Pasian
kiang pan ‘shh’ awging khat Thupuak: Christian Muller, 33
Kyrgyzstan gamah Adventist thu-um 757 om hi. Gammi phazah 80% in Muslim
biakna zui uh hi. Tua lote Russian Orthodox le a dangdangte kihel uh hi.
Heritage Christian Sangah nasepna:
Ko innkuan in Soviet gam Kyrgyzstan ah kipiakkhiatna (volunteer) tawh
nasemin ka om uh hi. Kum khatin khat vei-ta, June kha sialin ka gam uh
Argentina ah ka ciahthei uh hi. Kei bel June sung hi lo-in December kha sungin
ka ciahnuam zaw hi. Bang hang hiam cihleh ka gam uah June kha sung pen phalbi
hi-in, December kha sung pen ko aa dingin khua-khaal hi-in ka nu tawh Khristmas
zang nuam zaw hing. Ahi zongin ka zi hong damloh takteh kikhoi hong kul ahih
manin ka vanteng uh guangin ka nasepna Tokmok khuapi-a Heritage Christian
School panin innlam ka zuan uh hi. Hih munah kum li sung bang director ka sem
hi.
Ka zi a ci hong damloh banah, Pasian in hih bang hunin innlam ka zuat
ding uh hong deihzawkna khat om hi ding hi, ci-in ka ngaihsun hi. Topa hong makaihna
ka muan zawkna hi dingin ka ngaihsun hi.
Pasian’ hong makaihna, ko aa dingin thupha
Argentina ah ka om sungin ka muh ngei loh Adventist numei khat in hong
sam hi. Hih nu in Kyrgyzstan ah ka nasepna aa dingin huhna ka kaihkhopna thu za
kha-in ka nasepna tawh kisai thu pawl khat ka pulaak hi. Hih numei in bang
hongci hiam cihleh ‘ ka inn ka zuak kum nih bang cingkhin, tudong hong kilei
nai lo, ka zuakna zah a langh bang khiamta leng, a lei ding om lo, ci-in hong
gen hi. Topa tungah thu ka ngen a, ka inn ka khot peuhmah leh $ 100,000 nangma
nasepna dingin ka pia khia ding hi, ci-in a thungetna hong pulaak hi.
Ken zong bang gen ka hiam cihleh Heritage Christian Sanginn in thaat 3
pha innpi khat lam ding geelna nei uh hi. Tua hileh tulaitak a sangnaupang a
zahnih bang, 330 bang hong pha thei dingin lamne uh hi. Nikum in sangnaupang 40
bangin sang pan kikhawlsak hi, ci-in ka pulaak leh, hih numei in tua ahih leh
ken hih sanginn lam nading tawh kisai hong vaihawm ning, ci-in hong gen hi.
Pasian in ka nget uh hong pia
Thungetkhopna ka neih khit uhteh ka ciahsan hi. Tua nitak ciangin hih
thu ka zi le ka tate kiangah ka gen a, ka innkuanun thu ka ngen khawm uh hi. A
zingsangteh innlei nuam khat tawh ka kimu uh hi. Ka nasepna panin ka ciahnop
nai loh hangin, “Pasian ka hihlam phawk un,” cih thu hong theisak hi ( Late 46:
10).
Numei nu’ innzuak kikhawng thei leh, sehthum suah sehkhat Kyrgyzstan ah
nasep nadingin hong huh ding cih a kamciam om bangin, a innzuak kikhawng thei
a, a kamciam bangin zong huhna hong pia hi. A sawt lo-in Kyrgystan ah inngolpi
khat kilam thei ding hong suak hi.
Inn ka ciah hun sung mahin USA hawh ding ka geel hi. USA ka om sungin
zong huhna kai khawmin ka zin kawikawi hi. Ahi zongin hih numei nu hong piak’
zah sehli suah sehkhat nangawn ka ngah zo kei hi.
Pasian nasepna-ah kisam huhna nget cih pen upna le thungetna tawh
pankhop kul hi. Pasian in Ama deihna bangbangin nasem ahihlam ka theitel hi. Tu
quarter 13 Sabbath School sumpi in Kyrgystan gam, Tokmok khuapi-a om Heritage
Christian School a hall pi khat leh sanginn puah nadingin kipuak ding hi.
MUC
in Kimlai biakinn puah nadingin kizang ding hi.
