LESSON 3 JAN. 13- 19
PASIAN MAW? SUM?
SABBATH
NITAK
TU
KAAL SUNG SIM DING: Late 33: 6 -9; 50: 10; Matt. 19: 16-22;
1Pet. 1:18; Heb. 2: 14, 15; Pai. 9: 14
.
KAMNGAH:
“Tua ahih manin Pasian in amah a sangpen munah lamto a, min khempeuh sangin a
thupi zaw min a pia hi. Tua ahih manin vantung, leitung le leinuai-a om mi
khempeuh inJesuh min pahtawi-in khukdin ding uh a, Jesuh Khrih in Topa ahi hi,
ci-in lei khempeuh in pulakin Pa Pasian min a thangsak ding uh hi” Phillippi 2:
9-11.
Pasian in sum it luatna, nate iplahna a
lauhuai-na hong hilh hi.Hauhna in Topa’ thupha hi mah taleh a huaiham mi in
Topa a zahtak ding kisam hi. “Mi haipa aw, tuzan ciangin na nuntakna kila ding
hi. Na kholsa tua nate kua in ngah ding a hi hiam? Tua ahih manin ama aa ding
bekin neihsa khol a, Pasian mai-ah a khollo mi in tua pa tawh a kibang ding
hi,” a ci hi (Lk. 12: 20, 21).
Pasian aa ding a nungta mi le sum aa dingin a
nungta mi kipumkhat thei lo hi. Kuamah in a nih tuakin lenkhawm thei lo hi.
Mihing in amah le amah kikhem zo mah ding hi. Ahi zongin kuamah in Pasian khem
theilo hi. I sepna khempeuh Ama mai-ah hong kilaak ding hi. Topa tawh nungta
ding na khentat ding na zekai leh, leitung nate iplahna, sum itnate in hong
tuamcip ding hi. Upna tawh nuntakna-ah khentatna kisam hi. Pasian i cih in kua
hi a, eite aa dingin bang sem a, Ama tungah bang leiba nei, cihte ngaihsun
lehang Amah zui ding khentat ding hamsa lo ding hi.
SUNDAY JAN. 14
KHRIH IN PIANGSAKPA
Pian. 1:1; Late 33: 6-9; Isa.
45: 11, 12; Jer. 51:15; John 1:3 sim in.
Leitung
nate’ hoihna bang pulaak uh hiam?
________________________________________________________________
_____________________________________________________________________
Vantungte a zalh, leitung a
bawl Jesuh hi. Amah in huihlakah leitung kipei-sak hi. Singkung lopa, paakte
bawl Amah hi. Ama hatna in mualte kipsak hi. Tuipi-te Ama bawl hi; Ama aa hi
(Late 65: 6; 95: 5). Amah in hoihna tawh leitung zem hi. Huih in awging
tuamtuam tawh kidim hi.Piansak na khempeuh in Pasian’ hong itna pulaak ciat uh
hi.” Ellen G. White, The Desire of Ages, 20.
Mi kim khat in vantung thute
bek hoih hi. Hauhna in mawhna ci uh hi.Tua bang hi lo hi. Leitung hauhna in
mawhna hi pah lo hi. Lai Siangtho in leitung nate a manphatna pulaak hi. A
taktakin leitung nate khempeuh Khrih’ bawlsa vive hi. Tua ahih leh koi bangin
leitung nate in siatna hi thei hiam? Pasian hong piak thupha hi taleh siatna-in
kizang hi. Ahi zongin Pasian’ thupha piaksa nate in siatna a suak hi lo hi. Lai
Siangtho in leitung nate zatkhialloh ding, thaangzat loh ding hong hilh hi;
leitung nate in siatna hi pah lo hi. Pasian in leitung nate piangsak a, Ama
mite nopsak nadingin hih leitung nate hong pia hi. “ Topa note’ Pasian in note
le na a hoih khempeuhte uh tungah note le Levi mite le note lakah a om peemtate
na lungdam khawm ding uh hi” (Thkna. 26: 11; 14: 26),ci-in hong hilh hi.
Jesuh in Piangsak Pa hi
(John 1: 1-3). Piansakna khempeuh lakah hih leitung in khat hi pan hi. Mihing
in manpha-in, nuntakna in mannei hi. Hauha in Pasian in nate a manphatna thei
hi. Eite hamphat nadingin tua nate hong pia hi. Ahi zongin mihing in tua nate a
zatkhialh teh, tua nate in hong uk hi.
Pasian
in nate a bawlin Ama minthan nadinga a bawl ahi hi.
Kimlepaam nate’
hoihna ngaihsun in. Siatna tawh dim hi taleh nate’ hoihna kilang tawntung hi.
Piansak nate’ hoihna in Piangsak Pa a hoihna bang pulaak hiam?
MONDAY JAN. 15
PASIAN TAPA/ MIHING TAPA
Jesuh in Pasian hi. Jesuh in mihing hi, cih
thu i up ahi hi. Pasian le mihing kigawmkhawm in tatkhiatna a hong sep lamdang
hi. Bangci bangin
Jesuh in Pasian le mihing kigawmkhawm ahihna telzawh ahih
loh hangin tatkhiatna thuman melhemsak lo hi.
“ Pa, Tapa, Kha Siangtho in pum khat Pasian
hi, cih thu i telzo kei hi. Tapa Jesuh in mihing hi, cih thu zong thuthuk hi.
Pasian in mihingin hong piang hi, cih thu sangin a lamdang, thuthuk om lo hi.”
J.I. Parker, Knowing
God
(Downers Grove: InterVarsity, 1973), 53.
Pasian in mihingte a hong itna, a hong
hehpihna, a hong lunghimawhna kilangsak dingin Jesuh in hih leitungah mihingin
hong piang hi. Mi kimkhatte’ ngaihsutna-ah Pasian in hih a bawlsa leitung kin
lo hi, ci’n a ngaihsut uh bang hi lo-in, Pasian in a bawlsa nate cingin, kemin
a hong itna thu Jesuh in hong lak hi.
Ahi zongin Satan in mihingte Pasian tawh a kigamla dingin
nasem hi.Satan in Pasian hong muhdaksak hi. Mihing it lo Pasian hi, ci-in gen
hi. Pasian’ hoihna, a hong hehpihna a theilo dingin lampi tuamtuam zangin Satan
in nasem tawntung hi. Pasian tawh kigamlatna dingin leitung nate itluatnain
Satan’ vanzat khat hi.
Matt. 19: 16 – 22 sim in. Leitung nate
iplahna in Pasian tawh hong kikhensak dingin bangci bangin Satan in nasem hiam?
____________________________________________________________
___________________________________________________________________
A hau tangvalpa in Jesuh in mihingin hong
piang Pasian hi, ci-in thei hi. Ahi zongin bang thupiang hiam? A hau tangvalpa
in a hauhna, nate a itna hangin Pasian kiang panin paikhia hi; leitung nate a
itna in Pasian tawh kigamsak hi. Leitung nate a itluatna in thuman muh ding dal
hi. Topa kiang pan maikhingsa-in paikhia hi. Tua maikhinna in nunna lampi
tunpih lo hi. A neihsa khempeuh a suplawh manin (bang mah supna nei lo)
maikhingin dah hi lo hi. Bang hangin dahin maikhing hiam cihleh a neihsa a itna
hangin tawntung nunna suplawh ahih man hi zaw hi.
A hau, a zawng kua kua hi taleh, leitung nate
tungah koi bang lungsim kisam hiam?
TUESDAY JAN. 16
KHRIH IN HONPA
Leibat neih pen vantung tawh
kituak lo hi. Ahi zongin Adam le Eve in thupiak a palsat uhteh sihna hong tung
hi. Tua hi’n mihing in Pasian tungah mawhna thaman leiba nei hi. Mihing in a
leibat lohzo ngei lo ding hi. Pasian’ hong itna in tua leibat hong piaksak
dingin lampi khat na koihkhol khinzo hi. Jesuh in mihing’ leibat hong piaksak
dingin amah le amah hong “kikhaam” “ hong kiciam” hi( Heb. 7:22). Khrih, Honpa
in i lohzawh loh ding leiba hong piaksak hi. Tua leibat pia zo dingin Khrih
nunna bek mah kicing hi. Mawhna leibat, mawhna thaman singlamteh tungah hong
piaksak hi. Tua munah hehpihna le thuman thutak kigawm hi. Piansak na khempeuh
in mihing a hong kitatkhiat nadingin kipia tua zah ‘man’ mu ngei lo hi. “
Leibat loh nadingin vantung a om hauhna khat beek sitlo-in hong kipia khia hi.
Khrih in vantung hauhna khempeuh tawh a hong tatkhiat khit nungah i lungsim,
ngaihsutna, i nuntakna khempeuh in Pasian’hong leisa ahi hi.” Ellen G. White,
Christ’s Object Lessons, 326.
Khrih in bang panin
hong honkhia hiam? 2Kor. 1:13; 1Thess. 1:10; 1Pet. 1;18; Heb. 2: 14, 15; Gal.
3: 13; Mang. 1:5.
___________________________________________________________
_____________________________________________________________
Greek laimal ‘tetelestai’ a
khiatna in ‘Kizo zo hi” (John 19:30), cihna hi-in, Jesuh in Singlamteh tung pan
a pulaak nunung pen kammal hi. Hih leitungah a sep ding khempeuh zo khinin, i
leiba hong lohsak khin ahihlam pulaak hi. Lametna nei lo kammal hi lo-in, a
mangthang leitung hotkhiat a zawhna pulaak kammal hi. Singlamteh tung pan a
pulaak hotkhiatna in a bei huna thute, tu-in a tangtunna, mailam a hong tung
lai ding thute zong pulaak hi. Jesuh in mawhna, sihna, dawi nasepna khempeuh
susia ding le mi khempeuh aa dingin a nunna hong pia hi. Hotkhiat ding a kilawm
lo pimah hong honkhia hi (Eph. 1:7). Tua hotkhiatna thu na muhtheihna in
siangtho munah hong koih hi.
Khrih in Honpa-in hong pai-a,
Pasian’ lim le mel hoihna pulaak hi. Ama ngimna lianpi pen in mihingte a hong
hotkhiat ding ahi hi. Hih in mihingte tungah a lungsim puak le Amah tawh kizom
ding a lunggulhna lianpi pulaak hi. Mawhna thaman a hong piaksak khitteh Khrih
in amah i zuat ding hong ngak hi.
Khrih in leiba hong
piaksak hi. Dawimangpa hong suhkhiat khempeuh hong pia kik hi, cih thu ngaihsun
in. A hong sapna bangci dawn ding na hiam? Job 42: 5,6.
WEDNESDAY JAN. 17
A AAM PASIAN
Pharoah a thuhilhna ah Pasian in “ Bang hang
hiam cihleh leitung khempeuh ah kei tawh a kibang khat beek om lo hi, ci-in na
theih nadingin hih hunin na inn sungtawng dong le na nasemte le na mite’ tungah
ka gimnate khempeuh kong tungsak ding hi” ci-in pulaak hi (Pai. 9: 14). Topa
Pasian in “Kei tawh a kibang khat beek om lo hi” ci-in a pulaakteh bang pulaa
hiam?
_______________________________________________________________
_____________________________________________________________
“Ciangtannei mihing’ ngaihsutna in Ciangtan
Omlo Pasian’ nasepnate a tel zo ngei kei ding hi.Theihna thukpi na neih hangin
Siangtho Pasian na tel zo kei ding hi” Ellen G. White, 5T., 698, 699.
Pasian in kimpih nei lo hi (1Kum 8:
60).Mihing theihloh khempeh thei hi; i sep zawh loh khempeuh semzo hi. Ama
nasepte telzawhlohin lamdang hi. Pasian in a tawntungin Pasian hi. Mimal khat
ciat hong piangsak Pa hi. Kuamah dang Pasian om lo hi (1Kum 8: 60). Amah in
Piangsak Pa hi. Na khempeuh a Piangsak Pa ahih manin piansak nate tawh kilamdang
hi.
1Sam. 2:3; Late 86: 8; Isa. 55:8, 9; Jer.
10:10; Titus 1;2 te in piansak nate in Piangsak Pa tawh a kilamdanna uh bang
pulaak hiam?
____________________________________________________________
___________________________________________________________________
Pasian ahihna, Pasian sepna khempeuh, na
khempeuh Ama khut sung ah om ahihna thei lehang Amah a langpan ding kuamah om
lo hi. Tua hi napi Pasian in mihingte kiang pan itna, lungsim ngaihsutna a hong
ngahkhiat nadingin hanciam hi. Tua hangin Pasian in “ “Keimah in a aam Pasian
ka hi hi” (Pai. 34: 14). Pasian in mihingte a suakta dingin hong piangsak hi.
Tua hi-in mihing in Pasian aa dingin nungta ding maw, ahih kei leh nate aa
dingin a nungta ding cih a khentat ding kisam hi. Na khempeuh a Piangsak, na
khempeuh a nei Pasian zui ding maw, pasian tuamtuam zui ding maw?
Na
khempeuh, mihing khempeuh in Pasian bia ding kisam hi. Tua hangin
Pasian
in a aam Pasian ka hi hi, ci hi.
Bang in Pasian na it ding
hamsa sak hiam?
THURSDAY JAN.
18
A NEI TAKTAK
Pasian in hong piangsakin, mawhna sung pan
hong honkhia ahih manin
Ama mi i hi hi. Tua banah i
neihsa khempeuh in Ama aa hi. Deihtel theihna, khentat theihna sim loh ‘kei aa
hi, ka neihsa hi’ cih ding bang mah i nei kei hi. Tua hi mah taleh leitung tawh
kipawl mite in a neihsa uh ‘ kei aa hi, ka neihsa hi,’ ci-in kisilhpih uh hi.
Ahih hang hih in kikhemna taktak hi. Tua bangin leitung hauhna, neihsate “kei
aa hi” cih pen Lai Siangtho kituak lo hi. Nate a nei mihing hi lo-in, Pasian hi
zaw hi (Job 38: 4- 11). Khapsa Gam manawh Israel mite mah bangin eite zong
khualzin mi, peemta i hi hi (Siam. 25: 23). I huih dik a kipan na khempeuh
Pasian’ tung a kinga mi i hi hi (Sawl. 17: 25). I neihsa ci-in i ngaihsut
khempeuh Ama aa hi zaw-in Ama minthan nadingin a zeek, a hawm dingin a hong
kepsak hi zaw hi.
Thkna. 10: 14; Late 50:10;
104: 16; Eze. 18:4; Haggai 2:8; 1Kor. 6:
19, 20 sungah Pasian in
bangteng nei hiam? Neihsa, hauhnate tungah lungsim puakzia ding bang hong hilh
hiam?
__________________________________________________________________
__________________________________________________________________
“Mihing in hih thu a nial
zongin na khempeuh Pasian’ neihsa hi. Pasian’ hong piak thupha, neihsa,
hauhnate angsung nopsak nadingin a zang mi khempeuh in, tua thupha a zatna uh
Pasian mai-ah sittelna thuak ding uh hi.” Ellen G. White, Vol.9., 246.
Neihsa nate in Pasian le tua
nate a kem mihing’ kizopna pulaak hi. Tua nate vantung Gam nasep nading le na
hoih sepna dingin kizang thei hi. A citak lo mi in Pasian’ neihsa nate angsung
nopsakna ding bekin zang hi.
Ama nasem dingin Pasian in
thatang hatna zangin kuamah hong sawl lo hi. Pasian in hong piangsakin, neih le
lamh hong pia-in, a hong pai kik mateng hong kepsak nate Ama aa dingin zat ding
kisam hi. Sum le nate i zatzia in
Pasian
tawh i kizopzia a pulaak hi gige hi.
Na neih le lamhte
nangma aa hi lo-in Pasian’ neihsa hi, cih thu ngaihsun in. Hih in van le nate
tungah lungsim puakzia ding bang hong hilh hiam?
FRIDAY JAN.
19
NGAIHSUTBEH DING: Pasian
in Adam le Eve-te nupa om nadingin huan hoih khat bawlsak hi. Pasian in
tua huan hoih tak kemcing dingin amaute thupia hi. Hih in neihsa kepsiam
kipatcilna hi (Pian. 2: 15). Hoihna tawh kidim hih mun in amaute aa dingin
nuntakna mun hoih khat hong suak hi. Amaute aa dingin a hamsa khat zong om lo
hi. Pasian in nate tungah ukna nei dingin amaute thupia a, hoih takin nate kem
cing dingin sawl hi. Eden huan hoihtak a kepna tungtawnun a innkuan uh
nuamsa-in, a nuntakna uh mannei hi.
Hebrew laimalin ‘ukna nei’ cih a khiatna in
(Pian. 1: 26, 28), “khutnuai-ah koih, encik’ cihna hi. Suksiattheih nadingin
ukzawhna hi lo-in Pasian’ bawlsa nate hoihtak kem dingin kisawl hi zaw hi. Tua
thupiak in tuni dongin kip hi. Na khempeuh in Pasian’neihsa hi-in Adam le Eve
in tua nate a kem, a don ahihlam uh a theih nadingun kihilh hi. Adam le Eve in
a kipatcil a kipan leitung nate in amau neihsa a hihlohna telin, tua nate a
kemcing dingin muanna tawh amau tungah ki-ap ahihlam Pasian in amaute theisak hi.
“Adam le Eve in hoih tak a kep dingun Eden
huan kipia hi.” Huankho-in nuamtakin huan sungah a om dingun kipia hi. Huan
sungah nupa-te in nuamsa uh hi. Lungsim, ngaihsutna le a deihna uh kituakin
picing uh hi. Nasem sem gim tawl cihte om lo hi. A nuntakna uh nasepna, khat le
khat kikholhkhopna-in zang uh hi. A nasep uh lungnopna tawh kidim hi. Pa Pasian
le Khrih in amau kiang vahawh zelzel uh a, holim khawm uh hi. Suahtakna tawh
kidim uh hi. A tenna uh Eden huan nei in Pasian hi. Ama ukna sungah nupa-te nungta
uh hi.” Ellen G. White, Manuscript Releases, vol. 10., 327.
KIKUP
DING DOTNATE
1. Leitung
in Pasian’ neihsa hi, cih thu in kim le paam nate tungah mihing’ nasep ding
bang hong hilh hiam? Piansak nate a bia mite bang hi lo-in, Khristian khat in
kim le paam nate kepsiamna tawh kisai-in, nate tungah lungsim hoih i cih koi
bang lungsim puak hi ding hiam?
2.
Pasian
in a aam Pasian hi, cih thu tel hak hi lo hiam? Bang hang hiam cihleh mihing
ngaihsutna ah ‘aam’ cih kammal in kammal hoih lo hi hi.
Koi bangin Pasian in a aam Pasian hi, cih na tel hiam?
3. Koi
bangin leitung nate a hoihin zatsiamna le angsung nopsakna dingin zatna na
khentel thei hiam? Bang hangin hih thu nih kilamdanna thupi hiam?
