LESSON 7 FEB. 10 – 16
PASIAN TUNGAH THUTAKNA
TU
KAAL SUNG SIM DING: Lk.11: 42; 16: 10; Siam. 27:30; Pian. 22:
1-12; Heb. 12: 2; 7: 2-10, 13; Neh. 13.
KAMNGAH: “Leihoih a tukna
munte pen Pasian’thu a zak ciangin lungsimtak tawh a thu mangin kip tawntung uh
ahih manin amau a’dingin man a neite a cihnopna ahi hi, a ci hi ( Luke 8:15).
Koi bangin lungsim thutak kimu thei hiam?
Tuhunteh lungsim thutak neite kithusim lo kha thei hi. Mi a tamzaw kithuman lo
hi. Siatna lianpi ahih kei nak leh zuau gen ki-awlmawh lo hi. Khat veivei
thuman lo nasepna khat ahi ding mahin kingaihsun mawk hi. Thumanna le thutakna
tonkhawm tawntung hi. Ahi zongin i pian a kipan thutakna lungsim kinei lo hi.
Thutak ding kisin kul hi. Neihsa kemsiam khat in a kisam hi. Thutak a om
ciangin na hoih kimu thei hi. Zuau thugenna hangin kimat kihen ding lau-na,
kineihkhem cihte om lo hi. Tua hi’n thutakna in a manpha mahmah zia le tong
khat hi. A diakdiakin zuau-na ding ze-etna munte ah thutak ding hamsa hi.
Tu kaal sungin sawm-ah khat le neihsa zeekna
ah thutakna a kitangsap thu i kikum ding hi.
SUNDAY FEB. 11
THUNEU-AH THUTAK
Zuau a deih kuamah om lo hi.
Mi khat in zuau gen leh hoihsa het lo napi-in ei mahmah in zuau i gen kha zel
hi. Tua bangin zuau i genteh i gen ding mah hi, ci-in khial kisa lo-in thutak a
gen mahin ngaihsutna hong lut thei zel hi. Khat veivei ciangin thuneu khat hi
lel hi; thupi lo ahihteh ci’n, olno takin kizuau kha zel hi. Ei le ei i kikhem
zo kha thei hi. Ahi zongin kuamah in Pasian a khem thei kei ding hi. “ Thu-um
mite sunga zuau thu in thu upna-ah a sa lah hi lo, vot lah hi lo dinmun hong
tun hi. Tua bang mi in Khrih tawh kizopna nei loin amah le amah a kikhem mi
hi.” Ellen G. White, Vol. 4., 310.
Lk. 16:10 sim in.
Thuneu no khat tungah thutakna thupi mahmah hi, cih thu tawh kisai-in Jesuh in
bang thuguipi hong hilh hiam?
________________________________________________________
______________________________________________________________
Van le nate tawh kisai zuau ding baih ahih
manin thutak lohna, angsung huaihamna tawh kisai limtakin hong hilh hi.
Siam. 27:30; Mal. 3:8
sim in. Thutakna thu bang hong hilh a, koi bangin thutak ding i hiam?
__________________________________________________________
_______________________________________________________________
“ Lungdamko ding, piakhia
ding cihte kisawl zawh thu hi lo hi. Thutakna bulphuh hi. Sawm-ah khat in Topa
aa hi. Ama aa ap kik ding hong sawl hi. Van le nate tungah thutakna pen a bulpi
hi-in, Pasian tungah piakkhiatna-ah zong thutak ding kisam ahih leh na dangte
tungah zong thutak ding hi lo hiam? Ellen G. White, Education, 138.
Koi bangin sawmah
khat a khia mi in na khempeuh a nei tatak Pasian hi cih theitelsak hiam? Bang
hangin i neihsa khempeuh Pasian’ aa hi cih phawk ding kisam hiam?
MONDAY FEB. 12
UPNA TAWH NUNTAKNA
Pian. 22: 1-12 sim in. Abraham’ upna
bang hong hilh hiam?
___________________________________________________________
___________________________________________________________
Upna tawh nuntakna in tawmno khat sung ding
bek hi lo hi. Khat vei bek upna pulaak ding hi lo hi. Nuntak hun sung Khrih’
hehpihna le a sisan tawh a nungta i hi hi. Abraham in ama upna hangin Morial
mualah a tapa Isaac biakpiakna-in a piak kum tul tampi pha-khin hi taleh tudong
mah a kigen gen thu hi (Pian. 22). Tua bangin Abraham in a piakkhiattheihna
thakhatin a piang hi lo hi. A beisa huna a cihtakna le a thumannate in a tapa
pia ngamsak hi zaw hi. A beisa hunin Topa tungah a citak lo hi leh Topa tungah
citak zo lo ding hi. Tua bangin a tapa a piakkhitteh zong Abraham in upna tawh
nungta suak hi. Tua bang mahin neihsa kepsiamna zong tawlkhat sung bek
kepsiamna hi lo hi. Thanem hun a om mah bangin a hat hun zong om ding hi.
Heb.
12:2 sim in. Koi panin upna hong kipan khia-a koi bangin upna nei ding i hiam?
_____________________________________________________________________
_____________________________________________________________________
Jesuh in Pasian’ tokhom ah vangliatna tawh a
tutma-in gimna, maizumna thuak hi. Neihsa zeeksiam khat in Jesuh mah bangin
Jesuh bek mah mitsuan ding hi (Heb. 12:2). Amah in ‘i upna hong kicingsak Pa’
‘hong zosak Pa’ hi. Jesuh bek mah in upna hong picingsak hi; Amah bek mah in
kicingsak hi (Heb. 6: 1,2). Tua hi-in upna i cihin a khangto upna, a nungta
upna, nunna hong khelna hi.
Bangci bangin na upna
in khangin picing hiam?
TUESDAY FEB. 13
UPNA A PULAAK THUTE
Upna in a khangtoto, a
picing semsem ding kisam hi. Sawmah khat piakna in upna picinna khat hi.
Telthei hi lehang sawmah khat piakna in gamtat tawh dikna ngah ding hanciamna
hi lo hi. Sawmah khat piakna in upna pulaakna hi zaw hi. A kimu thei upna hi
zaw hi.
Dawite in zong Pasian um,
Jesuh zong um uh hi (James 2:19). Ahi zongin sawmah khat Pasian tungah ap kikna
a kimu thei upna hi.
Lk. 11: 42 sim in.
Jesuh in sawmah khat tawh kisai bang gen hiam? Koi bangin sawmah khat le
thukham in kizopna nei hiam?
_________________________________________________________________
__________________________________________________________________
Sawmah khat piakna in Pasian
tungah kingakna, muanna, Jesuh in ka Honpa hi, ci-in pulaakna hi. Sawmah khat
piakna in Khrih sungah thupha ngah kitheihtelna a pulaak banah a hong kamciam
thuphate pulaakna hi
(Eph.
1:3).
Pian. 28: 14 – 22 sim
in. Bangci bangin Jacob in Pasian’ piak kamciam pulaak hiam?
___________________________________________________________________
___________________________________________________________________
Sawmah khat piak ding etlawm
a, mi khempeuh in a piak zawh dingin
Pasian in a geelkholhsa hi.
Sawmah khat khiatna-ah hanciamna le upna kisam hi. Sawmah khat in Pasian kiang
pan hong kipan hi. Telzawhloh dingin thuthukpi hi lo hi; telnop mahmah hi. Mi
khempeuh in tatkhiat nasepna sungah kihel thei dingin kigeel hi. Pasal, numei,
khangno a kuama peuh in Topa aa dingin a manpha nate a kemcing mi hi thei uh
hi. Van le nate tungah citak ding kisam hi. Ellen G. White, Counsels on
Stewardship, 73.
Bangci bangin sawmah
khat piakna tungtawnin upna tawh kisai thupha na ngah hiam? Koi bangin sawmah
khat piakna in na upna khangsak hiam?
WEDNESDAY FEB.
14
SAWMAH
KHATAH THUMAN: TOPA AA DINGIN SIANGTHO
Pasian tungah sawmah khat pia ding cih thu i
za mun mahmah hi.
Bangci bangin Pasian’neihsa Amah mah piakik i
hiam? Siam. 27:30 sim in. Sawmah khat tawh kisai bang thupi hong hilh hiam?
_____________________________________________________________
____________________________________________________________________
“Sawmah khat in Pasian aa hi. Tua hi-in
sawmah khat in siangtho hi. Piakna hangin a siangtho hi lo-in, Topa in sawmah
khat pen keima aa hi, ci ahih manin a siangtho hi zaw hi. Sawmah khat tungah
Pasian simloh kuamah in thunei thei lo hi. Sawmah khat khiat pen sumpi piakna
hi lo hi. Bang hang hiam cihleh sawmah khat in mihing aa hi lo hi.” Angel
Manuel Rodriguez, Stewardship Roots (Silver Spring: Stewardship Ministries
Department, 1994), 52.
Mihing in sawmah khat siangthosak thei lo hi.
Pasian bek in siangtho-sak hi. Pasian in a siantho-sak dingin vangliatna nei
hi. Neihsa kem i hihna tawh kizui-in Ama aa mah i ap kik hi zaw hi. Sawmah khat
in totkhiat nasepna-ah kizang dingin Topa tungah a ap i hi hi. Tua lo
nadangte-ah i zat leh a thuman lo i hi ding hi. Sawmah khat khiat ding pen
cihmah hunin pelh ding hi lo hi.
Heb. 7: 2-10 sim in. Abraham in Melchizedek
tungah sawmah khat a piakna thu Paul in a pulaak tungtawnin bangci bangin
sawmah khat a thupitna kimu thei hiam? A tatakin Abraham in kua tungah sawmah
khat pia hi zaw hiam?
_____________________________________________________________
__________________________________________________________________
Sabbath in a siantho mah bangin sawmah khat
in zong siangtho hi. ‘Siangtho’ cih kammal in ‘Pasian aa dingin kituamkoih’
cihna hi. Sabbath le sawmah khat in Pasian aa dingin kituam koih hi. Piansak ni
7 pan a ni sagih Sabbath ni tuamkhenin a siantho mah bangin sawmah khat zong
Pasian aa hi-in siangtho hi. Pasian in a ni sagih ni siangtho-sak hi.
Biakpiakna hun dingin Piangsak Pa mahmah in a tuamkoihsa hi. Tua bangmahin i
ngah khempeuh lak pan sawmah khat zong Topa aa dingin siangtho hi.
“Thuciam Thak in Sabbath thupiak a hong hilh
bangin sawmah khat tawh kisai hong hilh kik lo hi. Ahi zongin a nihin kip
tawntung ahihna hong hilh hi. Nipi kaal khat sungah Topa in Ama aa dingin ni
khat a tuamseh mah bangin i ngah khempeuh lak pan sawmah khat zong citakna tawh
Topa mah i ap ding kisam hi.” Ellen G. White, Counsels on Stewardship, 66.
Sawmah khat in Topa aa hi; siangtho hi, cih
bangin hong phawksak tawntung ding hiam?
THURSDAY FEB. 15
KHANLAWHNA, KIPUAHPHATNA LEH
SAWMAH KHAT
Kum tampi sung kumpi sem
Hezekiah’tangthu in Judah sungah a thupi mahmah khatin kiciamteh hi. David le
Solomon khitah Israel gam in nopna nei lo hi. Hezekiah in a gam sungah
puahphatna le khanlawhna bawl a,
“Topa’ mitah a man gamta hi”
(2Khang. 29:2). “Topa’ biakinn sungah nasepna ki-omsakkik hi” (2Khang. 29: 35)
“ Jerusalem ah lungdamna lianpi om hi” (2Khang. 30: 26). Milim tuamtuam,
biakna-tau le mualtung a biakpiaknate susia hi (2Khang. 31: 1). Thakhatin
khanlawhna le kipuahphatna panin sawmah khat le sumpi tampi ngah uh hi (2Khang.
31: 4, 5, 12).
Nehemiah in a dang
kipuahphatna, khanlawhna le sawmah khat piak pulaak hi. Neh. 9: 2, 3 sim in.
Lungsim kipuahphatna i cih bang hi ding hiam? Neh. 13 sim in. Nehemiah in
biakbuk a puahphat khitteh
Judah
mite in bang hong paipih uh hiam? Neh. 13: 12.
“Kipuahphatna le khanlawhna
kibang lo hi. Khanlawhna in upna thaksuahna, lungsim thak, ngaihsutna thak,
upna thu ah sihna pan thawhkikna hi. Kipuahphatna ahihleh sepzia bawlzia
geelpha kik, pomzia zuihzia khel (idea and theories) ngei-na, gamtatnate
bawlphatna hi.” Ellen G. White, Christian Service, 42.
Kipuahphatna, khanlawhna le
sawmah khat in kizom bilbial hi. Sawmah khat a khia lo mi in khanlawhna le
kipuahphatna nei lo hi. Topa tungah lungsim takpi tawh kipiak ding sangin thu
dangdangte in hong huzaap kha zel hi. Kipuahphatna le khanlawhna ah cihtakna
kisam hi. Sawmah khat piakna-ah zong cihtakna kisam hi. Pasian’ hong nget pia
nuam kei lehang
Pasian in i thunget hong dawng dingin lamet
ngam ding hi lo hi. Khanlawhna le kipuahphatna a om nading mun in pawl sung hi;
pawlpua
hi lo hi (Late 85:
6). Khanlawhna hong om nading Pasian kiang i nget kul hi
(Late 80:19). “Itna masa” a
nei kik dingin kipuahphat kul hi (Mang. 2:5) . Van le nate kepna a kipan sawmah
khat piaknate ah kipuahphat ding kisam hi. I gamtat in kilamdanna piangsak hi
lo-in, i lungsim puak le cihtakna in na khempeuh kilamdangsak hi zaw hi. Tua
bangin kipuahphatnate in upna khangsakin, thuman thutak muhna khang semsem a,
sepna khat peuhah thumanna kimu ding hi.
FRIDAY FEB. 16
NGAIHSUTBEH DING: Pasian
in mi khempeuh Ama kiang zuan dingin thuciam bawl hi. Tua thuciam sung
om dingin mi khempeuh hong sam hi
(Heb. 8:10). Tua thuciam kamciam in hehpihna, itna le a
hong hotkhiat pulaak hi. Pasian tawh thuciamna sungah thu tampi kihel hi:
Pasian, thuciam ngah mite, thuciam bangin nuntakna, thuciam tungah cihtakna,
thuciam panin lampial mite thuak ding gimnate, thuciam panin thupha cihte kihel
hi.
Hih
in Mal. 3: 9, 10 sunga sawmah khat tawh kisai khempeuh pulaak hi.
Mal. 3: 9, 10 in sawmah khat thupiak, Pasian le neihsa
kem mite tunga a thuciamte hong hilh hi. Pasian tawh thuciamna sungah na om
ciangin leitung nate mitsuanin na nei kei ding hi. Mawhna tawh kidim hi mah
taleh na hoih hong piang khia thei hi, cih lametna tawh a nungta i hi hi. “
Angsung thei mi in sawmah khat pia nuam lo hi. Topa in mite tawh thuciam bawl
khin hi. Tua thuciam in Khrih’ gam aa dingin sawmah khat a pia mi tungah Topa
in a kamciam a om bangin thupha pia ding hi. Koih nading om lo zah dongin
thupha pia ding hi. Ahi zongin Pasian’ neihsa a humcip mi tungah hamsiatna tung
ding hi.” Ellen G. White, Counsels on Stewardship, 77.
Pasian tawh thuciamna in masuan hong neisak
hi. Ama kamciamte sungah i nungta hi. Ahi zongin a hong thupiakte le masuan i
nungngat kha zel hi. Tua thuciam sungah mihing’ sep ding zong om a, tua thuciam
sungah sawmah khat zong kihel hi.
KIKUP
DING DOTNATE
1. Bang
hangin sawmah khat khiatna in upna tawh kizom hiam?
2. “Bang
mah nei lo sawmah khat pia zo keng” a ci mi khat tungah bang na gen diam? Koi
bangin sawmah khat khia dingin na hanthawn ding hiam?
3. Bang
in sawmah khat siangtho hi, cih thu hong phawksak hiam? Hih in sawmah khat ah
cihtakna hong neisak hiam?
