MUC

Print Friendly and PDF

Sunday, October 1, 2017

DEC. 9 Meileng tungah Jesuh’ Thu Gen ( Nikolai Zhukalyuk, 84)



DEC. 9

Meileng tungah Jesuh’ Thu Gen (Nikolai Zhukalyuk, 84)

Khristian thu-um hihna in a min-a Khristian suahna hi lo hi. Khristian thuman nuntakpihna in Khristian hihna taktak hi.
Khristian hi lo mite tawh kilamdanna na neih ciangin mite’n Khristian upna hong thei nuam ding uh a, tua ciangin Khristian upna hong kan ding uh hi. Tua lo-in bangci bangin na upna thu hong dong ding uh hiam?

A Lawp Mi

Mi tawh kiho-in thudot theihna ding lampi ka zong den hi. Ahi zongin mi khat peuh kiangah Sabbath thu, ahih kei leh pawlpi’upna khat peuh va dot pah ding pen hoih ka sa tuan kei hi. Amau theihnop thute mah dot ding thupi kasa zaw hi.

Ni khat Ukraine’ khuapi Kiev zuan dingin Lviv panin meileng ka tuang hi. Nupi khat tawh ka tukhawm hi. Ama kiangah i khualzinna ding gamla ahihteh kimeltheih bawl ni, ci-in ka hopih hi. “nang Lviv pan na hiam,” ci-in ka dong hi. Lviv pan hi keng, Kieve pan hing, ci’n hong dawng kik hi. Tua leh “Bang vai-a Kiev pai ding na hiam” ci-in hong dong kik hi. “Nidangin pawlpi makai khat ka hi ngei a, meltheih lawm le gual tampi nei ing. Ka lawmte Ukraine hong pai uhteh Kiev ah kimu dingin hong sam uh a, tua hangin Kieve pai ding hing,” ci-in ka dawng kik hi. Tua bangteng tawh ka nasep tawm ka pulaak hi.

Lunglutna hong om

Tua nupi in ka nasep lunglut mahmah hi.

“Ka min in Nadya hi. Bang pawlpi ah nasem na hiam? ci-in hong dong hi. Ka dawngpah kei a, “nang bang pawlpi ah om na hiam? ci-in ka dong phot hi. Pawlpi bang mah beel keng hong ci hi. Orthodox upna zui ing, hong ci hi. Amah pen Ukraine gam nisuahna lam ah lungsim natna neite tawh nasem khawm (Pyschologist) khat hi. Tualeh “Orthodox le Christian bang kilamdang hiam,” ci-in hong dong hi. Orthodox in Sunday ni-in kikhawm uh, ko Saturday ni-in kikhawm” ci-in ka dawng kik hi.

“A bangci dan, Saturday ni-a kikhawm” ci-in hong dong hi. “Lai Siangtho na sim hiam? ci-in ka dong kik hi.

“Sim mah ee” hong ci hi.

“Thukham 10 na thei hiam? ci-in ka dotteh, “ Thei ee, that kei in. Gu kei in, cihte thei mah hong ci hi.

“Tua ahih leh Thukham 4 na in Sabbath thupiak hi lo hiam” ci-in ka dong hi.
Tua bangin ka kiho ho uh hi. Ihmut hun nai ahih manin ka ihmu phot uh hi. Sabbath tawh kisai theihbeh nuam ahih manin Kiev khua-ah SDA pawlpi laibu zuakna mun ka hilh hi. Tua tengah kei-ma gelh laibu 15 bang kingah thei ding hi,ci-in ka gen hi.

Kizopna Nei

Ka laibu-te kingah nawn lo, bei khin cih a theihteh tua nupi nu lungkia-in a dang kingah thei ding leh, hong hopih hi. Kiev ka tun uhteh a pasal zong ka mu uh hi. Tua bangin khat le khat kizopna nei-in Sabbath thuman a kan laitak uh ahi hi.

Tu quarter Sabbath School 13 sumpi in Kiev gama nasep nadingin kipuak ding hi. MUC SDA conference in Kimlai biakinn puah nadingin kipuak ding hi.



To get the latest update of me and my works

>> <<