kizopna nei?

Junior: Kum 3 lai-in ka lawmte khat SDA thu-um hi-in a innah Lai Siangtho thusinna khat om a, tua munah ka va kihel hi. Lai Siangtho thuman ka sin toto a, Stephanie kiangah nang zong hong pai in, ci-in ka zawn hi.

Stephanie: Nasep ka manlah den hi.Lai Siangtho sin ding hun ka ngah ngei kei hi. Ahi zongin kei zong ka va kihel leh, lamet bang lo-in nop kasa mahmah hi. Sabbath thuman ka thei a, Kha Siangtho’ hong makaihna hi, ci-in ka ngaihsun hi. Saturday ni-in Pasian biak ding hi, cih ka tel hi.

Ni khat “na nuntakna Pasian tungah ap in, ci-in Kha Siangtho in hong sawl hi, ci-in ka kithei hi.Voksa, zu duh mahmah mi khat ka hih hangin tuate nusiat ding thu hamsa-in ka ngaihsun kei hi. Tu-in thuman thei ka hihteh thuman bangin ka nuntak ding kisam hi, cih ka ngaihsun hi.

Junior: Stephanie tawh ka nihun ka kizopna hoih neih ding ka lunggulh uh hi. 2015 kum September kha sungin ka kiteng uh hi. Ka kiten zawh uh kha khat khitteh ka kituiphum uh hi.

Na nasepna uh eel eh?

Stephanie: Friday ni tum pan Saturday ni tum ciang nasem kei le cin, nungta zo lo ding hi uhteh hong kici hi. Zu le tui sung om nektheihte ka khawng mahmah uh hi. Ka kituiphum uh a kipan kha-sim sum lut zong tampi hong kiam hi.

Junior: Ka kituiphum khit uhteh mopawi khat aa kizang ding tui sung om nektheih US $ 7700/ - val man ding hong kivai khak hi. January 2 ni-in ka deih uh hong ci uh hi. January ni 2 ka etleh tua ni pen Saturday ni tawh kituak hi. Ahi zongin ka nial uh hi. Mihau nupi khat in a innkuanun a nek ding uh nitak an hong vaikhak den hi. Ahi zongin ka kituiphum uh a kipan ama duh voksa, aisa cihte ka zuak nawn kei ding uh hi, ci-in ka gen uh hi.Voksa a kipan nek loh ding sa sianglo cihte Lai Siangtho siksanin ka pulaak hi. Tua sumhau numei nu in SDA pawlpi na lut manun ka gamtat hong ngawngkai-sak mahmah hi, ci-in pulaak hi.
Stephanie: Pasian’ nasep dan lamdang mahmah hi. Kum khat le a lang hong cing khin a, hih mihau numei nu mah hong pai kikin Friday nitakin party (pawi) nei ding uh a, tua lai-ah nek ding vaihawm dingin hong gen hi. Tua bangin ama hong vaikhak ka mangzo kei uh hi. Sunday tawlnga mi khat ahih mah bangin Sabbath tawlnga mite zong hong telsiam dingin ka ngaihsun uh hi.

Koi bangin masuan zom zom thei na hi uh hiam?

Stephanie: Tawl khat sung cimawh mahmah hi ung. Ka neihsa khempeuh uh hong bei ding hi ta, sanggam tanaute in nek ding le inn sung kisam khempeuh hong puak uh hi. Nek ding an ka ngen ngei kei uh a, ahi zong nek ding ka kilawi ngei kei uh hi. Nekkhop banah mite zong ka hawmsawn thei uh hi.

Junior: Tu-in ka nasepna uh nidang sangin hoih zaw hi. Ko kiangah hong pai-in an hong ne mite tawh kizopna hoih ka nei uh hi. Saturday ni nasep loh hangin Topa in hong cimawhsak lo hi. Ka nasep uh lawhcing zaw hi.

Na nasep uh tawh na lungkim uh hiam?

Stephanie: Ka nuntakna in siangtho hi, ci-in ka ngaihsun hi. Pasian in hong puahpha takpi hi. Pasian thu zui ding, Amah um ding cih ngaihsun kha kei leng a sia tawntung ding ka hi hi.

Junior: SDA thu-um mi khat in a upna mi tungah a pulaak ding hamsa-in a ngaihsut loh ding ka deih hi. Ka lawmte’n Sabbath tawlnga na pi uh, bang hangin tawlnga cih pen ngaihsun lo uh hi. Ka lawmte’n Sabbath thu hong gen lo uh hi leh kum 10 sungin zong SDA thu ka thei kha kei ding hi. Mite tungah Jesuh thu gen lehang mi tampi in Jesuh um ding hi.

SDA thu-um mi khat na hihna maizum pih kei in. SDA na hihna mite theisak in. Jesuh hong kum kik ding na lametna mite theisak in.

Tu quarter Sabbath School 13na sumpi in Inter-American Division sungah kizeek ding hi.

MUC in Pinlong biakinn lam nadingin kipuak ding hi.


To get the latest update of me and my works

>> <<