FEB 24
Nihvei
Hamphatna Mexico gam pan
Ezequiel
Perez Gongora, kum 34
Kum 20 ka phakin zi ka nei a, tua a kipan zu ka dawn den hi. Tua banah
za zong ka tep tawntung hi. A sawt lo-in zatep lo, zu dawn lo-in ka om thei
nawn kei hi. Ka zi in pastor Richard Perez’ thugenna-ah kikhawmin tua panin
kituiphum hi. Kituiphum ding kei zong hong zawn a, ka ut kei hi.
Kum 13 sung bang ka zu le zatep tawh kidiah ka hih manin ka pumpi hong
na gawp hi. Siavuante kiangah kilakin zatui ka nek hangin ka dam thei kei hi.
Ni khat Southeast Adventist Zato ah ka kilak hi. X-ray, si sit, a kisam bang
hong bawl uh a, ahi zongin ka natna bang mah mu lo uh hi. Ka nungzang hong na zaw
tektek a, cisat tawh kizom hi. Zato ka lup sungin zato a nasem pastor Richard
Perez in hong veh a, hong muhphetin hong thei lai-in thu hong ngetsak hi.
“ Tu laitakin Pasian na sap hun hi,” ci-in hong hopih hi. Guitor tumin
la dawng nih bang ka sak khit utteh Lai Siangtho hong sim hi. Tua hun sungin
Pasian hong itna ka phawk hi. Pastor pa a pai khiat ding ciangin nurse nasemte
kiangah Sabbath ni ciangin kikhawm dingin amah zong na zawn un, ci-in zasak hi.
Ka natna lian lua ahih manin ka ci zong sa peuhmah hi. A ni 7 ciangin
siavuante hong pai-in ka zi pusuak khia sak uh a, kei khia om in hong hopih uh
hi. “AIDS” natna nei hi niteh, na si sit ding hi hang hong ci uh hi. Ka si sit
uh a, ka zi in siavuante’n bang hong gen hiam, ci-in hong dong a, ka dawng ngam
kei hi. Ka ut bangin gamta ka hih manin tua hangin ka ci na ahihlam zong ka
phawk hi.
Tua bang laitak mahin pastor hong thugen ka bil ah hong suak hi. Pasian
na kisap hun laitak hi, cih ka mangngilh kei hi. Thu ngen nuam ka hih manin ka
zi kiangah va pusuak khia in, ci-in ka sawl hi. Kapkawmin thu ka ngen hi. Hong
dam sak in. Hun hoih hong pia lai in, ci-in thu ka ngen hi. AIDS tawh kipelh
ding thu ka ngen hi.
Tawl khat khitteh siavuante hong lut kik uh hi. “ Thuhoih le thusia hong
puak ing, ci-in hong gen hi. Thuhoih in AIDS nei keiteh, thusia ahih leh na
natna ka thei zo kei uh hi,” ci-in hong pulaak hi. Pasian in ka thungetna hong
dawng hi, ci-in ka um hi. Siavuante’n ka natna zong kik uh a, ka tuap sung hoih
lo hi, ci-in hong gen uh hi. Tuap sungah tui pawl khat om ahih manin tuate
lakhia-in ni 5 khitteh inn ka ciah uh hi. Nidang sangin ka natna hong suk zaw
a, ka tuap sungah sa bawk khat om hi. Pasian bek in hong damsak thei hi, ci-in
siavuante’n hong gen
uh hi.
A zingteh ki-at ding ka hih manin thu ka ngen hi. Ka nuntakna sia khin
mahta leh Topa in damna hong piak ding ka thuum hi. “Topa aw, damna nong piak
leh kituiphum-in nangma na ka sem ding hi,” ci-in thu ka ngen hi. Siavuante’n
hong at uh nai 6 sung bang sawt hi. Ka khanlawh ciangin ka zi le ka tanu ka
gei-ah om ka mu a, hong hopih uh hi. Pasian in hong damsak ding hi, cih
lungmuanna ka nei hi.
Ni 21 khit ciangin zato pan ka ciah uh hi. Tua zawh kaal 3 khitteh
Pasian thugenna om a, tua munah tui ka kiphum hi. Tu-in deacon makai, le
biakinn vankem in ka om hi. Pasian in ka natna panin damna hong pia ahih manin
ka nuntak lai teng Ama na sem dingin ka kipia hi.
Tu quarter Sabbath School 13 sumpi in Mexico gam Villahhermosa khua-a
zato ah kipuak ding hi. MUC in Pinlong biakinn lam nadingin kipuak ding hi.
