Jan. 27
Kitencil
Belize gam pan:
James
Pescascio, kum 62 Louise Pescascio, kum 65
James le Louse in Central American, Belize gam panin khangkhia uh hi. A
gol khit uhteh USA ah teeng uh hi. Louise in USA ah kum 30 val bang om khin a,
vanzuakin khua-sa hi. James in Texas khuapi-ah Motorola company ah engineer
khat hi. Nasepna pan pension kuan ding uh hi ta ahih manin a nupa-un Belize ah
kituah uh a, tua panin kithei-in kiteng uh hi. Louise in James kiangah “ na
nuntakna-ah kua masak pen na hiam? ci-in a dotteh James in “ Pasian” ci-in
dawng hi.
Louise in James kiangah Sabbath thuman hong hilh hi.
Louise in Sabbath thuman a theih masakna mun in USA a om lai-un thugenna
khatah a va kikhopna panin thei hi. USA pan Belize ah a kituah uhteh hotel khat
bawl ding ngaihsun hi. Louise in a ngah khempeuh lak pan sawma khat pia hi.
Sunday Nipi a zat hangin Lai Siangtho’ cih bangin zui ding khensat hi.
Lai Siangtho in Sunday Nipi zat ding a genna a om hiam ci-in a kankan
hangin mu lo hi. Tua bangin Lai Siangtho a kanna panin Sabbath thuman hong thei
khia hi. Saturday ni, Sabbath in Pasian biak ni ding hi, cih hong mu hi.
Louise in Hebrews 4:4 sung a bang mahin Pasian in ni sagih ni-in nasepna
pan tawlnga-in, Ama aw na zak uh leh ngawngkhuahsak kei un” cih thu a muh
ciangin Sunday ni sangin Saturday ni mahin Pasian biak dingin hong khensat hi.
Ahi zongin a hotel pen khak hun nei thei lo hi. Louise in hotel khaan sung
khempeuhah Lai Siangtho bu khat, Ellen G. White laibu Khrih Kiang Zuatna laibu
khat ta koih hi. Sabbath ni-in puansawp cihte le nidanga a kisemsem ngeite sep
loh dingin khensat hi. Bangci kalsuan ding thei lo uh ahih manin Pasian’
makaihna ngen uh hi.
James in Belize ah a sanggampa kiang hawh dingin Louise gen hi. A pai
khiatma-un a lawmte khat kiangah vahawh uh hi. Tua munah pai ding pen lungtung
zo tak lo hi. A lawmpa in na lung a tun khol kei leh pai kei zaw in, ci-in gen
hi. Ahi zongin James in a sanggam pa kiangah a hawh ding uh zasak khin ahih
manin pai ding ngaihsun hi. Pai ding kithawi uh a, a mawtaw uh pai thei lo hi.
A lungsim khatah pai lo ding cih ngaihsutna khat hong lut hi mah taleh tua
bangin pai sawm veve uh hi leh, mawtaw lah hoih lo ahih manin a lungkham hi.
Tua bangin hong pai khia a, Mexico lam zuanin a pai na uah mawtaw kibungin
James zong liam hi. Mexican zato ah ni nih bang zato lumin tua khitteh US kilek
kikin a mit kikhel hi.
Tua bangin a tuahsiatna uh panin James Pasian hong phawk kik hi. Biakinn
zuanin hong kikhawm hi. James le Louise in kiten ding hong ngaihsun uh hi.
Pasian’makaih na zong ngen uh hi. Sabbath nisialin kikhawm den uh hi. A hotel
nasep uh nusiat ding hong ngaihsun uh hi. Pasian kiangah zong thungen uh hi. Ni
khat a hotel ah zintung mi khat tawh hong kiho kha uh a, James in tua mipa
tungah a hotel ap hi. James le Louise in kituiphum khin uh a, tu-in upa
makai-in kizang hi.
Belize a om mite a tawm zaw in RC thu-um mi hi uh hi. 31.8 percent in
Protestant thu-um mite hi. Belize gamah SDA pawlpi 92, company 40, member
435000 om hi. Belize-ah gammi 388000 om a, mi 11 ciangin SDA thu-um mi khat ta
om hi. 1885 kumin Belize-ah SDA thu hong tung hi.
