March 10
A Gina Lo
Ui Trinidad & Tobago gam pan
Shanelle
Octave, kum 22
Trinidad le Tobago gama Univeristy of Southern Caribean sangnaupangte
sangsap dingin khal sangkhak sungin inn khat khit inn khat pai-in laibu zuak uh
hi. Ka lawmte mi 10 tawh Canada ka pai uh hi. Alberta gama Ponoka khuapi khat
ka tung uh hi. Kei kituahpih pen Romania gam pan hi-in mangpau tam thei lo hi.
Friday ni guahzuk ni khat dung tuakah laibu zuakin ka pai uh hi. Tawl khat khit ciangin ka lawm zong gim mahmah hi. Tua ni-a ka tawp nadingun lampi nunung pen khat bek om lai-a, ka lawm kiangah kong huh diam ci-in ka dong hi. Huh ding kisam ahih manin kei zong ka huh a, thungenin maban ka zomsuak uh hi. Inn khat ka lut uh leh kong khak thakhat thu-in hong kihong vat a, ka lawmpa mai sukha hi. Kei zong ka nuih hong za peuh mah a, ka lawm a mai khing mahmah hi. Heh kei in, ci-in ka lawm kiangah ka gen a, inn dang khatah ka pai-san uh hi.
Friday ni guahzuk ni khat dung tuakah laibu zuakin ka pai uh hi. Tawl khat khit ciangin ka lawm zong gim mahmah hi. Tua ni-a ka tawp nadingun lampi nunung pen khat bek om lai-a, ka lawm kiangah kong huh diam ci-in ka dong hi. Huh ding kisam ahih manin kei zong ka huh a, thungenin maban ka zomsuak uh hi. Inn khat ka lut uh leh kong khak thakhat thu-in hong kihong vat a, ka lawmpa mai sukha hi. Kei zong ka nuih hong za peuh mah a, ka lawm a mai khing mahmah hi. Heh kei in, ci-in ka lawm kiangah ka gen a, inn dang khatah ka pai-san uh hi.
Thungenin inn dang khat ka lut kik uh hi. Kongkhak ka kui a, kongkhak
hong kihon a, ui no khat hong pusuak khia hi. Ui nei innteekte in ui ham ding
deih lo ahih manin ka laibu uh hong leisak nuam lo uh hi. Innteek nu maitai
khol lo hi. Tua ui sangin innteek nu in ka laibu “Plants That Heal” (Cidam
Nading Singteh Singgahte) cih laibu ka pia thei hi. Innteek nu in ciah dingin
hong sawl a, kiho hi leng a ui in hong tawng gawp ding ahih manin paupih nuam
lo hi. Ui ka ho pih a, bang hangin awng awng na hiam? Mi khual hong sa hiam?
ci-in ka hopih hi. Innteek nu in “ni dangin hong pai ngei na hiam, ci-in hong
dong hi. Hong pai ngei keng ci-in ka dong hi.
Tua leh innteek nu in inn sung hong lut in, ci-in hong sam hi. Innteek
nu in tua na din na mun ah ka ui khat si hi, ci-in hong gen hi. Innteek nu in
guahzu lakah bang hih na hi uh hiam, ci-in hong dong hi. Ka nuihsan a, ka laibu
puak “Huihpi lakah Lungnopna” cih laibu ka lakhia hi. Hih laibu pen Ellen G.
White’ gelh Khrih Kiang Zuatna tawh kibang hi.
Innteek nu in bangzah man hiam ci-in hong dot laitak innteek pa hong
tung hi. Ken zong innteek pa ka hopih a, ka pianna, ka nasep cihte ka gen hi.
Saint Lucia tuikulh in ka pianna hi, ci-in ka gen leh innteek nu a khitui hong
luang hi. Mai kum khua khal ciangin Saint Lucia ah pai nung, ci-in hong gen hi.
Hih tuikulh thu tampi hong dong hi. Tua bangin ka kiho ho uh a, innteek pa’ min
le ka pa min kibang ahihlam ka thei uh hi. Innteek nu in ka laibute hong leisak
hi.
Tua inn pan ka paikhiat uhteh ka lawm in lamdangsa mahmah hi. Koi bang
hiam, laibu lei nuam lo napi bu nih bang hong lei, ci-in hong dong hi. Pasian’
hong makaihna hi, ci-in ka dawng hi. Innteek nu in vantung mite tawh kibang
uhteh ci-in hong gen hi.
Shanelle Octave in kum 22 pha-in Univeristy of Southern Caribean ah
Accounting Major hi. Tu quarter 13 Sabbath School sumpi in hih university ah
kipuak ding hi. MUC in Pinlong biakinn aa dingin kipuak ding hi.
