OCT. 28
Vantunga
om meii-te in thuman hilh (Murad,
10)
Kum 10 a pha Murad in sangtuah dingteh a sianu kiangah ‘ thusim khat ka
nei” ci-in hopih hi. Hih sianu pen Khristian biakna kiphal lohna gam khat a SDA
sangsia khat hi. Nidangin Murad in cihmah in a sianu hopih ngei lo hi. Ahi
zongin tua bangin a hopihteh a sianu in zong lamdangsa hi. “ Bang hiam, na
thusim theih” ci-in sianu in dong hi.
A lamdang thuhilhna
Murad a pau kawmkawmin khitui hong luang hi. Ni khat sangkah dingin ka
pail eh, vantung lam ka et leh, mei lakah singlamteh tungah kikhai mi khat ka
mu hi,” ci-in pulaak hi. Kua mi ahi diam thei keng, ci-in a sianu kiangah
pulaak hi. Ahi zongin Jesuh thu nong gen kipan tua ka na muh ka phawk den hi,
ci’-in a sianu kiangah hong gen hi.
Tua thu a zakteh sianu zong a khitui hong luang hi. Murad tungah a gen
ding thei pak lo hi. Bang hang hiam cihleh Murad’ nu le pa in Jesuh a up ding
phal lo hi. Tua banah Khristian a suak peuhpeuh in nakpi bawlsiatna thuak ding
uh hi.
Lametna Nei
Murad’s omna ah bangci bangin Lungdamna thu kithei ding cih pen hamsa
hi. Ahi zongin Murad in a nungta Pasian a theih mah bangin a lamdangtakin
Pasian in nasem hi, cih kimu hi.
Naupangnote’n na lianpi sem ding uh hi,ci-in Ellen G. White in genkhol
hi. Hotkhiatna thu gen ding kiphal lohna munte-ah Pasian Kha Siangtho in nasem
in naupangte in na lianpi sem ding uh hi. (6T., 202).
Khristian biakna limtakin kizuih theih lohna gamte, 10/40 window, ah
hotkhiatna thu gen ding kiphal lo hi. Hih naupangno’ muh meii tungtawnin Pasian
in nasem hi. Hih gamte sunga om mi tampi in lampi tuamtuam- mang cihte
tungtawnin Jesuh thu a theihlawhin Khristian hong suak mi tampi om hi.
Murad in meii tungtawnin Jesuh hong mu thei hi. Jesuh in ‘hih
naupangnote dai leh, suangte kiko ding hi,” ci-in pulaak hi (Luke 19:40).
Nungzuite’n Jesuh in Messiah hi, ci-in a kiko uhteh Pharisee-te in Jesuh
kiangah nungzui-te gamdai dingin thupia in, ci’in sawl uh hi. Ahi zongin
Pharisee-te kiangah amaute kiko kei leh suangte kiko ding hi, ci-in dawngkik hi.
Tua bang mahin hotkhiatna thugen ding kiphal lohna gamte ah piansak
nate, vantung a om meii-te in thuman pulaak uh hi. Murad in tua meii-te
tungtawnin kilaak Jesuh um thei a, Khrih Honpa le Tanpa-in sang thei hi.
Pasian in a pat ama nasep zo hamtang ding hi. Mihing in a cinlohna
munte-ah Pasian in a lamdangtakin nasem hi. Euro-Asia Division sungah
hotkhiatna thu kizelh baih nadingin thungetna tawh mapang ciat ni.
Tu quarter 13 Sabbath School Sumpi pen Euro-Asia Division sungah kizang
ding hi. MUC SDA Conference in Kimlai biakinn puah nadingin kizang ding hi.
