OCT.
21
Laibu
Pua Khia-sim (Vladimir Borisov)
SDA
khawmpi kahna pan ka ciahteh pawlpi laibu 100 kim khawng inn ka ciahpih hi. Ka
tenna Soviet gam in Muslim biakna tawh kidim ahih manin biakna dangte’n
simthamin nasem hi. Mun dang pan kipua laibu peuhmah kumpi in sittel hamtang
phot hi.
Ka
Laibute pua ding hong nial
Ka
lawm khat tawh mawtaw tuangin inn ciah ding ka geel uh hi. Ka lawmpa kiangah
mawtaw hawlpa’n hong phal leh hih laibu-te puak ka sawm hi, ci’n ka gen hi.
Mawtaw hawlte sum tawm pia leng, pua nuam mawh lo uh hi.
Mawtaw
hawlpa kiangah ka gen leh a puak man ding $ 100 hong ngen hi. Tua leh ka lawmpa
tawh mawtaw tuangin innlam zuanin ka pai khia uh hi. Gamgi ka tun uhteh mawtaw
hawlpa’n hih laibu-te bang laibu hiam, ci’n hong dong hi. Ke’n Khristian laibu
hi, ci’n ka dawng hi.
Tua
leh mawtaw hawlpa’n a ip sawk sungin ka sumpiak hong pia kik hi. “Khristian
laibute puak ding sangin cocaine puak ding baihzaw hi,’ hong ci mawk hi.
Pasian
in Lampi hong honsak
Ka puak laibu-te
kipua suak thei lo ding hi ta, ka lungkham peuh mah hi. Bang cih mawk ding?
Cihna ding ka thei kei hi. Ka lawmpa
tawh mawtaw gei-ah khukdin-in laibu-te inn dong ka puaksuak theih nading uh thu
ka ngen uh hi. Thungen kawmin gamgi kanna gate ka lut uh hi. Gate cingte’n vante
khat khit khat,van check nate tawh check uh hi. Ka vante uh tua van ki-check
na-ah bang mah kilang lo, van checkna set pan pusuak khia thei mahmah lo, gate
nasemte’n nih le thum vei bang sin kik kik, ngah tuan lo uh, a sawtteh ka vante
uh check nawn lo-in hong pai-khia sak ziau hi. Gate khenkhitteh gate en ngam
lo, tawl khat ka pai khit uhteh ka nunglam uh ka en ngam pan uh hi. Ka nung uah
hong pai mite van ahih leh, gate nasemte in khat khit khat ban et ciatciat uh
hi.
A gate nihna ah ka vante uh ki check kik ding hi leuleu, thungen
kawmkawmin ka vante uh gate nasemte ka ap uh hi. Van ki-checkna ah ka vante uh
a koih uhteh bang mah suak kilang lo hi. A set in nasem lo hi. Nasemte’n ka
vante uh check nawn lo-in hong pai sak hi. Ko nunga-te bel kisit uh hi.Pasian
hong huhna hi kei leh, ka laibu puakte uh hong kimatsak bek hi lo, thongtang
ding hi ung.
Thungen hanciam
Sabbath kikhop hong tungin, kikhop khitteh pawlpi mite khat in hong
hopih a, “ nung kaal sung lamdang ka sak mahmah, na pastor aa dingin thungetsak
in,” ci-in hong sawl khat om hi. Zankim laitak kei zong tho-in nang aa ding thu
ka ngen hi. Nong ciah ding lamzong ka thei kei hi,” hong ci hi. Amah tawh ka
kiho uh a, ama thunget hunlaitak mahin ko zong gamgi ka kan hun uh kituak hi.
Pasian’ nasepzia pen lamdang mahmah hi. Pasian na kisep theihlohna gamte aa
dingin thu hong ngetsak un.
Tu quarter 13 Sabbath School Sumpi pen Euro-Asia Division sungah kizang
ding hi. MUC SDA Conference in Kimlai biakinn puah nadingin kizang ding hi.
