NOV. 18
Surayo Khudjamkulova, 34
Kum 10 valdeuh a pha Surayo in a
innvengte’n kikhawm dingin zawn zel a,amah zong SDA biakinn ah va kikhawm zel
hi. Ahi zongin kum 18 a phak a kipan Pasian mangngilhin kikhawm nawn lo hi.
Nursing kahin, a zawhteh pasal nei hi. A pasal zudawn, phee-kap den ahih manin nupa kikal sung buai-na tawh kidim hi. A pasal in vua zel hi. Tua bang hun ciangin Surayo in Lai Siangtho Isaiah 5:4 sim kha hi. “ Ka lenggui lo a’ dingin ka hih nail oh ka hih ding a kilawm bang om lai ahi hiam? Leenggah hoih gah ding ka lamet laitakin bang hangin gam leengah hong gah mawk ahi hiam?” a simkhakteh a khitui luang hi.
Nursing kahin, a zawhteh pasal nei hi. A pasal zudawn, phee-kap den ahih manin nupa kikal sung buai-na tawh kidim hi. A pasal in vua zel hi. Tua bang hun ciangin Surayo in Lai Siangtho Isaiah 5:4 sim kha hi. “ Ka lenggui lo a’ dingin ka hih nail oh ka hih ding a kilawm bang om lai ahi hiam? Leenggah hoih gah ding ka lamet laitakin bang hangin gam leengah hong gah mawk ahi hiam?” a simkhakteh a khitui luang hi.
Pasian in ama aa
ding a geelsakte a muan ngamloh lam Suroya in amah le amah kiphawk hi. “Ka
pasal tawh kigawm kik ding ka hih leh ka pasal in hong sat nawnloh nadingin
hong huh in. Ka kigawm kik kei ding uh leh zong lungnopna hong pia in, Pasian
kiangah thungen hi. Tua bangin a thunget khitteh a lungsim ah bang hong suak hiam cihleh a pasal sangin Jesuh a
muan zawkna thu hong ngaihsun hi. Tua bangin a pasal kiangah a pulaak ciangin a
pasal in Jesuh hi lo, Mohammed bia ding,ci-in dawng kikkik hi.
Jesuh in kamsang sangin vanglian zaw hi. Amah in hotkhiatna lampi hi,
ci’n tua bangin kidawng uh hi.
A Lauhuai Khensatna
Tawl khat khitteh a pasal in phe-kapna ah lel in a sum neihteng bei hi.
Leiba tampi nei khin hi. Inn ah a om ding sangin thong inn ah om ding khensat
zaw hi. Thong a khiat nadingin a zi thah dingin hong ngaihsun hi. Nitak khat a
zi kiangah lamsiau dingin zawn hi.
Tua nitak kha zong taang hi. Tua bangin a nupa-un lamsiau-in a pai pai
uh leh khua nawl lam han va tung uh hi. Tua leh a pasal in a zi’ ngawng temta
tawh hong ngim mawk hi. A zi Suroya in zong a temta sutkhiatsak dingin a khut
ah man kha hi. A nihun kilaii uh hi. Tua bangin a kilaii-na panun Suroya khutme
pawl khat temta tawh ki-at kha hi. Jesuh, hong hon in, ci-in nakpi-in kiko hi.
Tua khitteh Suroya in khua phawk nawn lo hi. A khua phawkteh a inn sungah om
ahihlam kiphawk hi. A pasal in kei ma’n inn kong ciahpih kik hi, ci-in pulaak
hi. Suroya in a pasal kiangah a tawntungin nungta khawmta ding hi hang, ci-in
pulaak hi. A pasal in bang mah dawng lo-in paikhiatsan hi. Kikhen le-uh Suroya
in a nungta Pasian bia ding a kamciam piak mangngilh hi.
Suroya in zato khatah nasemin innsap hi. Tua bangin a omna pan Pasian
tungah a kamciam phawk kik hi. Topa tungah thungenin, “a nungta Pasian bia
dingin nong deih ahih leh nang mah a hong kibiak takpi-na pawlpi khat hong hilh
in,” ci-in thungen hi.
Mawtaw
Tuangkhial
Saturday ni khat a nasepna zato pan innlam zuanin mawtaw a tuan leh, a
mawtaw tuan pen ama innlam pai ding hi lo mawtaw khat va tuang kha hi. A
khuadak kawikawi leh SDA biakinn khat mukha hi. Biakinn ah mi kikhawm a muh
takteh Pasian’ makaihna hi, ci’n hong lungmuang thei hi. Sabbath ni ahih manin
biakinn sungah mi kikhawm ka mu uh hi. Pasian in biakinn ah kikhawm dingin
lampi honsak hi, cih kimu thei hi. Suroya-te nupa in zong Pasian’ ompihna le
makaihna sungah nuamsa toto uh hi.
Tu quarter 13 Sabbath School Sumpi in Tajikistan Adventist pawlpi-ah
kipuak ding hi. Hih gam ah gammi 8000000 bang om a, Adventist thu-um mi ahihleh
200 val deuh khawng bek om hi.
MUC SDA Conconference in Kimlai biakinn puah nadingin kipuak ding hi.
