Feb. 17
An Val om
lo Sadie McKenzie, kum 63
Sadie in kituiphum ding a khensat hangin a pasal in phal lo ding cih
thei ahih manin a lunghimawh hi. Sadie in Pasian thugenna-ah nitak sim thungai
dingin pai den a, a pasal Marcus in zui nuam ngei lo hi. Kituiphum leh a pasal
tawh zu dawn khawm thei nawn lo ding, club cihte ah pai khawm thei nawn lo ding
ahih manin a zi kituiphum ding phal lo hi.
Kituiphum ni a tun ding ni 2 bek kisam lai-a, Sadie in a pasal kiangah
kituiphum ding hong pulaak hi. Sadie in a khut tungah a pasal kingamsak hithiat
phot a, Sabbath niteh kituiphum ding, ci-in a gen leh, a pasal heh lua kisa-in
a mai hong san phamphem mawk hi. A pasal in na kituiphum leh hong taisan ding
hing, ci-in dawng kik hi. Tawl khat khitteh Sadie in nong taisan leh Pasian in
hong nusia ngei kenteh, ci-in dawng kik hi. Marcus zong pau nawn lo-in lum kik
hi.
A zingsang ciangin Marcus in a zi kituiphum peuhmah leh a zi a bawlsiat
zia ding ngaihsun sun hi. “ Friday ni-a kihuan an, Sabbath niteh a khingin ne
nuam keng,” ci-in a zi kiangah hong pulaak hi. A zi Sadie in ankhing ne kei
niteh, kei man hong huansak ning,ci-in dawng kik hi. A pasal lungkim tuan lo
heh veve ahih manin Sadie zong lau hi. A lawmte kiangah Pasian’ hutna ngetpih
dingin zong pulaak hi.
Sabbath ni ciangin kituiphum khitteh inn hong ciah a, innah a pasal na
om lo hi. A pasal inn hong ciah ciangin Sadie lunghimawh mahmah hi. Sat thuak
dingin kingaihsun hi. Ahi zongin ama lamet bang lo-in a pasal in Sadie hong
kawi hi. Tu a kipan nang pen mithak hi tateh ci-in a Sadie kiangah hong pulaak
takteh Sadie in lamdangsa lua hi. Cihmah hunin SDA biakinn ah pai nawn kei
ning, ci-in Sadie kiangah hong gen hi.
Sadie in tua bel nangma deihtel hi. Pasian in mimal khat ciat tungah
deihtel theihna hong pia hi, ci-in Sadie in dawng kik hi. Ahi zongin na tun
nading mun na tunteh gimna na thuak ciangin kuamah ngawh kei in, ci-in Sadie in
gen hi. Tua bangin Sadie kituiphum khitteh a pasal zong bang mah kamtam pau
nawn lo hi. Sabbath ni ciangin Sadie in anhuan ding sawl sawl taleh a zi in
huan nuam lo ahih manin a pasal in ngawngkai-sa mahmah hi.
Sabbath ni ciangin Sadie pasal in anne lo-in Sadie kikhopna gei-a zu
sai-ah zu dawn pahpah hi. Sadie in kikhopmanin inn hong ciahteh a pasal zukham
ahih manin inn ciahpih hi. Pasian in a pasal lungsim a lawnsak nadingin Sadie
in thungen den hi. Friday ni-in Sadie in a pasal puansilh ding hoihtak nawtsak
a, a zingsang Sabbath ciangin a pasal Marcus zong kikhawm dingin hong kithawi
hi.
Kikhopna pan inn hong ciah inn a tun phetun zin nakpi-in hong ling hi.
Marcus zong lau peuhmah hi. Topa in a nuntakna a kep manin Marcus in Topa
tungah lungdam ko hi. Sadie in a pasal kiangah zinlin ding kua mah in a theih
loh mah bangin Jesuh hong pai ding zong kuamah in thei lo hi. Jesuh hong pai ding
na kiging hiam, ci-in a zi in a pasal Marcus hong dong hi. Zinlin khit deuh
ahih manin Marcus lunghimawh lua ahih manin kapkhia hi. A vengte in Marcus kah
za-in bang thu hiam ci-in va dong uh hi.
“ Marcus in kikhawm nawn kei ning, bang hang hiam cihleh kei kikhop hang
a zinling hi, hong kici ding hi, ci-in a vengte dawng kik hi. A zi Sadie in
lunghimawh ken, kuaman tua bang ci kenteh, ci-in dawng kik hi. Mi tampi in
mite’ ngaihsutna uh ahih manin vantung tung lo ding hi, ci-in a zi in dawng kik
hi. Mite cih na zuih sangin kei cih hong zui in, ci-in Sadie in gen kik hi.
Marcus in a zi tawh biakinn hong zuan den uh hi. Hun khatteh Pasian thu
genna khat kinei a, Sadie in a pasal Marcus thungai dingin zawn hi. Ahi zongin
Marcus in a lawmte tawh zu sai na tungin zukham. A zingteh zong tua bang mahin
zukham hi. A nitak 3 na ciangin Sadie in na lawmte tawh na kikholh leh kei
sangin na lawmte it zaw hiteh, na lawmte tawh na kikholh laileh amau tawh om
in, ci-in hehsa-in hopih hi.
A zingteh Marcus in thungai dingin a zi tawh hong kikhawm uh hi.
Thugenpa in ki-ap hun a neih ciangin Marcus zong ki-ap dingin a mai-ah hong pai
hi. Marcus kikhelin kituiphum hi. A kituiphum ni-in a zi Sadie in um ngam lo
phialin, lamdangsa-in a khitui luang hi.
Sadie le Marcus nupa in Belize khua-ah teng uh a, pawlpi makai uh hi.
Sadie in tu-in ku, 63 cingkhin a, Pasian thungenna mun 6 bangah nei-in mi 50 in
kituiphum uh hi.
Tu quarter 13 Sabbath School sumpi in Sadie le Marcus nupate’n tenna
Belize ah Pasian pawlpi nasep nadingin kipuak ding hi. MUC in Pinlong pawlpi
puak ding hi.
