LESSON
10 MARCH 3-9
NEIHSA ZEEKTE’ DINMUN
SABBATH
NITAK
TU KAAL SUNG SIM DING: Kol. 1:16 – 18; Heb. 4: 14 – 16;
3John 3; Pian.
6:
13- 18; Mang. 14: 6 – 12; 1Pet. 1: 15, 16.
KAMNGAH: “ Bang hang hiam cihleh Pasian in a
thangtat dinga hong sap hi lo-in a siangtho dinga hong sap ahi hi”
(1Thessalonica 4: 7).
Neihsa kepna cih thu in na
tampi huam ahih manin tua tawh kisai-in kitelkhia kha zel hi. Neihsa kepsiamna
in telnop ding a bat hangin kitelkhial kha hi. Neihsa zeekna om lo-in pawlpi hi
taleh Khristian khat in hi taleh nasem thei lo hi. Khristian hoih khat in
neihsa zeeksiam mi khat hi pah hi.
“Neihsa zeeksiamna i cih in
a thu-in theihna bek hi lo-in sepkhiatna hi. Khristian nunzia ding zong hong
hilh hi. Upna tawh nunzia ding theihtelna, thumanna ah neihsa zeeksiamna in a
kipelh thei lo thupi khat hi. Lungsimah ngaihsut hoih neihna bek hi lo-in
nuntakna khempeuhah a kimu thei thuman thutakna hi.” LeRoy E. Froom,
Stewardship in Its Larger Aspects (Mountain View: Pacific Press, 1929), 5.
Khristian hihna-ah neihsa
zeeksiamna sungah bang thugui-te kihel hiam?
Tukaal
sungin hih thu tawh kisai, lengpei tawh gentehin, i kikum ding hi.
SUNDAY MARCH 4
KHRIH IN MUN BULPI
Jesuh in Lai Siangtho sungah a bulpi pen hi
(John 5: 39). Jesuh tawh kizopna-ah zong Amah mah a bulpi penin kikoih ding
kisam hi. Mawhna’ thaman hong piaksak hi. Amah in mi tampi a tankhia dingin a
nunna hong pia hi (Mk. 10: 45). Jesuh in vantung le leitungah ukna nei hi
(Matt. 28: 18). Na khempeuh Ama khut sung hi (John 13:3). Ama min in min
khempeuh sangin lianzaw hi. Ama mai-ah khuk khempeuh khukdin hi (Phil. 2:
9-11). Jesuh in nuntakna nei khempeuh ii phungpi hi.” Ellen G. White,
Evangelism, 186.
Jesuh in eite’ hatna bulpi le neihsa kepna-ah
Amah mah i mitsuanpi hi. Ama hangin i nunna in mannei hi; i nunna khempeuh in
amah mitsuan hi. Paul in ze-etna, hamsatna namcin thuak hi. Bang bang tuak
taleh ngimna khat tawh mainawt hi: “Bang hang hiam cihleh nungta leng Khazih aa
ding hi a, si hi leng a met zaw ka hi hi” ci-in pulaak hi (Phil. 1: 21).
Kol. 1: 16-18; Romans 8: 21; 2Kor. 5:17 sim
in. Na khempeuh in Khrih mitsuan hi, cih thu bangci pulaak uh hiam?
__________________________________________________________________
__________________________________________________________________
Khrih mitsuan lo-in neihsa
zeeksiamna tatak om thei lo hi (Gal. 2:20).
Amah in eite’ lametna bulpi hi (Kol. 1:17). Leengzawl in
leengpei laizangah omin a kipei mah bangin Khristian thu-umte zong Khrih
bulphuha a nungta i hi hi (Heb. 13: 8). I ngaihsutna, i sepna khempeuh Khrih in
a hong huzaap kul hi. Neihsa zeekna-ah zong Khrih bulphuh ding kisam hi. “Bang
hang hiam cihleh kei lo-in note in bangmah na sem thei kei uh hi” (John 15:5,
20). Neihsa kepna in a nungta Khrih bulphuh hi. Tu le a
tawntung aa dingin i nunzia Amah mah in hong zuun hi.
Jesuh in ka nunna bulpi hi, ci-in kam tawh
kipulaakna le Amah bangin nuntakna kibang lo hi. Koi bangin Jesuh in Ama
kamciam bangin na sungah hong nungta hi, ci-in kitel tatak na hiam?
MONDAY MARCH 5
BIAKBUK UPNA
Kuamah in neihsa kepna le
biakbuk kizopna ngaihsun kha lo ding hi.
Ahi zongin hihte nih in kizopna nei hi. Bang hang hiam
cihleh biakbuk in i upna thuguipi khat hi-in, neihsa kepna zong upna thuguipi
khat hi. ‘Khrih in vantung biakbuk ah eite aa dingin palaai sem hi, cih thu in
i upna thu bulpi lian khat hi.” Ellen G. White, Evangelism, 221. Hih thu
bulphuhin neihsa kepna thu i telthei ding hi.
1Kum. 7:33 ah leengpei tawh
kisai kigelh hi. Leengphei buppi gentehna-in zangin biakbuk tawh kisai upna thu
i pulaak ding hi. Leengzawl in leengpei laizangah kiptakin a kingakteh leeng
buppi pai thei hi. Sihna thuakin sihna tungah gualzo-in thokik a (2Tim. 1:10),
Ama sihna bulphuhin biakbukah siampi nasem hi (Heb. 6: 19, 20); upna munkip
hong suak hi. Jesuh in eite aitangin tu-in vantung biakbukah palaai hong sem hi
(Heb. 8: 1, 2). I upna thuguipite in Lai Siangtho bek siksanin biakbuk upna
panin a dang upna thuguite hong mengkhia hi,” Fernando Canale, Secular
Adventism? Exploring the link between Lifestyle and Salvation (Lima: Peruvian
Union University, 2013), 104, 105.
1John 2:1; Heb. 4:
14-16; Mang. 14: 7, 9 cihte in vantung biakbuk ah Jesuh’ nasep bang pulaak uh
hiam?
________________________________________________________________
Biakbuk thu in Khristian’
upna laigil hotkhiatna le tatkhiatna pulaak hi.
Biakbuk in Khrih’ hong sihna
a pulaak banah vantung biakbuka a nasep zong hong hilh hi. Siangtho bel muna
Pasian’ thukham le a nunung thukhenna thute hong telsak hi. Tham lo-in Khrih’
sisan tungtawnin hotkhiatna kamciam hong hilh hi. Biakbuk thu in a hong hilh
mah bangin, neihsa kepna thu in hotkhiatna thu bulphuh hi. Khrih in ei aa
dingin a sep khitsate, tulaitakin a septe tel zaw semsem hi lehang Amah tawh
kinai zaw-in a nasep, a thuhilh, neihsa kem mi khat ii nunzia ding a hong
geelkholhsak thute zong i telzaw semsem ding hi.
Heb. 4: 14- 16 sim
in. I buaipih mawhna, angsung thu, kiphatsakna tawh kisai bang lametna hong
guan hiam? Koi bangin tua kamciamte in hong thakhauhsak hiam?
TUESDAY MARCH
6
KHRIH BULPHUH UPNATE
Pawlpi’ upna guipite in biakbuk siksan hi.
Bang hang hiam cihleh biakbuk in hotkhiatna thu, Singlamteh pulaak hi. Pawlpi’
upna guipi khempeuh in hotkhiatna le lungdamna thu kamciam tawh kizom lo om lo
hi. Jesuh sungah upna tawh hotkhiatna kingah hi, cih thu panin upna thugui
khempeuh hong mengkhia hi. “Pawlpi’ tangko thuman thutakte in mawhmai-nading
Jesuh hong sihna thu mungpi-in nei uh hi… Honpa in a nunna a hong piak
theihtelna in hehpihna le thuman sungah hong khangcingsak hi.” Ellen G. White
Comments, The SDA Bible Commentary, vol.5., 1137.
Jesuh in amah le amah thuman ka hi hi, a
cihteh a khiatna in bang hi ding hiam? John 14:6. John 17: 17 tawh enkak in.
Koi bangin thuman tawh na kizom hiam? 3John 3.
_____________________________________________________________________
_________________________________________________________________
I up thute in i nunna, i kalsuanna huzaap hi.
I up thute in a thu bek hi lo-in Khrih tungah kinga ahih manin i up thute in i
nunzia a hong khel ding kisam hi. Seventh-day Adventist thu-um mi khat i hihna
zong thudang hi lo-in i up thute hang bek mah hi. Tua i up thute in Lai Siangtho
siksan hi.
Neihna kem mi khat in Jesuh sunga om upna
thute a nuntak pih ding kisam hi. Tua bangin a nuntak ciangin a mannei nuntakna
nei hong suak hi. “Zeisu sunga a om thuman thutak hong kihilhsa le na zaksa uh
mah bangin, khemna tawh kidim lunggulhna hanga kisia, nidang a na mi lui
gamtatnate uh suahkhia-in, na lungsim uh thaksak unla, Pasian in dikna le
siantho-na taktak tawh amah banga a piansak mi thak na silh un” (Eph. 4: 21-
24). Thuman thutak a thei hi bek lo-in nuntakpih ding hong gen hi. Neihsa kem
mi khat in upna man a thei hi bek lo-in, mitawh kizopna hi taleh a sepna peuhah
a thuman mi ahih kul hi.
WEDNESDAY MARCH 7
VANTUNGMI THUMTE’THUPUAK
Pasian in leitung hong tung
ding gimna nihvei pulaak hi. Noah tungah khat vei (Pian. 6: 13- 18; Matt. 24:
37) A khat pen vantungmi thumte’ thupuak hi (Mang. 14: 6 – 12). Hih thupuakte
in hong tung ding thute hong mukholsak hi. Hih thute i zakkhitsa vive hi-in,
ahi zongin tua thute in Khrih sungah upna tawh diktansakna kingah hi, cih thu
mah pulaak uh hi. Hih thu in thuman taktak ahihna vantungmi thumte’ thupuak in
pulaak phapha hi.” Ellen G. White, Evangelism, 190. I tangko thute in Jesuh le
a hong sihna thu siksan hi.
Mang. 14: 6 – 12 sim
in. Bang thulaigil siksan hiam? Leitung aa ding bang thupuak om hiam? Nasep
ding bang hong guan a, neihsa zeekna thu bang hong hilh hiam?
___________________________________________________________
______________________________________________________________
Khrih nih vei a hong pai
ding a kigingkhol dingin, Seventh-day Adventist thu-um i hih mah bangin
vantungmi thumte’ thupuak a tangko ding i hi hi. Mite’n tawntung nunna thu tawh
kisai-in a khensat ding uh om hi. Neihsa zeeksiamna mi in Pasian tawh kikopa
nasem mi hi(2Kor. 5: 20; 6: 1- 4). “Leitung khuamial lakah khuavak tangsak
ding, a hong tung ding siatna hilhkhol dingin SDA thu-um mite hong kisawl hi.
Siatna manawh leitungah mite na hilh ding thuman hong kipia hi. Amaute in
Pasian kammal panin khuavak tangkhia-sak uh hi. Hinna le sihna tawh kisai a
thupi mahmah thu – vantungmi khatna, nihna, thumna thupuak a tangko dingun
kipia hi. Hih sangin a thupi zaw om lo hi. Hih thu tangko ding bang mah in a
ngawnkai-sak loh ding kisam hi.” Ellen G. White, 9T., 19.
Leengpei sunga siikkual in
leengpei a dal pipen ahih mah bangin vantungmi thumte’ thupuak in thuman pan
lampial loh nading hong dalin, hun nununga thuman tawh nungta ihihna pulaak hi.
Thuman khuavak a kem, a tangko ding i hi hi.
Hun nununga a hong
piang ding thu tuamtuamte pulaak kawikawi ding hi mah naven, tua thute in Jesuh
mitsuan ding hong mangngilhsak hiam?
THURSDAY MARCH
8
NEIHSA ZEEKNA
Khrih in a siangtho-in a nungta dingin hong deih hi. Ama
nunzia in siantho-na, neihsa kem mi khat ii nunzia ding hong hilh hi (Heb. 9:
14). I nunna in Pasian a lungkimsak dingin nuntak kul hi. A hong kepsak van le
nate zeekna-ah zong Ama lungkimna kisam hi.Neihsa kepna in tua siantho-na
kilangsak hi.
1Pet. 1: 15, 16 le Hebrews 12: 14 enkak in. “
Siangtho un” “siantho-na” cih a khiatna in bang hi ding hiam? Koi bangin neihsa
zeekna tawh kizom hiam?
_________________________________________________________________
__________________________________________________________________
Leengpei a kipsak dingin a sungah siikkual
kikoih hi. Tua siikkualte nasep le neihsa kep kigenteh thei hi. Thuman thutak
in hong thahatsak hi. Nopna, dahna, lawhcinna, lawpsapna i tuak zongin upna in
hong mainawtsak hi. Van le nate kepna tungtawnin nunzia, gamtat kimu thei hi.
Leengpei kipei bangin nisimin Khrih tawh kizopna in Ama kianglam hong
kalsuansak hi. Gamtat zia le tongin huzaap lianpi nei hi. Tua hi-in Khrih
tungah ki-apna in gamtat zia le tong a huzaap kul hi. “Kei hong thahatsak Pa
hangin na khempeuh ka hih thei hi,” cih thu nuntakpih ding kisam hi (Phil. 4:
13). “A siangtho nunzia in Kha Siangtho’ nasepna hangin a siang hi-in, tua in
Khrih’ nunzia neihna hi. Hotkhiatna tawh nuntakna in Khrih tawh a nungta khawm,
Ama aa dingin nasem nuntakna hi.Khrih hong hehpihna i sungah a hong om ciangin
gamtat zia le tong hoih hong neisak hi. A kihotkhia nunna in nisim nunzia hoih
tawh kikhen lo hi. Nunna, gamtatna khempeuh in Khrih kilangsak ding kisam
hi.”Ellen G. White, Christ’s Object Lessons, 384.
Nisim na nunzia ki-en pha in.
Khrih a kilang hiam? Na sungah
Khrih hong om hiam? Ama siantho-na na neih
nadingin bang kisam hiam?
FRIDAY MARCH 9
NGAIHSUTBEH DING: Lampi-ah
leengpei a kipei ciangin khat vei vei awkthei zel hi. Tua bangin a
awkteh na khat in dal maw, ahih kei leh leengpei sungah na khat lut hi thei hi.
Hoihtak a pai kik nadingin bawlkul hi. Nuntak siantho-na in neihsa kepsiamna
khat hi. Khristian nuntakna, neihsa kepna-ah zong hamsatna, gimna hong om
ciangin Khrih lungsim tua hamsatnate hong kantanpih hi. Sum, innkuan, nasepna a
kipan na khempeuhah Khrih’deihna tawh kalsuan ding kisam hi. Khat veivei teh
hamsatna in Khrih’deihna bangin hong kalsuansak thei hi. Siktawnpi kuai ziau
ziau ding hamsa hi. Tua bang mah in mihing nunzia zong kikhel ding hamsa hi.
Peter nunzia en in. Jesuh tawh kituah den hi. Ahih hang a lamet loh thu Jesuh
tung pan za hi: “Na upna na khahsuah loh nading thu kong ngetsak zo hi. Kei
lamah nong kilehkik ciangin na sanggamte na hanthawn in” (Lk. 22: 32). A sawt
lo-in, Jesuh a nial khitteh a nunzia kibang nawn lo hi. Dahna lianpi thuak hi.
A nuntakna hong kikhel hi (Neihsa kep hong khel hi). A kikhel Peter hong suak
hi. A lungsim kitamzan khitteh nunna thak tawh hong nungta hi.
KIKUP DING DOTNATE
1. A
siangtho-in nuntakna le “amah le amah kinialin, nisimin a singlamteh pua hen”
cih thu in bang kizopna nei hiam? Lk. 9: 23. Bang sisak na hiam? Gal. 6:14. Koi
bangin nisimin siantho-na hong hilh hiam? Koi bangin siantho-na in Pasian’
lungsim hong neisak hiam? 1Kor. 2: 16.
2. Bangci
bangin hamsat gimna khat peuh in Topa tawh hong kinai-sak hiam?
3. SDA
pawlpi in i up thute – Sabbath, misi’ omzia, piansakna, Nihvei kumkikna cihte
ngaihsun in. Hihte in i nunzia, gamtat khuahek koi bangin hong huzaap hiam?
