LESSON 2 JAN. 6 – 12
“ KA MU, KA DEIH, KA NEI”
SABBATH
NITAK
TU KAAL SUNG SIM DING: 2 Kor. 8: 1-7; Matt. 13: 3-7, 22; 26:
14 – 16;
Pian.
3: 1-6; 2Pet. 1: 5-9
KAMNGAH: “ Lingbulsum omna
leilakah a tu khaicite pen Pasian’ thu za napi-in amau nuntakna sung uah
leitung lunghimawhna le hauh nopnate in Pasian’ thu vuknelh ahih manin bangmah
a suakkhia zo lote a cihnopna ahi hi” (Matt.13: 22).
Sum itna, leitung nate
deihna cihte in lampi tuamtuam tawnin hong zol hi. Hih tawh kisai-in Satan’
thaangsiahzia Ellen G. White in hih bangin pulaak hi: “Neih le lamh, sum le
paai deihna hong guanin, tua nate in lunghimawhna hong dal ding hi. Leitung
nopsakna, neih le lamh bek mah mitsuan dingin Satan in nasem hi. Pasian’
minthan nadingin sum le paai, neih le lamhte zat ding hi-in, tua nate in hong
huzaap loh nadingin i dal kul hi. Sum deihna zawh kul hi. Sum hauhna in hong uk
thei a, Pasian tawh kizopna hong sia-sak thei hi. Khrih le a gam, thuman nasem
ding sangin sum nungzui hong suaksak thei hi. Huaihamna, deihgawhna cihte in
hong sia-sakin Pasian’ mite tawh hong kigamla-sak ding hi.” Counsels on
Stewardship, 154, 155.
Leitung iplahna in hong zo
thei ahih manin, tua bang lauhuai-na tawh kisai Lai Siangtho’ hong hilh thute
phawk ding kisam hi.
SUNDAY JAN.
7
PASIAN NA UP LEH HAU DING
TV ah thugen khat in “ Pasian in thupha hong
pia nuam hi. Pasian in thupha hong pia hi leh neih le lamh tampi na nei ding
hi” ci-in thuhilh hi. A cihnopna-ah Pasian tungah citak lehang Pasian in hong
hau-sak ding hi. Hih bang thuhilh pen Lai Siangtho tawh kituak lo hi. Bang hang
hiam cihleh na hau nuam hiam? Na nuamsa nuam hiam? “ Kong gen ding lungdamna
thu in” tua bangin hong nungta-sak ding hi,” cihna hi. Ahi zongin hotkhiatna in
sum le paai hauhna hong pia ding hi, cih pen man hi lo hi. Tua bang upna in Lai
Siangtho tawh kituak lo hi; huaihamna kilangsak zaw hi. Lai Siangtho paulapin
thu-lang gen hi. A bulpi en lehang mawhna hi-in, tua mawhna in leitung nopsakna
ding bek masuan hi.
Pasian a umte sumhau ding cih a um mite’n
Pasian i piak manin Pasian in hong hau-sak ding hi, ci uh hi. Hih bang
ngaihsutna in Pasian khembawl hi. Pasian pia lehang aman hong hau-sak ding,
hong hau-sak leh i piak ding hong tam semsem ding cihna hi. Pasian in thupha
kong pia ding hi, ci-in kamciam hong pia ahih manin Ama tungah a pia khia i hi
hi, ci uh hi. Piak dingin kilawm hi, ci-in pia hi lo-a ngah kik nopna tawh
piakna hi.
2Kor. 8: 1-7 sim in. Bang thupiang kimu hiam?
Pasian thu-umte khempeuh in sumhau ding cih thu tawh kituak lo bang thuman kimu
hiam? Itna tawh piakna i cih in bang hi ding hiam?
__________________________________________________________________
__________________________________________________________________
Bang mah nei lopi mah Korin pawlpi mite’n
itsik lo-in pia uh hi. Pasian thu sungah kiptakin nungta uh hi mah taleh sumhau
lo uh hi. Hih in “Pasian a um taktakte in sumhau ding hi” cih thu tawh kituak
lo hi.
Pasian tungah citak napi sumhau lo mi na
theih a om hiam? Pasian tungah citak lo napi sumhau mahmah na mu hiam?
Sumhauhna in Pasian
thu-um mi hihna kilangsak hi, cih thu tawh kisai bang na ngaihsun hiam?
MONDAY JAN. 8
KHA MITTAW
Lai Siangtho in hong hilh
kei zongin nuntak nading lunghimawhna, sum le paai hauhnate in tawmvei sung bek
hi, cih pen mi khempeuh in in tuah thu hi. Leitungah a tawntungin a kip ding
bang mah om lo hi. A sawt lo-in na khempeuh a bei hun hong tung ding hi. Paul
in “Bang hang hiam cihleh a kimuthei nate a mitsuan ka hi kei uh a, a kimu thei
lo nate tomno sung bek kimang a, a kimu thei lo nate a tawntungin a kip ahi hi,
ci hi (2Kor. 4: 18).
Khristiante in leitung nate
sangin vantung nate mitsuan uh hi. Sumhauh nopna a kipan na tuamtuamte in
mittaw-sak thei hi. Mittaw Helen Keller in khuamuh theihlohna tawh kisai-in
“nate mu theih napi mailam thu ding muhkholna nei lote sangin a hehpih huai zaw
mittaw om lo hi,” ci hi. Lai Siangtho in zong mit nei napi khuamu thei lo
pulaak hi. Mi kimkhat in leitung nate itluatna hangin thuman itna nei lo uh hi.
Nate sumhauhna khang semsem napi vantung hauhna ah kiam tektek hi. Neihsa kibeh
laplap hi napi kicing cih nei ngei lo uh a, nate deihna khang zaw semsem hi.
Ngah ngah napi uh piakkhiatna kiam semsem hi. Nei semsem hi napi, neihsa kiam
tektekin kingaihsun uh hi. Nate iplahna in hong khem thei hi. Pasian’ na sep
ding ngaihsutin nei ngei lo uh hi.” Ellen G. White, Spiritual Gifts, Vol. 2.,
267.
Kha-lam mittawtna in tawntung
nunna hong musak thei lo hi. Jesuh mu banah Amah mah mitsuan tawntung ding
kisam hi.
Matt. 13: 3-7, 22 sim
in. Jesuh in bang lauhuai thu hong hilhkhol hiam? Banghangin hauhna, zawnnate
in siatna hong tunthei hiam?
_________________________________________________________________
__________________________________________________________________
Amasa-in Jesuh in leitung
nate lunghimawhna hilhkhol hi (Matt. 13:22). Jesuh in lunghimawh nei ihihlam
tellua hi. Mizawngte’n bang mah nei lo ahih man lunghimawh uh hi. A haute zong
lunghimawhna tawh kipelh lo uh hi. Lunghimawhna kibang lo hi bek hi. Leitung
nuntakna ding lunghimawhna in Pasian’ thu tawh hong kigamla-sak lo ding thupi
hi.
Nihna-ah sumhauhna in mawhna
hi lo hi. Tua hauhna in hong sia-sak thei hi.
TUESDAY JAN 9
HUAIHAM DEIHGAWH KIPATNA
Siatna khempeuh mah bangin deihgawhna zong
lungsim pan hong kipan hi. A sung pan a pua ah hong kilang khia hi. Hih thu
Eden huan sung panin kimu thei hi.
Pian. 3:1-6 sim in. Eve in a mawh dingin
Satan in bang deihhuai-nate tawh zol hiam? Koi bangin Satan in tuni dongin hong
zol hiam?
__________________________________________________________________
_________________________________________________________________
“ Tua ahih ciangin singkung a hoihna, mi a
pilsak dingin tua a gah a deihuai-na a muh ciangin, a singgah lo-in a ne hi.
Amah in singgah kimkhat a pasal pia a, a pasal in zong a ne hi” Pian. 3: 6.
Vanzuakte in vanzuakzia a theih kei uh leh
Eden huan sunga thupiang siksanin vanzuakzia mu thei ding uh hi. Eve in nekloh
ding singgah a nek teitei nadingin Satan in lampi khat tawh zol hi. Eve in
bangmah kisap nei lo napi, Satan’ zuau a up manin a neihsa hawmthawhin,
huaihamna lungsim hong nei hi. Eve’ khialhna in i nuntakna ah huaihamna tawh
kisai, “Ka mu, ka deih, ka la,” hih thum pulaak hi.
Huaiham deihgawhna in mawhna lianpi suakthei
hi. Pumpi taksa’ deihna mah bangin deihgawhna zong lungsim pan hong
phulkhia-agamtatna in a zuihteh siatna lianpi hong suak hi. Deihgawhna in na a
sep ciangin khialhna hong piangin khat le khat kizopna sia-sak hi. Kumpi Ahab
in Naboth’ lenggahhuan a muhteh deihgawhin, a zi in Naboth thatin tua huan
laksak hi (1Kum. 21). Achan in puan hoih nono, sumte a muhteh deihna lungsim
hong nei-a, lak loh ding hi napi, hong la kha veve hi (Josh. 7: 20 -22).
Deihgawhna in huaihamna hi. “Huaihamna in mawhna namkhat hi; deihgawhna in
huaihamna mah hi.”
Paul in leitung siatna, thuman langpangte’
omzia a pulaakna-ah deihgawhna in huaihamna lungsim hong guan hi, ci-in hong
hilh hi. “Angsung ding bek a ngaihsun mite a huaiham mite hi” (2Tim. 3: 2).
John Harris, Mommon (New York: Lane & Scott, 1849), 52.
Bang hangin huaiham deihgawhna tawh a kipelh
thei kuamah om lo hi ding hiam?
WEDNESDAY JAN.
10
HUAIHAM– ANGSUNG THEI MI
Isa. 56: 1 sim in. Bang
mawhna hong hilhkhol hiam?
___________________________________________________________
_____________________________________________________________
Mawhna tawh kidim mihingte
in huaihamna tawh a nungta mite hi. I pianpih hi. Ahi zongin Khrih’ zia le tong
kilangsak nunzia in huaiham lo hi. “ Bang hang hiam cihleh amah hau napi note
hangin mizawng hong suai i
Topa Jesuh Khrih hong
hehpihna thupha na thei uh hi. Tua in ama zawnna hangin note na hauh theih
nading uh ahi hi” (2Kor. 8:9). Topa in huaihamna hangin leitungah siatna a tam
semsemna mu hi. Huaihamna in kido-na piangsak hi. Huaihamna in innkuan sungah
kithahna, guktaakna hong tunpih hi. Huaihamna in a si thei lo natna lungno bang
hi-in hoihna khempeuh muatsia-sak thei hi. Huaihamna in na khempeuh iplahna,
neihnopna, zawhthawhnopna hong guan natna tawh kibang hi. “ Ka mu, ka deih, ka
la” cih lungsim nei hi.
Matt. 26: 14 – 16 sim
in. A dahhuai huaihamna hangin hih thupiang panin bang thumanpha na mu hiam?
________________________________________________________________
_________________________________________________________________
Judah’ kampau ngaihsun in: “
Note khutah Amah hong pia hi leng kei bang hong pia ding na hi uh hiam? (Matt.
26:15). Huaihamna in awlmawh bang mah nei lo hi. Judah bangin mi hampha om khol
lo hi: Mihingin hong nungta Jesuh tawh nungta khawmin, a nalamdang bawlte
mu-in, nuntakna thu a hilhte amah mah in za hi. Tua hi taleh huaihamna,
deihgawhnate in a nuntakna ukcip veve hi.
Honpa in Amah a lehheek mipa
tungah lungnemtakin hopih hi. Jesuh in a thuhilhnate ah vantung ki-itna in
huaihamna lungsim hahsiang thei hi, ci’n hilh hi. Jesuh in Judah theih dingin
huaihamna a siatzia hilh hi; a mawhna zong pulaak hi. Ahi zongin Judah in kisik
nuam lo, a diktatlohna nusia nuam lo hi.” Ellen G. White, The Desire of Ages,
295.
Kidawm lo hi lehang,
a huaiham lo mi kua om ding hiam? Koi bangin Pasian’ hehpihna tawh i pianpih
huaihamna khaktan thei ding i hiam?
THURSDAY JAN. 11
PUMPI KI-UKZAWHNA
A nuai-a Lai Siangtho munte sim in. Koi
bangin a hau, a zawng, kua-kua hi ta leh, sum itna, huaihamna, deihgawhnate
nial zo ding i hiam?
Sawl. 24: 24 –
26_______________________________________
_______________________________________________________
Gal.
5: 22 – 25 __________________________________________
_______________________________________________________
2Pet.
1: 5 -9 ____________________________________________
_______________________________________________________
Pasian in i nunzia ding hong hilh hi. Mi
khempeuh in pumpi ki-uk zawhna kisam hi. Huaihamna, deihgawhna, nate itna
lungsim in pumpi ki-ukzawhna hong nei-sak thei lo hi. I lungsim ki-uk masak kul
a, tua khitteh i gamtatzia ki-uk ding kisam hi. Tua in a lauhuai huaihamna pan
hong dal thei ding hi.
Topa tungah lungsim takpi tawh i ki-ap ciang
bekin pumpi a ki-uk zo i hi ding hi. Mihing in amah le amahin huaihamna, pumpi’
deihna a zo zo kei ding hi. Kha Siangtho in i sungah hong om hi leh, pumpi
ki-uk zawhna i nei ding hi. “ Mihing thuakngei ze-etna a val note tungah a hong
tung kei hi. Ahi zongin Pasian in a muanhuai ciampellopa ahih manin note thuak
zawh ding zah val a hong kize-et ding a phal kei hi. Tua bang ze-etna na thuak
uh ciangin zong na thuak zawh nadingun suahtak nading lampi a hong bawlsak ding
hi” ( 1Kor. 10: 13).
1Pet. 1: 5-9 sim kik in. Peter in bang lampi
hong hilh hiam? Nunzia ding bang hong hilhin, huaihamna zawh nadingin koi
bangin a hong hilh thute zui ding i hiam?
FRIDAY JAN. 12
NGAIHSUTBEH DING: Mihing
in nopsak ding le lungkim ding kilunggulh hi. Ahi zongin leitung nate in
lungkimna le nopna hong pia zo lo hi. Hih thu kithei ciat hi napi, leitung nate
kilunggulh hi: “ Ka mu, ka deih, ka la.” Hih sangin nate deihna koi-ah kimu
ding hiam? Midangte mah bangin SDA thu-um mite in zong leitung nate lunggulhna
tawh kidim hi. Sumhauhna in lungkimna, lungnopna hong pia zo lo hi.A hau
tangval pa in lungkia, lamet bei, lungkimlo-sa-in Jesuh kiang pan paikhia hi.
Hih in leitung hauhna in lungkimna hong piak sangin buai-na hong pia zaw hi,
cih hong hilh hi. A hau tangvalpa in Jesuh kiang panin a zaknop thu za lo-in a
deih ngah lo hi.
“Leitung nate lunggulhna,
mihing’ nopsak nading khempeuh susia hi.
Neihzah zah tawh lungkimna pan lunggimna, lungkimna panin
patauh lunghimawhna dong hong tunthei banah pumpi natna – lungtang natna, zia
le tong hoihlo tuamtuamte, ngongtatna cihte hong lut thei hi.” Tim Kasser, The
High Price of Materialism (Cambridge: The MIT Press, 2002), 22.
Leitung nate tawh a kidiah mi in leitung
hauhna lunggulhna tawh kidim ding a, vantung thute ah zawngkhal tungtawn ding
hi. Ahi zongin Khrih hong piak tui a dawn mi khempeuh in cikmahin a dangtaak
nawn kei ding uh hi (John 4: 14)
KIKUP DING DOTNATE
1. Pasian
thu-um taktakte sumhau ding hi, cih thu ngaihsun in. Lai Siangtho bang mun
siksan ding om hiam? Lai Siangtho sungah Topa tungah citak napi-in a genthei mi
siangtho pulaak ding a om hiam?
2. Mi
khat in a ta masa kum 4, 5 a phakkhitteh “ hih ka ta tung panin Lai Siangtho
thu nih ka mu hi. Khatna-ah a mawhsa-in a piangkhia i hi hi. Nihna-ah huaihamna
pen i pianpih hi,” ci-in pulaak hi. Naupangte’ omzia in hih thu hong hilh hi.
Hih tawh kisai-in vantung hehpihna in bang hong hilh hiam?
3. Koi
panin gimna hong pai hiam cihleh guihtheihkhamtheih pan hi masa lo hi .
Huaihamna, haitatna, thungaihsut theihlohna, thuneihnopna cihte panin hong pai
hi. A huaiham mi in banah a kim a paam zong sia-sak hi lo hiam? Huaihamna
hangin siatna pulaak ding na thei hiam?
