LESSON 8 FEB. 17 – 23
SAWMA KHAT PAN HAMPHATNA
SABBATH
NITAK TU KAAL SIM DING: Mk. 16:15; 1Pet. 3:8,9; 1Kor. 9:14;
Rom. 3: 19 – 24
KAMNGAH: “Biakinnpi sunga a
siangtho nate tawh kisai-in a na semte in tua nate mah ne uh a, biaknatau a
nasemte in zong tua biaknatau tunga kipia nate mah a ne uh hi cih theilo na hi uh
hiam? Tuamah bangin lungdamna thu a tangkote in lungdamna thu mah kivakna-in
nei uh hen, ci-in Topa in thu hong pia zo hi” (1Korin 9: 13, 14).
Sawma khat khiatna in upna
pulaak hi, upna sittel hi. “ Thu upna sungah a omtakpi mah na hi uh hiam no le
no ki-entel unla, kisittel un. Note sungah
Zeisu Khazih a om lam no le
no kithei lo na hi uh hiam? Santak a cing zolo na hih kei leh na kithei ding uh
hi” (2Kor. 13: 5).
Lai Siangtho sungah a masa
pen sawmah khat piakna in Abraham in Melchizedek tungah a piakna hi (Pian. 14:
18 – 20; Heb. 7:4). Levi mite’n biakbukah nasem hih manun sawmah khat ne uh hi
(2Khang. 31: 4 – 10).
Tuhunin sawma khat in
hotkhiat nasepna-in kizang hi. Limtak telthei hileng, sawmah khat in Pasian
tawh kizopna pulaak hi. Hotkhiatna thu tangko-na, Pasian nasepna-in sawmah khat
kizang hi. Hih in Pasian’geelsa hi-in, Amah a um mi khempeuh tungah thu hong
pia hi.
Tu kaal sung i kikup ding
thu in: sawma khat zatna, sawma khat’ deihna, sawma khat in upna hatsak thei
hi, cih thute hi ding hi.
SUNDAY FEB. 18
SUMTHA TAWH MAPANGKHAWM
Jesuh in “Lungdamna Thu” a tangko ding, ‘mite
nungzui suaksak ding’ ….. a hong hilh thu khempeuh zui dingin hilh un’ ci-in
thu hong pia hi (Mt.
28: 19, 20; Mk. 16: 15). Hih in a thupi pen nasep hi.
Jesuh kiangah mite va paipih ding nasepna-ah kihel dingin hong sawl hi.
Pasian’ hong kepsak sum, van le nate Ama
nasep nadingin thu-um mi khat ciat in a zeek ding kisam hi. Mite kiangah
hotkhiatna thu puak nasepna-ah piakkhiatna in Khrist tawh kizopna kho-sak hi.
Nungzui khempeuh, thu-um mi khempeuh, nasem khempeuh in hotkhiat nasep nadingin
sawma khat
Topa kiangah paipih ding kisam hi. Hih nasepna-ah mapang
citak ciat dingin thunget kul hi. Nasep lawhcinna-in upna sungah kipumkhatna
kipsak hi.
Hotkhiat nasep nadingin Pasian in bang geelna
nei hiam? Sawma khat vekpi cih thu in bang pulaak hiam? (Mal. 3:10). “Ka ansal
sungah an a dimtheih nadingin” cih thu in bang hilh hiam?
______________________________________________________________
_________________________________________________________________
Abraham, Jacob in sawma khat piak napan uh hi
(Pian. 14: 20; 28: 22). Tua ma-in zong sawma khat piak om khin kha thei hi.
Sawma khat in
Pasian’pawlpi nasep nadingin kikoih hi. Sawma khat in
Khrih hong sawl tatkhiatna nasep nading a huh pipen hong suak hi. Tuhun ciangin
mi tampi in Pasian nasepna-ah kihel lo uh hi. Khristian mimal khat ciat in
sawmah khat piakna-ah citak ciat hi lehang “lamet ngam loh na lianpi kisem khin
ding hi” Christian Smith and Michael O Emerson (New York: Oxford University
Press, 2008), 27.
Pasian in Ama nasem ding mi tasam ngei lo hi.
Hih nasepna-ah i kihel ciat ding kisam hi. Pasian nasep nadingin sum om lo, kin
lo, geelna nei lo cihte omsak ding hi lo hi. Levi mite’n Nehemiah tungah a gen
bangun “Kote in Pasian’biakinn kinlo-in i om kei ding hi” (Neh. 10: 39) a cih
mah bangin eite’n zong siit nei lo-in a sem dingte i hi hi. 1800 kum lai-a
thu-um mite mah bangin nasem dingte i hi hi. Tuhunin zong sia-te le pawlpi mite
in sum lepai, neih le lamh nasepna khatah mapangkhawm, nasemkhawm ding kisam
hi.
Adventist pawlpi’ nasepna ngaihsun in (Mang.
14: 6, 7). Bangci bangin pawlpi’ nasepna-ah mimal khat ciat kihel a, sum le
paai tawh huh ding kisam hi, cih thu na tel hiam?
MONDAY FEB. 19
PASIAN’ THUPHA TAMPI
Mal. 3: 10 ah kigelh mah
bangin Pasian in sawma khat piak a citak mite tungah thupha pia dingin hong
kamciam hi. Ahi zongin Pasian’ thupha in khat bek hi lo hi. Neih le lamh hauhna
bek Pasian’ thupha hi, ci-in na ngaihsut leh Pasian’ thupha tatak na muhzia toi
cihna hi.
Pasian’ thupha in leitung
nate hauhna bek hi lo-in vantung thu-ah hauhna zong hi. Pasian’ thupha koi
bangin kimu thei hiam cihleh mawhna sung pan a hong kitatkhiatna, lungnopna,
lungdamna a kipan ei aa dingin Pasian in a hoih penin sem hi, cih lungmuanna in
hong lak hi. Tham lo-in Pasian’ hong piak thupha, tua thupha-te cimawh genthei
mite tungah vahawm dingin thupha ngah na hi hi. Mi tungah thupha na bawlteh
thupha ngah na hi zaw hi. A taktakin eite tungtawnin Pasian in mite thupha pia
hi.
1Pet. 3:8,9 sim in.
Peter in bangci bangin thupha ngah mi le mite aa ding thupha hihna a kizopzia
pulaak hiam?
______________________________________________________________
____________________________________________________________________
Sawma khat piakna panin
thupha a zahnih kingah hi. Ei mahmah in thupha ngah banah mite aa dingin thupha
i hi hi. A hong kipia thupha midang khat na hawmsawn thei hi. “Pia in, hong
kipia kik ding hi…. na piak bangin hong kipia kik ding hi (Lk. 6: 38).
Sawl. 20: 35 sim in. Koi
bangin sawma khat piak hong hilh hiam?
_________________________________________________________________
_________________________________________________________________
Sawma khat piakna tungtawnin
Pasian muanna i ngah hi (Jer. 17:7). Sawma khat in Pasian’ thukham thuman
tungah kinga hi. Jew minamte’n thupha a ngah theihnadingun sawmah khat piak
ding kisawl hi. Tua hi kei leh Pasian in tua bangin thupia lo ding hi. Tua bang
mahin hun nununga a nungta thu-um mite in thupha ngah ding uh hi. Pa Pasian in
Ama phattuam nadingin sawmah
khat a koih hi lo hi. Mihing in thupha a ngah nadingun a hong koihsak hi zaw hi.
Mihingte’ kitangsap hi zaw hi.” Ellen Gmm White, Vol.7., 404,
405.
Mite tungtawnin Topa
in thupha hong piak ngaihsun in. Koi bangin nang zong mite aa ding thupha hi
thei ding na hiam?
TUESDAY
FEB. 20
SAWMA KHAT KIZAT NADING
Paul in Timothy kiangah “ Bang hang hiam
cihleh Lai Siangtho in “ Buh a cil bawngtal muk na tuam kei in,” a cih banah, “
Nasempa in a thaman a ngah ding a kilawm ahi hi,” na ci hi (1Tim. 5:18). Paul
in Thuhilhkikna 25:4 le Luke 10:7 siksanin hong hilh hi. Bawng in buhcil kawmin
an a nek mah bangin hotkhiatna thu tangko, nasemte’n nuntak nading kisam nek le
dawn, silh le teen a ngah ding uh kilawm hi.
Pasian in nate omzia ding a geelkholhsa hi.
Ni, kha, aksi-te a kipan a piansak na khempeuh, pumpi sung nate’ nasepzia,
huihdik, sihui-te a kipan amaute sepzia ding, omzia ding a sehsa hi. Tua bang
mahin sawma khat zong biakbuk nasem Levi mite’ tungah kipia hi (Gam. 18: 26).
Tuhunteh hotkhiat nasem mite tungah kipia hi. A kipatcil a kipan Pasian nasepna
a huh dingin sawma khat kikoih hi. Pasian’ nasemte zeek dingin sawma khat
kikoih hi.
Hotkhiatna thu tangko mite in hotkhiatna thu
mah kivakna-in nei uh hen, ( 1Kor. 9: 14) cih thu a khiatna in bang hi ding
hiam? Paul in bang hong hilh hiam? 2Kor. 11: 7-10 sunga thu in huhna kisam
lungdamna thu nasemte huhna tawh kisai bang hong hilh hiam?
____________________________________________________________
____________________________________________________________
Paul in “ Note lakah na kong sep theih
nadingin pawlpi dangte kiang pan thaman la ka hih manin amaute sum a sut ka
suak hi” (2Kor. 11:8) a cihteh bang mah nei lo Macedonia pawlpi mite tung pan huhna
ngahin a hau Korin pawlpi ah nasepna-in zang hi. Korin pawlpi tungah a gennop
thu in lungdamna thu tangko mite thaman piak ding kilawm hi. Tua dingin sawma
khat kizeek hi. Sawma khat kikoihtuam hi. Sawma khat pen cimawh huhna ding hi
lo hi. Pasian’ thuman tangko mite panpih nadingin kikoihtuam hi. Tua lo
nadangte sep nadingin zat ding hi lo hi.” Ellen G. White, Counsels on
Stewardship, 103.
Siam. 27:30 sim in. Zuih ding
thuman bang hong hilh hiam?
WEDNESDAY FEB. 21
ANSAAL
Pasian in huih om nading mun
(Jer. 10:13) tui om nading (Late 33: 7) gial le vuk om nading mun (Job 38: 22)
koih a, tuate khempeuh uk hi. Ahi zongin tuate sangin sawma khat kholna –
ansaal in manpha zaw hi. “Kikhopna buk sungah amaute’ nasepna thaman dingin
Israel sunga sawma khat khempeuh, Levi mite’ tungah gamh-in ka pia hi” (Gam.
18: 21). Hih in sawma khat koih nading mun kipulaak masakna pen mun hi. Tuhunin
Topa’ ansaal ci-in i thei hi. Topa in Ama teelna munah Israel mite in sawma
khat koih dingin thupia hi (Thkna. 12: 5, 6). Hih hun sungin Solomon in sawma
khat khempeuh Jerusalem biakinn ah koih hi. Kamsang Malachi in “ansaal sungah
sawma khat a buppi-in hong puak un” ci-in a genteh Israel mite’n hih thu telpah
ding uh hi. Ansaal in biakpiakna mun, Levi mite kihuhna mun limcing hi.
Lai Siangtho mundangah ansaal
tawh kisai kammal 1Khang. 26: 20;
2Khang. 31: 11-13; Neh. 10: 38 cihte in bang gen hiam?
_____________________________________________________________
_________________________________________________________________
Pasian in sawma khat koih
nadingin ansaal simloh mundang sehlo hi.
Seventh-day Adventist pawlpi
in Topa’ thupiak bangin sawma khat khempeuh ansaal ah koih hi. SDA thu-um mi
khat in a min sazian omna tualpawlpi-ah sawma khat khia-in tualpawlpi panin a
kizoppih conference zumpi ahih kei leh mission zumah puak hi. Tua panin pastors
nasemte’ khasum kihawmkhia hi. Nasepna a tangzai zawk ciangin huhna sum zong
kisam hi. Tua bangin huhna kisapna munte-ah huhna piak ding ahi hi. “Ka ansaal
in an tawh a kidim nadingin sawma khat khempeuh hong paipih un” (Mal. 3:10). A
thuman
Khristian khempeuh in sawma
khat le sumpi-te Topa kiangah paipih hileh, Topa’ ansaal dimlo-in a om kei ding
hi. Pasian nasep nadingin ansaal dim ding a, pawlpi in sum zonna ong-bali,
(lotteries) pawi dingin vanzuakna,
(fairs) le gualnopna tawh
sumzonnate cihte nei lo ding hi.” Ellen G. White, The Acts of Apostles, 338.
Mimal hoihsakna mun
tekah sawma khat khia hi lehang Pasian’ nasepna bang dinmun hong tung ding
hiam? Tua hi-in bang hangin sawma khat pen khiatna ding mun thupi hiam?
THURSDAY FEB. 22
SAWMA KHAT LE UPNA TAWH
HOTKHIATNA
Romans 3: 19 – 24 sim in. Upna tawh kizomin
bang thuguipi hong hilh hiam? Bang hangin tua thu in upna tawh kizomin thupi
hiam?
____________________________________________________________
____________________________________________________________
Hotkhiat thamcing i hi kei hi (Rom. 3: 23).
Hotkhiat takcing hi lehang eima gamtatna, hoihna tawh ei le ei kihon khia thei
i hi ding a, tua pen Lai
Siangtho
tawh kilehbulh hi.
Romans 4: 1-5 sim in. Mihing’ gamtat hoihna
hi lo-in hehpihna hangin nuntakna ngah thei ihihlam hong hilh hi lo hiam?
_________________________________________________________________
__________________________________________________________________
Tua hi-in hotkhiatna ngah thamcing i hih loh
hangin hotkhiatna in piakkhong hi (Eph. 2:8). A mawhpi mah Khrih in Ama
kicinna, Ama dikna hong pia-in, tua hang bekin hotkhiat ngah i hi hi. Sawma
khat piakna manin Pasian’maipha kingah hi lo hi. Sawma khat in Pasian aa ahih
leh, sawma khat piakna hangin dikna bang mah thei mah ding i hiam? Gamtat hoih
dingin hong kipiangsak ahih mah bangin gamtat hoih in hong a hotkhiat theih loh
mah bangin sawma khat piakna in zong hong honkhia thei lo hi.
“Bang hang hiam cihleh Pasian in eite sep dinga a koihsa
na hoihte a sem dingin Khazih Zeisu sunga hong piansak Ama bawlsate i hi hi”
(Eph. 2: 10).
Sawma khat in hong hon thei lo hi taleh sawma khat piakna
in i lungsim pulaak hi.
Pasian’ hong sawl bangin semin kiniamkhiat
lungsim, a thumang lungsim kimu thei hi. Pasian a it mi ahihleh a thupiak mang
ding hi. Sabbath in Pasian in na khempeuh Piangsak Pa hi, cih a pulaak mah
bangin, sawma khat a pia mi khat in Pasian’ neihsa kem, na khempeuh Pasian’
neihsa hi, cih a pulaak mi hi. Sawma khat i piak ciangin nate in ei aa
ahihlohlam a pulaak banah nuntakna le hotkhiatna in a khawnkhongin hong kipia
hi, cih a pulaak i hi hi. Tua in a nungta upna pulaak i hi hi.
Luke 21: 1-4 sim in. Upna tawh nuntakna thu
bang hong hilh hiam?
FRIDAY FEB. 23
NGAIHSUTBEH DING: Huih
dik, lungtangkisai a kipan i nuntakna mahmah Pasian’kiang pan hi, cih i
mangngilh khazel hi. Sawl. 17 sungah Athenian khua mite kiangah Pasian in
Piangsak Pasian (Pasian in na khempeuh bawl) banah na khempeuh a Kem hi ( Ama
sungah nungta, gamta-in i om hi) ci-in hilh hi. Athen khua mite in a nungta
Pasian thei lo uh hi. Pasian in i nunzia ding a hong gen tampi om a, tuate
siksanin i nuntak ding kisam hi. “ Pasian in ama hauhna hong pia a, ahi zongin
tuate lak pan sawma khat Ama nasep nadingin mantakin i piak ding hi. Ama ansaal
ah sawma khat koih dingin hong hilh hi. Ama aa mah i ap kik ding hong hilh hi;
sawma khat in siangtho hi. Hotkhiat nasep nading bekin zat ding hi. Pasian in
tua ding mahin sawma khat a tuam koih hi-in, tua hi leh ansaal dim ding a, a
gamla, a nai-a mite tungah hotkhiatna thu kitangko thei ding hi. Citakna tawh
sawma khat a khia mi in na khempeuh in Pasian’ neihsa hi, ci-in pulaak hi.”
Ellen G. White, Vol.6., 386.
KIKUP
DING DOTNATE
1. Hun
in manlang takin tawntung hun manawh hi. Pasian’ neihsa Amah piak ding itsik
kei in. Lungsim khempeuh tawh piak ding hong kal hi; pia in. Ama aa hi. A hong
piansak ihih banah a hong lei-sa i hi hi. I lungsim hong ngen hi; pia in. Ama
aa hi. Na sum hong ngen hi; pia in. Ama aa hi’.Ellen G. White, The Acts of the
Apostles, 566. Ellen G. White in
“Pasian
aa Amah ap kik lo-in om kei in. Pasian in a ngah ding mahin kilawm hi, cihna
tawh piak ding hi lo hi; Pasian aa hi, cihna tawh Amah apkik ding hi, cih
lungsim lo-in Pasian na piakna hong
sang
lo ding hi. Sawma khat i piak lohteh koi bangin ei le ei a kibuluh suak i hiam?
2. Sawma
khat ansaal ah koih lo-in eima hoihsak mun khatah piak ding hi, cih thu koi
bangin na ngaihsun hiam? Bang hangin hih bang ngaihsutna in khial hiam? Tua
bang hi leh pawlpi nasep bangci ding hiam? Bang hangin tua bangin mimal
hoihsakna mun khatah kipia hi leh bang siatna hong om thei ding hiam?
3. Pawlpi
makaite’n amau angsung nasepna–in sumpi zang ahihteh sumpi khia nawn lo, ahih
kei leh mundangah a khia mite’n Jerusalem biakbuk in siatna tawh kidim taleh
Jesuh in meigongnu’ sumpi khiat manpha a sakna thu a ngaihsut ding uh kisam hi.
