LESSON 6 FEB. 3-9 NEIHSA ZEEK MI KHAT KICIAPTEHNA

LESSON 6    FEB. 3-9

NEIHSA ZEEK MI KHAT KICIAPTEHNA

TU KAAL SUNG SIM DING: Heb. 11: 8- 12; 9: 14; Rom. 4:13, 18 – 21; Matt. 6:24; 1John 5: 2,3; Lk. 16: 10-12.

KAMNGAH: “Kote pen Khrih’nasem, le Pasian’ thusim a zeekte-in nong ngaihsut ding uh ahi hi” (1Kor. 4:1).

Vanzat na khat koi pan hong pai, koi-ah kibawl cihte ciamtehna khat om hamtang hi. Mi tampi’ theihpih nate kizang hi. Khrih tawh kizopna tungtawnin Ama hong itna a kilangsak mi in nate a zeek siam mi hi,ci-in i thei thei hi. Khrih tawh nungta khawmin Ama zia le tong i neih ciangin, Ama mi taktak ihihna kilang hi. Ama sungah i om a, i sungah Amah hong om hi (1Kor. 6:17). Tu kaal sung i et ding thu in Pasian’ neihsa zeek mite’ nunzia tawh kisai thute hi ding hi. Neihsa zeek siam mi in Jesuh hong pai kik ding ngakin, ama tungah ki-ap na khempeuh tungah citak hi. Neihsa zeek siam mi in a mangthangte zong ding le honkhia dingin hong pai Honpa tawh kizopna kip nei hi, cih kimu hi. Neihsa zeek siam mi khat’ nunzia tawh kisai thusinna tungtawnin eite’n zong tua bang nunzia i nei thei hi. Pasian’ zia le tong itna i neih ciangin Ama mi i hihna kilang hi ding a, tua itna in i nunna khempeuh huzaap ding hi.

SUNDAY      FEB. 4

CIAMPEL LO/ THUMAANNA

Neihsa zeek siamna sungah thumanna kisam hi (1Kor. 4:2). Upna kip a nei dingin hoihtakin galdo ding kisam hi (1Tim. 6:12). Pasian in Pasian ahihna thumanna in pulaak hi. I sungah na hong semin Ama tungtawnin a thumaan ding i hi hi. Thumaanin nungta cih ciangin thuman thute ah ciampel lo cihna hi. A sia le a pha, a man le a man lo i tuak ding hi. Upna galdo-na ah a sia le a pha, thuman le thuman lo hong om ding hi. Neihsa zeek siam mi in a hoih nate, thuman thute ah a ciampel lo mi hi. Sum it mi na hih leh Pasian tungah thumaan in. Sum itna lauhuai-nate phawk in. Minthanna lunggulh na hihleh kiniamkhiatna citak in. Pumpi deihna khenglah mi na hih leh Topa kamciam siantho-na mitsuan in. Vang le thuneihna iplah mi na hih leh Pasian’ sila hihna-ah kalsuan in. Thumang ding na tel thei a, tua bang mahin phengtat ding zong na tel thei hi. Na telna tungtawnin tawntung na tun nading mun na ngah ding hi.

Heb. 11: 8 – 12, 17 – 19; Rom. 4: 13, 18 – 21 sim in. Thumaanna thu bang hong hilh hiam?

_________________________________________________________

_________________________________________________________

Hebrew laimalin ciampel lo cih kammal a khiatna in “Amen” cih kammal tawh a khiatna kibang hi. Ciampel lo i cih in sittelna thuak ttaleh Pasian tungah thumaan cihna hi.

Martin Luther in Emperor mai-ah thugen ding kigingkholin a pulaak thu in: “ Pasian kammal sim in. A laigelhte en kik kik hi. A kidong thute dawng kik dingin hoih tak kiging khol hi. Lai Siangtho tungah a khut nga-in, a khut tak lamin vantung lam kawkto-in, a nuntakna a bei dongin a upna le hotkhiatna thu-ah ciampel lo dingin kiciam hi.” J.H. Merle d’Aubigne, History of the

Reformation (New York: The American Tract Society, 1846), vol.2., book 7, 260.

Mang. 2: 10 sim in. Nisimin Topa tawh kalsuanna-ah “Sih dongin thumaanna” cih kammal a khiatna bang hi ding hiam?

MONDAY       FEB. 5

CIHTAKNA

“Kuamah in to nih na semkhawm zolo hi. Banghang hiam cihleh khat mudahin khat a it ding hi. Ahi kei leh khat tungah kipia-in khat a simmawh ding hi. Note in Pasian aa ding le sum le pai aa dingin na nasemkhawm zo kei ding uh hi” (Matt. 6: 24). Pasian tungah cihtakna bang hong hilh hiam?

____________________________________________________________

___________________________________________________________

“Pasian in, Kei in a aam Pasian ka hi hi,” ci-in hong hilh ahihteh Ama tungah cihtak ding hong deih hi. Pasian in hong it tawntung hi. Pasian tungah cihtakna in Ama mi i hihna in cihtakna in upna galdo-na ah hong thahatsak hi. Pasian tung ah cihtak ding thupi mahmah hi (1Kum. 8: 61). Pasian tung ah cihtakna in i tuah ding thute thuak hamsa lo ding hi, ci-in lametna tawh Topa tung cihtakna hi lo hi; Ama tung ah i sep dingte thei khol a cihtak zong hi lo hi. Pasian tungah cihtakna i cih in i nuntakna ah a kimu khia thei Amah i upna, i muanna, kipumpiak khiatna cihte hi.

1Khang. 28: 9 sim in. Bang zahin cihtakna thupi hiam?

______________________________________________________________

_____________________________________________________________________

A citak mi a kidop kei leh ciampel lampial kha thei hi. Mi khat kiangah hong it in, ci-in thatang hatna tawh kisawl theih loh bang mahin cihtakna zong tua bangin lungsim khensatna tungtawnin hong luangkhia ding ahi hi. Tua lo-in cihtakna man kici thei lo ding hi. Gal sungah galkapte in galdo kei leh a makaite a sihlawh tampi om ding hi. Tua galkapte’n galdo ding thupiak a ngah manun galdo hi kha ding hi. A makaite tungah cihtakna hi pah khol lo thei hi. Ahi zongin Pasian in tua bangin a citak dingin hong lamen khol lo thei hi.

Job en in. A innkuan sungah gimna, sihna tung dingin ngaihsun lo ding hi. Pasian tungah a cihtakna, itna, a kipiaknate taisan thei hi. Ahi zongin Pasian tungah cihtak veve hi. Thumanin, Pasian’min phat a, “Ka nuntakna a bei zongin Pasian ka muang veve ding hi” ci-in pulaak hi (Job 13:15). Gimna, sihnate lakah thuman, citak veve hi. Etteh ding a citak mahmah nasem mi hi, cih kilang hi.

Nang le nang kidong in. Nang aa ding hong si Topa tungah bangzahin na citak hiam? Bang in Topa tung na cihtakna pulaak hiam?

TUESDAY     FEB.6

KISUANNA NEI NAWN LO

Na manpha tampi kinei thei hi. Cidamna, itna, lawm le gual, innkuan cihte in thupha tatak hi. Ahi zongin hihte sangin a thupi zaw in kisuanna bang mah a nei lo lungsim hi.

Heb. 10: 19- 22; 1Tim. 4: 1,2 sim in. “Kisuanna nei” “siksa tawh a kibi ngaihsutna” cihte in khiatna bang nei hi ding hiam?

___________________________________________________________

_________________________________________________________________

I ngaihsutna in i gamtatzia makaih hi. Lungsim ngaihsutna in a siangtho, dinmun sang – Pasian’ thukham tawh tonkhawm ding kisam hi. Pasian in Adam lungtang tung a thukham gelhsak hi. Ahi zongin mawhna in tua lungtang tuamcip hi. Amah bek hi lo, mi khempeuh hong tuamcip hi. Lungtang tungah tua thukham tawm khat bek cianlai hi. “Gentile-te in a lungtang tung uah thukham gelh uh hi. A lungsim ngaihsutna un teci pang hi’ ( Rom. 2: 15). Jesuh in Adam khialhnate kantan zo hi. Bang hang hiam cihleh Jesuh in a lungtangah Pasian’ thukham koih hi’ (Late 40:8).

Paul in ngaihsutna hoih lo zawhzia ding bang hong hilh hiam? Rom. 9: 14

___________________________________________________________

____________________________________________________________________

Lungsim kongkhak hoihtak bitsak in. Leitung nate ah lungsim kongkhak khak inla, vantung thute ah lungsim kongkhak hong in Thuman Nitang lutsak in. A sia le a pha a khentel thei dingin ngaihsutna khuak siangtho-sak in.” Ellen G. White, Mind, Character and Personality, vol. 1., 327, 328.

Upna tawh Pasian’ thukham nuntakpih mite in ngaihsutna siangtho nei ding uh hi. Mawhna hangin kisuanna nei-in, lungkia lamet bei-in na om hangin mainawt in. Kisuanna lungsim a hong hahsiang thei dingin bangci bangin Jesuh le Singlamteh tungah a sihna mitsuan tawntung ding na hiam?

          

WEDNESDAY    FEB. 7

   THUMANNA

Pasian’ thupiak tawh kizui-in Abel in kiniamkhiatin a biakna tau-ah tuuno tawh biakna pia hi. Cain in ahihleh hehsa-in singgah tawh biakna pia hi. A nihun biakna pia uh hi. Ahi zongin Abel in Pasian thumang hi. Pasian in tuuno tawh biak sangin singgah tawh biakna sang lo hi. A nihun biakpiakzia ding thei uh hi. Ahi zongin khat bek in Pasian’ thupiak bangin Pasian bia hi (Pian. 4: 1-5). Cain in Pasian’ thupiak a man loh manin Abel in thahna thuak hi. Abel’ biakpiakna in Jesuh Khrih’ sisan tawh a hong kihonkhia limcing hi. Cain in Jesuh’ sisan in leitung hong tan ding nial hi.” Ellen G. White Comments, The SDA Bible Commentary, vol. 6., 1109.

Thumanna in lungsim pan kipan hi. A thumang mi in a kisawlna bangbang zui-in sem hi. Thumang mi in tungsiah thupiak zui-in sem hi. Pasian tawh kizopna-ah a thupiak zuihnopna, utna tawh a thupiak a zui i hi hi. Itna in a hoihin hong zuunpha hi. Pasian thuzuihna-ah mihingte hoihsak thu hi lo-in Ama hong cih bangbangin zuih ding hi zaw hi. Cain in Pasian’ sawlna mang lo-in ama hoihsak tawh gamta hi. Pasian thumanglote Cain bangin gamta uh hi.

1John 5: 2, 3; Romans 1:5, 10: 16, 17 sim in. Thukham zuihna tawh hi lo, upna tawh hotkhiat kingah hi, cih thu siksanin thumang cih in bang pulaak hiam?

________________________________________________________________

_____________________________________________________________

A hong kihotkhiat nadingin thumang i hi kei hi; hotkhiatsa mite i hih manin thumang i hi zaw hi. Thuman’na in upna tawh nuntakzia pulaak hi.

Samuel in Saul kiangah “Topa in meihal biaknate le biakpiaknate Topa’ thu man’ding zahin deih ahi hiam? En in, biakpiakna sangin thu man’ ding hoihzaw a, tuutal thaute sangin thu ngaih ding hoihzaw hi” (1Sam. 15:

22).

Samuel in “Biakpiakna sangin thumanna in hoihzaw hi,” a cihteh bang khiatna nei hi ding hiam? Hehpihna tawh hotkhiatna kingah hi. A suakta mi i hi ta hi, ci-in ut bangin om ding hi, cih thu panin bangin hong dal thei ding hiam?

THURSDAY        FEB. 8

MUANTAAKCING

Lk. 16: 10-12 sim in. Muantaakcing hihna bang hong hilh hiam?

Neihsa zeeksiam mi khat aa dingin bang hangin muantaakcing hihna in thupi hiam?

________________________________________________________________

________________________________________________________________

Lai Siangtho in muantaakcing hihna limgen mahmah hi. Gentehna-in zan ciangin biakbuk cing ding Levi mi li kikoih hi. Van koihnate vilin, zingsangteh kongkhakte hong uh hi (1Khang. 9: 26, 27). Bang hangin hih mite kisawl hiam cihleh muantaakcing ahih man uh hi.

Neihsa zeeksiam mi khat in a muantakcing hi ding hi. A sep ding thei hi. Pasian in muantaakcing hi, cih thei uh hi. Tua bang mahin amau zong mite muantaakcing dingin nungta uh hi (Thkna. 32: 4; 1Kum. 8: 56). Muantaakcing hihna in gamtat hoih neihna khat hi. Deihhuai pen gamtatna-in kingaihsun hi. Muantaakcing mi in a sepna matun hi. Bang bang piang taleh a gen bangin a sem mi hi ( 2Kum. 12: 15).

Babylon kumpi nihte in Daniel in muantaakcing mi hi, ci-in ciamteh hi.

Mitphialsiamte, aisan theite in bang bangin mawhsak mah taleh Daniel in a muantaakcing ahihna pulaak hi. Muantaakcing hihna in gamtat hoih penpen dinmunin kingaihsun hi. Pasian in a muantaakcing ahihna kilangsak hi. Muantaakcing hihna in ni khat sungin a piang thei hi lo hi. Ahi zongin thuneu no khat tung panin muantaakcing hihna kimu thei hi.

Mite in muantaakcing na hihna mu thei uh hi. Na muantaakcing hihna panin hong zahtak ding uh hi. Bang hang hiam cihleh a muantaakcing mi in khat ii ngaihsutna, pahtawi-na, phatna tawh a ngaihsutna khel lo hi. Muantaakcing hihna in i gamtatna tungtawnin kimu thei hi. “Vantung gam nasem eite in a citak ding i hi hi. Leitung hauhna neite in vantung hauhna, a hoihna, hehpihna, lungnemna le a etlawm zia le tong kilangsak ding kisam hi.” Ellen G. White, 6T., 190.

Muantaakcing nasak mi khat ngaihsun in. Bang etteh ding na hiam?

                              

FRIDAY  FEB. 9

NGAIHSUTBEH DING: Neihsa zeeksiam khat in ama sep bangin sittelna thuak ding hi, cih amah le amah kitel hi. “Mihing in Jesuh tawh kigamla dingin Satan in nasem hi. Mawhpuak nuamlo lungsim hong guan hi. Satan in Pasian Tapa zo lo hi. Ahi zongin mihingte hong zo hi. Khristian biakna kisia khin hi.” Ellen G. White, Early Writings, 213.

I nuntakna-ah Khrih bulpi-in nei lehang Amah i kimakaihsak tawntung ding hi. Tua hi leh i nuntak ah upna, cihtakna, thumanna, lungsim siantho-na, muantaakcinna cihte kimu ding hi. Tua hi-in neihsa zeeksiam mi khat ahi dingin Pasian in hong bawlpha hi (Late 139: 23, 24). Lai Siangtho in mimal sep ding hong hilh hi. Leitungah Jesuh hong pailai-in Pa’ sawl bangin nasem thuhilh hi (John 8: 28). I kampau-na tungtawnin sittelna om ding hi (

Matt. 12:36). Tampi kipia-te tung pan tampi mah kingen kik ding hi (Lk. 12:

48). Nangma sep ding hi napi sem loin midang khat na khiat leh a lauhuai thusitna na thuak ding hi. “Eima neihsa metbawl dingin a hong kikemsak hi lo hi. Eima aa mah a kem hi lehang tua nate eima thu-in zangin midang khat i ap thei ding hi. Ahi zongin tua bang hi lo hi. Bang hang hiam cihleh Pasian in

Ama neihsa zeek dingin minal hong sawl hi.” Ellen G. White, Vol. 7., 177.

KIKUP DING DOTNATE

1.  Neihsa zeekna tawh kisai i sin mimal nasep, cihtakna, thumanna, muanhuai-na, ngaihsut siantho-na cihte ngaihsun kik in. Koi bangin hihte in khat le khat kizom uh hiam? Koi bangin mun khatah thanemna in a dangte susia hiam? Ahih kei leh khat nei lehang a dangte zong hong kizomto thei ding hiam?

2.  Lungsim kisuanna tawh kisai Pasian hong kamciam bang kamciam siksan ding na hiam?

3.  Cihtakna in deihhuai hi. Ahi zongin na hoihah cihtakna le a hoih lo khatah cihtakna khentel dingin bang hangin cihtakna in a hoih thu-te-ah cihtakna hi zaw hiam?