DEC. 23
Pasian langpanna Victor Bufteac, 40
Moldova ah nuntak hamsa mahmah hi. Kumpi sitna khat ka hi hi. Polish
passport khat ka leisim a, nuntak a noptuam khak leh ci-in Ireland ah ka teng
hi. Ka ompihpa SDA thu-um mi khat na hi gige hi.
Ompih pa tawh kilem pha lo
Ka ompih pa Alexander pen ompih ding nuam khol lo hi. Ka neutung a kipan
ka upna ka kikup uhteh hong nial hamtang hi. Sunday ni siantho-sak ding hi, ka
cih ciangin hong nial hamtang den hi. Alexander in nisim in Lai Siangtho sim
hi. A kituiphum a kipan kum khatin khat vei Lai Siangtho khat vei simzo hi.
Tu’n kum 8 cingkhin a, 8 vei bang zo khin hi. Ke’n lah Lai Siangtho ka sim ngei
mahmah kei hi.
Lai Siangtho kigelh zawh kum 2000 bang val khin, tuhun aa dingin thuman
ahihna hong lak in,ci’n ka dong hi. Lai Siangtho tawh kisai laibu 5 hong pia
hi. Ka nasepna Dublin ah zingsang le nitak nasep pai le ciah hun sungin ka sim
hi. Lai Siangtho kigelh zawh kum 2000 bang a valkhit hangin tuni dongin thuman
hi, cih ka phawk hi.Tua bangin ka lawmpa tawh Lai Siangtho ka simkhawm uh hi.
Alexander
Khialh ahihlam theisak nuam
Friday
ni khat ka lawmpa kikhawm ding kithawi ka muhteh ka heh hong suak hi. Bangci
bangin Alexander in Lai Siangtho thuman theithei hiam cih pen ka tel zo kei hi.
Kei le kei in Lai Siangtho sin in Alexander’upna khial hi, cih ding bek ka
hanciam hi. Ka dot ding khat khit khat ka gelh hi.
“Bang
hangin Saturday ni biakpiak ni ding, bang hangin Sunday kizang lo?
“Bang
hangin votsa ne lo”
“Bang
hangin Daniel 2 genkholhnate kisam?
Ngaihsutna Kikhel
Lai Siangtho ka sim takteh ka thudotte khempeuh ka telthei hi. Ka
ngaihsutna hong kikhel hi. A man lo khat um ka hihlam ka kiphawk hi. Sabbath,
ni sagih ni-in biakna neih ding ahihna ka mu hi. Alexander kiangah biakinn ah
hong kikhawm ning, ka cihleh aman zong lamdang hongsa hi. Kum khat khitteh SDA
sungah ka kituiphum hi. Ka innkuanpihte bel nuam lo uh hi. Ka lawmdangte’n zong
mihai bangin hong ngaihsun uh hi. Thuman tawh nuntak ding manpha kasa pen hi.
Thumanna-ah hong tawsawn
Passport nih tawi-in Ireland gam ah om ding pen kumpi thukhun tawh
kituak lo hi, ci-in Alexander in kumpi tawh kituakin om ding hong hanthawn den
hi. Ke’n zong ka passport ka balkek hi. Pasian thu le kumpi thu mang ding ka
khensat hi. Moldova passport bek tawh ka om hi. Tu’n Moldova passport bek tawh
om ka hih manin palikte’n hong man thei ding hi.
Pasian in ka om ding hong deih zawk ahih leh ka om thei ding a, hong awi
lo ahih leh Nangma deih bang bang,ci’n thu ka ngen hi. Tua banah nasep ka nei
kei hi. Topa hong huhin nasep khat ka ngah hi. Zan ciangin inncing nasep ka
ngah hi. Sabbath ni tawlngak zong ka ngah hi. Kumpi thukhun om bangin siah ka
pia hi. Tua leh siah (tax) pia dingin zum ka pai hi. Ka passport mah ka tawi
hi. Ka mai-a om mite’n mangpau siam khol lo ahih manun, zum nasemte tawh sawt
veipi hong kiho phot tadih uh hi. Sawtpi ngak ka hih manin ka heh hong suak hi.
Kei hun hong tunteh zum nasemte’n bang hongci peuh mah diam, ci’n ka lunghimawh
mahmah hi. Ireland passport ka suksiat a kipan a guk om suak phot hing. Tua leh
laidal khat hong pia ziau in ka passport hong etsak nawnlo hi. Siah (tax) piak
nading nambat ka ngah hi. Ka lawmpa um zo mahmah lo hi. Kum tawlkhat khitteh
kumpi tung panin sum pawl khat ka ngah kik hi.
Moldova ah MA zo khin ka hih manin German company khat ah thu le la vai
tuamtuamte a van dingin hong koih uh hi. Sabbath zang thei-in kumpi tungah siah
ka pia thei hi. Pasian in hong cing tawntung hi, cih ka phawk pha kikkik hi.
Moldvo gam ah mi 3500000 val bang om hi. SDA thu-um 9000 bang om hi.
Pawlpi le company 238 bang om ding hi.Adventist sanginn khat om hi. Tu quarter
Sabbath School 13 sumpi in Moldvo gam a SDA nasep nadingin kipuak ding hi. MUC
SDA conference in Kimlai biakinn puah nadingin kipuak ding hi.
Mai Sabbath in 13th Sabbath ahih manin sumpi khiat ngei a zah
3 a khia dingin kiging ciat ni. Mission news gen ding mi nih sawl in. Ahih
theih leh numei khat le pasal sawl in.
