LESSON 9 FEB. 24 – MARCH 2
LUNGDAMNA SUMPI
SABBATH
NITAK
TU KAAL SUNG SIM DING: Matt. 6: 19 – 21; Eph. 2:8; 1Pet.
4:10; Luke 7: 37 –
42
KAMNGAH: “Bang hang
hiam cihleh Pasian in leitung mite hong it mahmah ahih manin khat bek a neihsun
a Tapa a hong pia hi. Tua Tapa a um mi khempeuh in kisialo-a nuntak tawntungna
a ngah nading ahi hi” (John 3:16).
I biak Pasian pen a piakhia Pasian hi. Hih
thu Jesuh a hong sihna tungtawnin kimu hi. “Bang hang hiam cihleh Pasian in
leitung mite hong it mahmah ahih manin khat bek a neihsun a Tapa a hong pia hi.
Tua Tapa a um mi khempeuh in kisialo-a nuntak tawntungna a ngah nading ahi hi”
(John
3:16).
“ Mi hoihlo ahi note nangawn in na tate uh na hoih piak ding thei na hih uh leh
vana om na Pa un a ngen mite Kha Siangtho hong pia zawkan ding hilo ahi hiam?
(Luke 11: 13). Pasian in pia pia hi. Piakna in Ama nunzia hi. Tua hi-in Ama zia
le tong kilangsak mite in zong piakkhiat hat uh hi. Angsung thei, huaiham
Khristian in Pasian tawh kilawm lo hi. A hong kipia-te piakna khat in sumpi
piakna hi. Sumpi piakna in lungdamna, itna pulaak hi. Jesuh in hehpihna a sang
hotkhiat ngah mite la ding a hong pai kik ciangin tua mite in ama deihna nialin
a kipiaknate uh hangin Topa tungah lungdam ding uh hi.
Tu kaal sung i kikup ding thu in sumpi piakna
thu hi. Neihsa, sumpi, nate, hun, siamnate itsik lo phaltakin i piak ciangin i
biak Pasian’ zia le tong kilangsak i hi hi.
SUNDAY FEB. 25
“NA SUM OMNA MUNAH”
Matt. 6: 19- 21 sim
in. Koi bangin leitung sum le paai hauhnate’n hong huzaap kha zel hiam? Kol.
3:1, 2.
_________________________________________________________________
_____________________________________________________________
“Na sum omna munah na
lungsim zong om ding hi” (Matt. 6:21) cih thu Jesuh in gen hi. Vantungah
sumkholhna le leitungah sumkholna a hilhkhitteh
Jesuh in a gen hi-in, tua a
genna sungah kammal thum kimu thei hi: nget, kekseu, guta (Matt. 6: 19)
kammalte leitung hauhna in tawmvei sung, mitphiat sung mangthang thei hi, cih
hong hilh hi. Leitung nate in tawmvei sung bek kimang hi lo hiam? “ Leitung
nate in tomkal sung bek kimang hi. Bang hunin beimang ding kithei khol lo ahih
manin lungmuan om lo hi. Leitung nate in kisia thei hi; hong kiguksak thei hi.
Mang thei hi. Ahi zongin vantung ahih leh na khempeuh kipin kisia thei lo ding
hi. Vantungah a mangthang bang mah om lo ding hi.” C. Adelina Alexe, “ Where
Your Heart Belong,” in Beyond Blessings, edited by Nikolous Satemajer (Nampa:
Pacific Press, 2013), 22.
Na neih van le nate ngaihsun
in. Gamh a i ngah pawl khat cih loh van zat nate in sawt kizang lo hi. A pil
neihsa zeeksiam mi in a neihsa khempeuh vantung ansaal ah khol hi. Leitungah
sumkholna bang hi lo-in, vantung sumkholna nget in a nek ding, gutate guk ding
lunghimawhna om lo hi.
Matt. 6: 19 – 21 sungah
neihsa zeekna tawh kisai kigelh hi. Van le nate in hong uk, hong zo, hong
siatsak nuam hi. Sum omna munah i lungsim om hi. Tua hi-in sum omna mun thupi
hi. Van le nate mitsuanin a nungta mi in vantung nate ngaihsun zo lo hi.
Pasian um kici napi
leitungah sumkhol mi in a kineihkhem mi hi. I kampau-te gamtat in a zuih ding
kisam hi. Leitung hauhnate i mit tawh i muh mah bangin vantung hauhnate upna
tawh kimu thei hi (2Kor. 5:7).
Nisim nuntak nading kisapte
zon kul mah hi. Ahi zongin i sepna khempeuhah tawntung nunna siksan ding kisam
hi.
Heb. 10: 34 sim in.
Paul in leitunga sum le vantunga sum kilamdanna bang pulaak hiam?
MONDAY FEB. 26
PASIAN’HEHPIHNA ZEEKKHIA
Pasian in bang hong pia hiam? Eph. 2: 8
________________________________________________________________
___________________________________________________________________
Hehpihna kammal in ngah dinga kilawmpi
Pasian’ maipha ngahna hi. Hehpihna a hong kipia khong hi. Hih leitungah Pasian
in a hehpihna hong pia hi. Tua hehpihna i nial kei nak leh tawntung a nungta
dingin tua hehpihna in hong khel hi. Vangliatna khempeuh, vantung hauhna
khempeuh i ngah theihna zong a hong kipia khong hehpihna hang bek hi (2Kor.
8:9). Vantung mite’n zong hih hehpihna lamdangsa uh hi (1Pet. 1:12). Pasian’
hong piak na khempeuh lak pan a khawnkhongin hong kipia Khrih sunga hehpihna in
mahpha pen hi. Hehpihna om lo hi leh, lamet i nei kei ding hi. Mawhna lianlua
ahih manin mihing in tua mawhna panin a suakta thei kei hi. Pasian’ thukhamte
zuihna in zong hong suakta-sak thei lo hi. “ Tua ahih leh thukham in Pasian
hong kamciamte langpan ahi hiam? Langpan lo hi. Bang hang hiam cihleh nuntakna
hong ngahsak thei dinga thukham hong kipia hi leh diktansakna zong thukham zuihzawhna
tawh kingah thei ding hi” (Gal. 3: 21). Thukham in hong hon thei ding hi leh,
tua thukham in Pasian’ thukham hi ding hi. Ahi zongin thukham in hong hon thei
lo hi. Hehpihna bek in hong hon thei hi.
2Pet. 4:10 sim in. Koi bangin hehpihna le
neihsa zeekna kizom hiam? Koi bangin Pasian tungah piakna in Ama hehpihna
pulaak hiam?
___________________________________________________________________
____________________________________________________________________
Pasian’hehpihna a khawnkhongin i ngah hi.
“Neihsa kepsiam bangin Pasian hehpihna kemsiam kul hi (1Pet. 4: 10). Pasian in
a khawnkhongin hong pia ahih manin mitungah manngen lo-a i piak ding kisam hi.
Hehpihna hanga i ngah khempeuh eima nopsak nading bek hi lo-in hotkhiatna thu
kizelh nadingin zat dinga hong kipia ahi hi. Man ngen lo-in a hong kipiak mah
bangin man ngen lo-in a pia dingin hong kisawl hi.
Pasian’ hong piak na khempeuh ngaihsun in.
Man ngen lo-in a hong kipia hehpihna koi bangin neihsa zeeksiam bangin zeek
ding na hiam?
TUESDAY FEB. 27
A HOIH PENPEN PIAKKHIATNA
Luke 7: 37 – 47 sim
in. Koi bangin tua thupiang in Pasian tungah sumpi piak hong hanthawn hiam?
______________________________________________________________
________________________________________________________________
Mary in innsung lutin sabuai
tungah Jesuh kingam mu hi. A manpha mahmah sathau bung sukhaamin Jesuh khe
tungah sungsuk hi. Nungzuite’n Mary’ nunzia a ngaihsun uhteh tua bangin Jesuh
tungah a gamta diksa lo uh hi. Mary in dawivei khat hi-in, dawivei damna ngahin
Lazarus sihna pan a thawkkikna zong va mu kha-in lungdam lua mahmah hi (Lk.
8:2). A paknamtui tawi in a neih khempeuh lak pan a manpha penpen mah hi. Jesuh
tungah lungdam ko dingin a paknamtui hong tawi hi. Hih thupiang in piakhia-na a
hatsak, lungdamna hong hilh hi. Man kiseh thei lo Pasian’ hehpihna hong kipiak
khitteh bang tawh lungdamko ding na hiam? Pasian in phaltakin a hong piakna thu
in eite zong a pia dingin hong hatsak hi. Lungdamna tawh i piak takteh, sum,
hun, i pumpi, siamna khat peuh i piak khat in mannei hi.
Pai. 34: 26; Siam. 22:
19 – 24;Gam. 18: 29 sim in. Tuhun tawh kibatlohna tampi om taleh tudongin a
kizang sumpi piakna tawh kisai thulaigil bang hong hilh hiam?
____________________________________________________________
____________________________________________________________
A hoih penpen i piak hangin
kicing hi, cih om thei lo hi. Ahi zongin Pasian muhna ah manpha veve hi. A hoih
pen i piak takteh i nuntakna-ah Pasian bek mah masak pen ihihlam a pulaak i hi
hi. Pasian’ maipha ngah nadingin sumpi pia i hi kei hi. Jesuh Khrih sungah i
ngah thupha-te tungah i lungdamna pulaaka a pia i hi zaw hi.
“ Lungdamna, itna, piaknopna
lungsim tawh i piak khempeuh tawmno hi taleh, neu-no khat hi taleh tua
piakkhiatna in man kiseh thei lo piakkhiatna hi. Ahi zongin Honpa tungah
lungsim takpi tawh i piak ciangin, Topa tungah leibat bangin ngaihsunin
lungdamko tawntung mi in Topa tungah a piak khempeuh cihtham salo, hawmthawh
den ding hi. Ahi zongin Topa tungah i piak khempeuh cihtaak thamcingin i
ngaihsut loh hangin vantung mite in vantung Tokhom ah va paipih uh a, Pasian in
i piak khempeuh hong sang hi” Ellen G. White, Vol. 3., 397.
WEDNESDAY FEB. 28
I NGIMNATE
Meigongnu’ sumpi piak i pulaak khin hi.
Midangte’ piak tawh enkak lehang cihtaak het lo hi. Ahi zongin piaknopna
lungsim tawh a piak hi. Tua in ama nunzia, a lungsim pulaak hi. Tua manin Jesuh
in “ meigongnu in tam pia pen hi” ci-in pulaak hi (Lk. 21: 3).
Pasian in mihing’ lungsim thei hi (James 4:
12; Pau. 16:2; 1Kor. 4:5). A pha bawl napi lungsim sia, ngimna hoih lo thei hi.
Tampi neih lak pan piak ding upna kisam khol lo hi. Ahi zongin midang
phattuamna a piangsak ding kipiakkhiatna-ah i lungsim in thu tampi pulaak hi.
2Kor. 8: 8 – 15 sim in. Paul in piakna
le lungsim bang pulaak hiam?
Neihsa
zeekna-ah bang thugui hong hilh hiam?
_________________________________________________________________
_________________________________________________________________
Bang bang ngimna tawh i pia zongin i piak
khempeuh mindeihna tawh piakna hi thei, deihsak tawh i piak zong hi thei hi.
Pia ding maw, ahih keileh ngah nading bek zong ding maw? Hihte i tuak den hi. A
huaiham mi in khat veivei piaknopna tawh Pasian pia ngei mah ding hi. Ahi
zongin tua huaihamna in hong uk ciangin i nuntakna-ah buaina hong tung hi. Tua
bang mi in Khrih min paulapin angsung ding bek zongin, tua bang gamtatna ahi
mah dingin ngaihsun hi. Angsung nial lo-in itna om thei lo hi. Itna om lo-in
midangte hoih nading kipiakkhiatna om thei lo hi. Pasian’ itna a nei lo mi in
bang bang a pia zongin Pasian’ itna kilangsak thei lo hi. Angsung zong mi in
amah bek ki-it hi. “ Lungsim vunat dingin” Topa tungah i nget kul hi (Thkna.
10:16). Tua hileh Pasian in a hong it bangin mite tungah itna i nei thei ding
hi.
Mi phattuamna ding piakkhiatna khempeuh itna
siksan hi. Pasian’ hong itna in Amah itna hong neisak hi. Tua in piakkhiatna
lian penpen hi.
Itna tawh hi lo-in, piak ding mah hi, cihna
lungsim tawh i piakte khial ding hiam?
THURSDAY MARCH 1
PIAKKHIATNA-AH I PHUUTKHAKTE
Khrih in Pasian’ zia le tong
hong hilh dingin leitungah mihingin hong pai ahih manin, Pasian in hong it hi;
ei aa ding a hoih penin nasem hi, ci-in i thei hi. Phattuamna hong pia thei
dingte bek a sem dingin hong sawl hi. I siatna ding peuhmah sem dingin hong
sawl ngei lo hi. A hong piak thuphate citna le lungdamna tawh pia dingin hong
sawl hi. Citpiakna, phalna tawh piakna khempeuh a ngah mite bek hi lo, a pia
mite in zong phattuamna ngah hi. Tua bangin a pia mi in ngahna sangin piakna in
thupha hi, cih thei uh hi.
2Kor. 9: 6, 7 sim in. Koi bangin piakna thu hong hilh hiam?
____________________________________________________________
_____________________________________________________________
Citna tawh piakkhiatna in
lungsim thu le upna tawh kisai hi. Piaknopna lungsim tawh piakna in upna pulaak
hi. Khrih sungah i ngah khempeuh thupha-te hangin lungdamna om hi. Upna tawh
nuntakna-ah piakkhiatna in upna khangsak hi. “Sepna om lo upna in a si upna hi
(James 2: 20). Upna nuntakpih ding simloh upna hong khangsak thei ding lampi
dang om lo hi.
Manngen lo-in piaknopna
lungsim tawh piakna in Jesuh’ nunzia kilangsak hi. I gamtatna-ah Pasian tawh
kikholhna tungtawnin Ama zia le tong i theitel ding hi. Tua hi-in piakkhiatna
in Pasian muanna hong neisak hi. “Topa hoih hi, ciam unla mu dih un; Amah beel
mi thupha ngah ahi hi” (Late 34: 8).
“Jesuh maitang pan a
thangkhia khuavak in itna tawh a hong piak nunna pulaak hi. Singlamteh pan a
tangkhia khuavak in vantung le leitung aa dingin a kipia khiat itna khuavak hi.
Amah nunna nial itna in Pasian kiang pan hong pai hi. A siangtho kuama in neh theih
loh khuavak nei Jesuh in Ama nunzia in kiniamkhiatin nunnem hi.’ Ellen G.
White, The Desire of Ages, 20.
A hong kipia na
ngahte lak pan piaknopna lungsim tawh na piakna tungtawnin koi bangin na upna
hong khangsak hiam?
FRIDAY MARCH 2
NGAIHSUTBEH DING: Citna
tawh piakna in Vantung lungsim hi. Angsung theihna in Satan’ lungsim hi.
Khrih hong kipiakna Singlamteh panin kilang hi. Mihing hong hon dingin Jesuh in
a neih khempeuh hong piak khitteh Amah mah hong kipia hi. Khrih Honpa nungzui
khempeuh piakkhiatna-ah Singlamteh etteh ding hi. Singlamteh in pia in, pia in
hong ci hi. Khristian khat in a nunna-ah tua bang gahhoih a nei dingin hong
hilh hi. Leitung mite ahih leh ngahna ngaihsun uh hi. Ngahna panin lungnopna
ngah dingin kingaihsun uh hi. Ahi zongin a tawpkhakna-ah lungzinna le sihna bek
ngah uh hi.” Ellen G. White, in Advent Review and Sabbath Herald, Oct. 17,
1882.
KIKUP DING DOTNATE
1. Bangci-in
angsungtheihna Khrih’ lungsim tawh kilangpansak hiam? Bang in angsungtheihna
panin hong dal thei ding hiam?
2. “Mi
khempeuh in piak dinga a lungsima a khensatna bangin pia uh hen; lungsit pipi
ahihkei leh piakloh phamawh cihna-in pia kei uh hen. Ahang in, Pasian in
lungtaitaka piate a it hi” (2Kor. 9:7). “Lungtaitak” cih Greek kammal hih
laibek ah kizang hi. A khiatna in ‘nuamsa-a gamlum henhan’ cihna hi. Piakna-ah
lungsim puakzia ding bang hong hilh hiam?
3. Khrih
na piak khempeuh thungen kawmin khat khit khat gelh in. Pasian in hong pia ahih
manin bang hangin mite zong piak kul hiam? Pasian hong piakte ngaihsun lecin, a
hoih penpen na piak, ngimna hoih tawh na piakte in cihtham hiam?
4.
Bang
hangin angsungtheihna in gimna piangsak hiam?
5. Pawl
sungah tulaitakin huhna kisam mi khat ngaihsun in. Hamsa taleh bang na huh thei
ding hiam?
