LESSON 4 JAN. 20 – 26
LEITUNG GAMTAT PAN SUAKTA
SABBATH
NITAK
TU
KAAL SUNG SIM DING: Late 119: 11; Eph. 6:18; Rom. 8: 5, 6; Heb.
11: 1-6; 1Kum. 3:14; Eze. 36: 26, 27.
KAMNGAH:
“ Hauhna in sih nading panin hong hu thei lo a, ahi zongin thumanna in na sih
ding hong hu thei hi……. Tuk lai-a singteh tam bangin midikte’ hauhna khang ding
a, phalbi lai-a singteh pulh bangin hauhna a suangte kiam ding hi” Paunak 11:
4, 28.
Satan in Zeisu a lelh hangin
mimal hong zo thei hi. Pasian’ vangliatna le vantung galvante tawh a do lo mi
in Satan’ khutzat leitung nate in hong zo gawp ding hi. Tua hi-in vantung
thupha hong Pia Pa mitsuan tawntung ding kisam hi. David in hih thu a manphatna
hih bangin pulaak hi: “humpinelkai khanglaite in kisapna le gilkialna thuak a,
ahih hangin TOPA a zongte in na hoih a kisap uh om lo hi” (Late 34: 10).
Solomon in zong kham le ngunte sangin pilna le theihtelna manpha-sa zaw hi
(Pau. 3: 13, 14). Nopna taktak le nunna hoih in, neihsa hauhnate pan hong pai
lo-in, a nungta tawntung eite hong nei Khrih mitsuanna panin hong pai hi zaw
hi. Leitung nate’ hong ze-etna panin suahtak nading lampi khat bek om a,tua in
Khrih tawh nisim a kizopna ahi hi.
Tu kaal sung i kikup ding
thute a tomin en lehang: Khrih tawh kizopna-ah leitung nopsaknate kantan zawh
nadingin kisam mahmah ahihzia, nuntak manneihna in Khrih aa ding nuntakna
ahihlam kiphawk ding thupi hi.
SUNDAY JAN. 21
KHRIH TAWH KIZOPNA
Nektawm zong mi hi taleh leitung nate
itluatna in Khrih sangin leitung nate tawh hong kipawlsak zaw thei hi. Leitung
nate iplah luatna in hamsiatna lianpi khat hi-in, nate iplahna Topa a ki-uksak
kei leh, tua mi in hotkhiatna tawh kigamla semsem ding hi. Satan in hih thu
thei ahih manin tua hangin leitung nate tawh thaang hong siah den hi. Bang
lampi bek in Satan’ mawhzawlna panin hong suakta sak ding hiam?
“Vantungah a om thute ngaihsutin nei unla,
leitungah a om thute ngaihsutin nei kei un” (Kol. 3: 2). Bangci bangin
Paul hong gen thute nuntakpih na hiam? Late 119: 11; Eph. 6: 18.
_____________________________________________________________
________________________________________________________________
Bang thute ngaihsun dingin Lai Siangtho in
hong hilh hiam? Phil. 4:8.
_____________________________________________________________
_________________________________________________________________
Hamsa, nuamsa taleng, Khrih tungah cihtakna
bek in leitung nate iplahna hong kaamsak hi (Late 34: 1). Moses in mailamah a
thaman ding mukhol thei ahih manin Egypt gam sunga hauhna le nopsaknate
khempeuh sangin
Khrih hangin
simmawhna thuak taakzaw tham hi, ci-in a ngaihsun hi” (Heb.
11: 26). Na tuamtuamte sangin Khrih i masak zawk tawntung
ding kisam mahmah hi. Khrih in Amah i upna siksanin a tungah a cihtak dingin
hong lamen hi. Cihtakna pen mihing’ hoihsak thu khat siksan ding hi lo hi. Amah
um i hih manin thupha hong pia ding, ama tungah ki-ap lehang hong cithei sak
ding cihte tungah kinga lo zaw-in, Khrih in kua hi-a, eite aa dingin bang hong
sem hiam cihte siksan ding kisam mahmah hi. Ama sungah i nunna selcip ding
kisam hi.Ama geelna khempeuh nang aa hisak pah in. Cihtakna in ‘nunghei lo-in,
mainawt hi (Lk. 9: 62). Tua bangin i cihtak ciangin Ama’n nunna kicing i nei
ding hi. Ama tungah i ki-ap ciangin Amah mah in leitung nate iplahna hong
sattatsak ding hi. Nate mitsuan nawn lo-in Khrih bek mitsuanin i nungta ding
hi.
Tua
bek mah in nunna hawmpi nunna cingtaak suaksak ding hi.
Leitung hauhna na zongin a bei hunte, nate
iplapna-a hun beite ngaihsun in. Leitung nate tawh nopsakna in tomno sung bek
hi lo hiam?
MONDAY JAN. 22
LAI SIANGTHO SUNGAH
Lai Siangtho bu
6,000,000,000 val bang kihawmkhia khin hi. Ahi zongin mi bang zahin Lai
Siangtho bu in a nungta Pasian’ kammal hi, ci-in um hiam? Thuman thutak
theihnopna lungsim tawh mi bangzah in a sim ding hiam? Hoih takin Lai Siangtho
simna in thuman le zuau thu hong khentelsak ding hi. Lai Siangtho in a nungta
Pasian kiang pan hong pai hi (Heb. 4: 12). Lai Siangtho sim loh thuman muh
nading mundang om lo hi. Lai Siangtho in nisim i nunzia ding hong hilh hi. I
lungsim hong tawisang hi. Pilna hong guan hi. I nunzia hong puahpha hi.
John 5: 39; 14: 6; 20:
31 sim in. John in Jesuh tawh kisai hong hilhna sangin a muanhuai zaw a dang om
lo hi. John in Jesuh’ thu bang hong hilh hiam? Bang hangin tua thute up ding
thupi hiam?
____________________________________________________________
___________________________________________________________
Bang hangin Lai Siangtho
kantel i hiam cihleh Lai Siangtho in Thuman bulpi hi. Jesuh in THUMAN hi. Lai
Siangtho in Jesuh hong lak ahih manin Jesuh a thei i hi hi. Pasian kammal –
Thuciam Lui le Thuciam Thak in Jesuh in kua hi-a, ei aa dingin bang sem cihte
hong hilh hi. Tua thute tawntungin Amah i it thei a, Ama tungah a ki-ap thei i
hi hi. Amah i zuihna tungtawnin hi taleh, a Kammal hong hilh bangin i nuntakna
tawh leitung nate itna le hong hencip mawhna pan suahtakna i ngah hi. “Tapa in
note hong khah le a suakta takpi na hi uh hi” (John 8: 36).
Rom. 8: 5, 6 sim in.
Bang lauhuai hong hilhkhol hiam? Koi bangin Pasian kammal kantelna in leitung
itna hong zo-sak thei ding hiam?
______________________________________________________________
__________________________________________________________
I kidop kei leh leitung nate
itna, sumhauhnopna in Pasian tawh hong kigamla sak ding hi. Tua hi’n Topa hong
hilh KAMMAL i kep tawntung ding kisam hi. Tua KAMMAL in tawntung nunna,
tawntung kimang ding thute hi.
Leitung nate itna in upna
khangcingsak thei lo hi. Leitung nate itna in thuman thutak tawh nuntak ding
sangin huaihamna, nate iplahna, kihhuai-nate hong kin sak zaw hi. Lai Siangtho
in itna in mihuhna, mi tawh kizopna hoih hong neisak hi, ci’n hong hilh hi.
Leitung nate itna in ahih leh angsung thutheihna hong neisak ding hi; Jesuh in
a langpan hoihlohna khempeuh hong itsak ding hi.
TUESDAY JAN. 23
THUNGETNA TAWH NUNTAKNA
“Nang bek a man Pasian na hihna thu le
nangmah in na hong sawl Jesuh Khrih hong theihna pen amaute a’dingin nuntak
tawntung ngah nading lampi ahi hi” (John 17:3). Christian nuntakna-ah upna in
Pasian tawh kizopna hi. Na khempeuh a thei Pasian in tawntung nuntakna ahihleh
Amah tawh kizopna in tawntung nuntakna lampi hi. Tua kizopna-ah khat le khat
thuzakna kisam mahmah hi. Lai Siangtho i simna tungtawn in Pasian in hong hopih
a, thungetna tungtawnin Pasian tawh a kiho i hi hi. Leitung nate mitsuan lo-in
vantung thute mitsuan ding kisam hi. Tua dingin thungetna kisam hi. Bang hang
hiam cihleh thungetna in leitung nate sangin a sangzaw dinmun ah hong domto hi.
Ahi zongin kidop ding khat ah, khat veivei ciangin i thungette in angsung
theihna vive tawh kidim hi. Tua hi-in Pasian tungah i ki-ap ding, i deihna
khempeuh Ama i ap ding kisam hi. Numei khat in Topa aw, mawtaw hoih mah mah
khat hong leisak lo ding na hiam? ci-in thungen hi. Pasian a um mite sungah
leitung nate iplahna hong lut hi. Thunget ciangin leitung nate deihna sisakin
Topa tungah deihna khempeuh i ap ding kisam hi. Mihing deihna zong lo-in Pasian
deihna a zong ding i hi hi.
Heb. 11: 1-6 sim in. Thungetna ah a thupi
bang kisam hiam? Upna tawh Pasian kiang zuan cih thu le upna tawh thungen cih
in bang hi ding hiam?
___________________________________________________________________
___________________________________________________________________
Upna nei lo thungetna in upmawh thu hi ding
hi. Satan’ hong piak a man lo upna hi ding hi. “Upna le thungetna in tonkhawm
hi. Upna tawh thungetna ah vantung pilna om hi; zawhna ngah mi in tua pilna thu
theithei ding hi. “Na khat peuhpeuh na nget uh ciangin ngah ding ci-in um un”
(Mk. 11: 24). Pasian’deihna tawh kituakin thunget ding hi. A hong kamciamte a
ngen dingin hong sawl hi. Topa in a hong piak bangbang Ama aa dingin a zang
dingin hong lamen hi. Ama deihna tawh kituakin i nget khempeuh hong pia lo-in
om lo hi.” Ellen G.White, Prayer, 57.
Kisittel in. Topa tung pan bang na ngen hiam?
Na thunget in na masak thute, thupi nasak pulaak hi lo hiam? Na nget khak bang
om hiam?
WEDNESDAY JAN.
24
PILNA TAWH KIDIM NUNNA
Lai Siangtho sung pan a deih
huai mahmah khat in Solomon in Pasian tung a thunget ahi hi. Solomon in na
dangdangte sangin Pasian’ mite hoih takin a makaih theih nading pilna ngen hi.
“ A sia le a pha ka theih nadingin na mite uk nading thu theitelna lungsim na
nasempa hong pia in” ci-in ngen hi (1Kum. 3: 9).
Pasian in Solomon’ngetna za-in bang kammal
thupi pulaak hiam?
A neihsa khempeuh siatna
tawh kipelhsak hiam? Bang hangin Pasian in Solomon tungah a pulaak thu eite aa
dingin zong thupi hiam? 1Kum. 3: 14; 1John 5:3; 1Pet. 4: 17.
____________________________________________________________________
_____________________________________________________________________
Pasian in Solomon pilna pia
hi. Ahi zongin Solomon in tua pilna zang lo-in, nuntakpih lo hi leh, tua pilna
in thutheihna mawkmawk tawh kilamdang lo ding hi. Pilna zat loh pen pilna tatak
hi lo hi. Mi tampi in Pasian le a thupiakte thei napi mangthang veve ding hi.
Solomon in Pasian’ thupiak
bangin nungta lo ahih manin Pasian’hilh lampi pan lampial hi. A nuntak hun
nununglamteh thuman phawk kik a,
“suangmanpha sangin pilna a
hoih zawkzia” pulaak hi (Pau. 8: 11). Pilna i cih theihna bangin nuntakna le
theihtelna ahi hi. Thutheihna in a thu-in theihna hi-in, theihtelhna in a sia
le a pha khentel hi. Theihna le khentelna gawmkhawmin zatkhiatna in pilna hi.
Neihsa kepsiamna-ah theihna le teltheihna bek hi lo-in hih thute i tuahkhak
thute tungtawnin zatsiamna kisam hi.
Solomon nunzia en lehang,
theihna le teltheihna nuntakpih lo ahih manin, a pil pente zong leitung nate in
huzaap thei ahihna kimu hi.
1Kor. 3: 19 le Pau.
24: 13, 14 enkak in. Pilna namnih kilamdanna bang kimu hiam?Na lawmte tawh
kikum in.
THURSDAY JAN. 25
KHA SIANGTHO
I nuntakna-ah a sia le a pha kido den hi.
Khat in Khrih kiang hong tunpih hi (John 6:44) .A khat in leitung nate lamah
hong kai hi (1John 2:
16). I lungsim khempeuh Kha Siangtho i ap leh, Amah in
thuman lampi, a hoih nate lamah i nunna hong makaih ding hi. “Thuman thutak Kha
Siangtho hong tunteh,Amah in thuman khempeuh hong hilh ding hi ( John 16: 13;
14: 16). Leitung gualnopna, mihing’ ngaihsutna siksan hi lo-in thuman thutak le
upna tawh a nungta dingin Kha Siangtho in hong nungta zo hi. Vantung nunna sung
a lut dingin hoihtak a kigingkhol mi in Kha Siangtho’ makaih mi hi. Paul in hih
bangin pulaak hi: “Note’ upna pen mihingte’ pilna hang hi lo-in, Pasian’
vanglianna hangin a um na hi uh hi” (1Kor. 2: 5). Leitung nate sungah nopsakna
in Khrih tawh hong kigamla-sak hi. Ahi zongin Kha Siangtho hong kaihna na nial
kei nak leh, Amah in Khrih tawh hong kinai-sak ding hi.
Leitung nate tungah
gualzawhna, ze-etna zawhna in mihing’ tha le ngal hi lo hi.
Eze. 35: 26, 27; John 14: 26; Eph. 3: 16, 17
sim in. Kha Siangtho in a hong uk ciangin Pasian in zawhna bang hong kamciam
hiam?
________________________________________________________________
_________________________________________________________________
Satan in ngei-na hoih lo, ngaihsutna hoih
lote tungtawnin mihing lungsim hong zo hi. Satan in siatna lampi-ah makaihin
nunzia sia-sak hi. Lai Siangtho tungtawnin Kha Siangtho in hong hopih a, thuman
khaici hong tuh hi. Tua hi-in Kha Siangtho in a man lo thute hong lakin, i sung
pan hong hepkhiatsak hi. Pasian kammal tungtawnin thuman Kha Siangtho in Khrih
kiang hong paipih hi.” Ellen G. White, The Desire of Ages, 671.
Kha Siangtho in thuman pulaak hi. Khrih in
van a kah khit nungah Amah dinmunah Kha Siangtho in nasem hi. Leitung nate le
gualnopnate a zo dingin Kha Siangtho in hong huh hi.
Leitung in mi khempeuh hong huzaap hi lo
hiam? Leitung nate’ hong ze-etnate hong zawhpih ding Kha Siangtho in a hong
makaih nadingin, tu-in bang khentat ding kisam hiam?
FRIDAY JAN. 26
NGAIHSUTBEH DING: Neihsa
kemte in itna le cihtakna siksanin nasem uh hi. “Cihtakna in itna le
itna tawh sepna tawh tonkhawm hi. Itna in na khempeuh hong zo-sak hi. Itna om
lo nasep in na hoih bangmah sem thei lo hi.” Ellen G. White, Vol. 4., 62.
Leitung paizia ahih leh muhdahna le langpanna
tonkhawm hi. Muhdahna tawh nasepna in langpanna pulaak hi. Lucifer in Pasian
langpan hi (Eze.
28: 16, 17). Satan in amah a kisiat hun a tun dong Pasian
a langpan khawl lo ding hi. Itna panin langpan thuneihnopna piangsak hi. Israel
biakna makaite in Jesuh thuneihna mudah uh hi (Matt. 22: 29). Jesuh in
biakinnpi a siansuah laitakin Ama maitang pan a vangtang en ngamlo-in makaite
in kihem napi uh, a nunzia uh kikhel tuan lo uh hi.
KIKUP DING DOTNATE
1. Itna
le sepna ngaihsun in. Hihte nih tonkhawm hi. Ellen G. White in itna lo-in
sepna, sepna om lo itna cih thu in bang pulaak hiam? Tua in bang tawh kibang
ding hiam? Bang hangin a nihin kisam hiam?
2. Hauhna
in sih nading panin hong hu thei lo a, ahi zongin thumanna in na sih ding hong
hu thei hi……. Tuk lai-a singteh tam bangin midikte’ hauhna khang ding a, phalbi
lai-a singteh pulh bangin hauhna a suangte kiam ding hi” Paunak 11: 4, 28. A
khiatna in bang hi ding hiam? Hauhna tawh kisai bang hong hilh thu le a hong
hilh loh thu ngaihsun in.
3. Solomon’
nunzia na lawmte tawh kikum un. Bangci bangin lampial kha hiam? Thuhilhsia in
Leitung hauhna in a mawkna hi, cih thu pulaak hiam? Tu kaal sung thusinna
tungtawnin thuman sungah a nungta dingin thungetna, Lai Siangtho simna, Khrih
tawh kizopna thu bang na phawk thak hiam?
4. Koi
bangin nektawm zong mi khat in Satan’ ze-etna leitung nate iplah thei veve
hiam?
5. Wednesday
ni-a thusinna tawh kisai-in pilna namnihte ngaihsun in.
